ಗರ್ಭದೊಡಲ ಹಾಡು‌

ಪಿ.ಆರ್. ವೆಂಕಟೇಶ್

ಧರೆಯ ಗರ್ಭದೊಡಲಹಾಡು
ಮಾರ್ಧನಿಸಿದೆ ಎಲ್ಲಡೆ ನೇಗಿಲಕುಳ ಧರ್ಮಧಾರೆ
ಜಗದಗಲ ಹೂಡಿದೆ.

ಕೊರೆವ ಚಳಿಯಕಾವಿನಲ್ಲಿ
ಮೈತುಂಬಿದೆ ಚರಿತೆಯು
ಅನ್ನದೇವನೆದೆಯಲ್ಲಿ ದಾಂಗುಡಿಸಿದೆ ಕವಿತೆಯು
ಏನು ಏನು ಆನು ತಾನು
ಆದಿ ಬೆಳಗು ಮೂಡಿದೆ
ಮಾಪಿಳ್ಳೆಯ ತೆಲಂಗಾಣ ಧೂಪಧೂಮ ಬೆಳಗಿದೆ.

ಇನ್ಶು ದೇವಗಿಲ್ಲ ನಿದ್ದೆ
ಬಡಬಡಿಸಿದೆ ಗೋಪುರ
ಬೆವರುಕ್ಕಿದ ಬಿರುಗಾಳಿಗೆ
ತರಗೆಲೆ ಕಸ ಕಾಪುರ
ದೊರೆಯರಮನೆ ಮೌನದಲ್ಲಿ
ಧರ್ಮ ದ್ವೇಷ ಯಗ್ನ
ನಂಜ ಮನಸ ಕುಂಭದಲ್ಲಿ
ಸಾವು ಮಥಿಸಿ ಲಗ್ನ.

ಎಲ್ಲಿದ್ದರೊ ಹೇಗಿದ್ದರೊ
ಧರೆಯ ತಬ್ಬಿ ಎದ್ದರು
ಕಾನೂನಿನ ಕಂಬಳಿಗಳ
ಕಿತ್ತೆಸೆದು ನಿಂತರು
ಕೆಂಪುಕೋಟೆ ಎದುರೆ ಇವರು
ಕೆಂಡವಾಗಿ ಅರಳಿದರು
ಪ್ರಾಣ ದಾಳಿ ಶಾಸನಗಳ
ಸುಟ್ಟು ದೀಪವಾದರು.

ಹೊಲದ ಸಾಲ ಪದರಿನಲ್ಲಿ
ಜೀವ ಬಿತ್ತಿ ಬತ್ತಿದವರು
ಬೀಜಗರ್ಭ ಕಾವಿನಲ್ಲೆ
ಮೋಳೆತು ಮತ್ತೆ ಚಿಗಿತರು
ಮೊಡಕವಿದ ಬಾನ ಸರಿಸಿ
ನೀಲಿಯಾಗಿ ನಿಂತರು
ಸೂರ್ಯಕಿರಣ ಕೂರಿಗೆಯಲಿ
ಹೋರಾಟವ ಬಿತ್ತಿದರು.

ಧರೆಯ ಗರ್ಭದೋಡಲ ಹಾಡು
ಮಾರ್ಧಿನಿಸಿದೆ ಎಲ್ಲಡೆ
ನೇಗಿಲಕುಳ ಧರ್ಮಧಾರೆ
ಜಗದ ತುಂಬ ಹೂಡಿದೆ.

‍ಲೇಖಕರು Avadhi

December 28, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ನೀನೆಂದರೆ ನೀ ಅಷ್ಟೇ

ನೀನೆಂದರೆ ನೀ ಅಷ್ಟೇ

ಶಿಲ್ಪ ಮೋಹನ್ ಛೇ ಎಂತ ರಣ ಬಿಸಿಲೆಂದು ಮೂಗು ಮುರಿಯಬೇಡ ನಿನ್ನ ನೆರಳಿಗೂ ಅಸ್ತಿತ್ವವಿದೆಯೆಂದು ಸಾರಿದ್ದು ಆ ಉರಿ ಬಿಸಿಲೆ ಮರದಿಂದ ಒಣ ಎಲೆ...

ನಮ್ಮ ಬುದ್ಧ

ನಮ್ಮ ಬುದ್ಧ

ಎಚ್ ವಿ ಶ್ರೀನಿಧಿ ಈಗೀಗನನಗೆ ಎಲ್ಲೆಡೆ ಕಾಣುವುದುಅರೆ ನಿಮೀಲಿತ ನೇತ್ರದ,ಪದ್ಮಾಸನದಲ್ಲಿ ಕೂತ,ಗುಂಗುರು ಕೂದಲ ಬುದ್ಧ. ಅಂತಸ್ತಿಗೆ ತಕ್ಕ...

ಜೇನು ಸೈನ್ಯ ಮತ್ತು ನಾನು!

ಜೇನು ಸೈನ್ಯ ಮತ್ತು ನಾನು!

ಸಾವಿತ್ರಿ ಹಟ್ಟಿ ದೀಡು ತಿಂಗಳಿಂದ ನಮ್ಮ ಮನೆಯಲ್ಲಿ ಜೇನು ಬಳಗದವರು ಭಯೋತ್ಪಾದನೆ ಮಾಡ್ತ ಇದ್ರು!! ಒಂದ್ಸಲ ಒಬ್ಬಳು ಜೇನಮ್ಮ ಕಚ್ಚಿದ್ಲು!...

೧ ಪ್ರತಿಕ್ರಿಯೆ

  1. ರಮೇಶ ಗಬ್ಬೂರ್

    ಪಿ. ಆರ್. ವೆಂಕಟೇಶ ಅವರ ಕವಿತೆ ಚೆನ್ನಾಗಿದೆ.. ಈ ಸಂದರ್ಭದಲ್ಲಿ ಅರ್ಥಪೂರ್ಣ.. ಅದನ್ನು ಈಗಾಗಲೇ ಹಾಡಿದೀನಿ… ಉತ್ತಮ ಪ್ರತಿಕ್ರಿಯೆ ಬಂದಿದೆ…

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: