ಚಹಾದ ಹಾಗೆ ನನಗೆ ಬಣ್ಣ ಬಿಡಲು ಬರುತ್ತಿಲ್ಲ…

ಸಂಗಮೇಶ ಸಜ್ಜನ

ಈಗೀಗ ಎಲ್ಲಿ ನೋಡಿದರು
ಹಬೆ ತುಂಬಿದ ವಾತಾವರಣವೇ

ಒಂದು ಕಡೆ ಸಿಗರೇಟಿನ ಹೊಗೆಯಾದರೆ
ಇನ್ನೊಂದೆಡೆ ಈ ಚಹಾದ ಹಬೆ

ಒಮ್ಮೊಮ್ಮೆ ಹೊಗೆಯಿಂದ ಉಸಿರುಗಟ್ಟಿದಂತೆನಿಸಿದ್ದರೂ
ಈಗೀಗ ಈ ಕೊರೆಯುವ ಚಳಿಯಲ್ಲಿ ಕರಗಿ ಹೋಗಬೇಕೆನಿಸುತ್ತದೆ

ತುಟಿಗೆ ತುಟಿ ತಾಕಿಸುವಷ್ಟು ಧೈರ್ಯ ಇನ್ನೂ ಬರಲಿಲ್ಲ
ಅಂದ ಹಾಗೆ ಉಸಿರಿಗೆ ಉಸಿರು ತಾಕಿಸೋದು ಕಷ್ಟವೇ


ಹಾಗಾಗಿ ದಿನಕ್ಕೆ ಐದು ಬಾರಿಯಾದರೂ
ಚಹಾಪಾನ ಎಂದೋ ಚಹಾ ಹೀರುವೆ

ಕಪ್ಪಿಗೆ ತುಟಿ ತಾಕಿಸಿದಾಗ ಸಿಗುವ ಅನುಭವ ಈ ಚಳಿಯಲ್ಲಿ ಮತ್ತೆಲ್ಲೂ ಸಿಗಲಿಕ್ಕಿಲ್ಲ

ಬಾಲ್ಯದಲ್ಲೆಲ್ಲ ದಣಿವಾರಿ ಬಂದಾಗ ಅಮ್ಮನದೊಂದೇ ಮಾತು
ಅಪ್ಪ್ಯಾ ಚಹಾ ಕುಡಿ, ಸ್ವಲ್ಪ ದಣಿವಾರಿತು

ಈಗೀಗ ಕತ್ತೆ ದುಡಿತದ ನಡುವೆ ಅದೇ ಮಾತು
ಚಾ ಕುಡಿದು ಫ್ರೆಷ್ ಆಗುವ

ಅಮ್ಮನ ಕೈಯಾರೆ ಮಾಡಿದ್ದು ಅಮೃತವೇ
ಈಗ ಹೋಟೆಲಿನವ ಮಾಡಿದ್ದು ಅಮೃತ

ಆದರೆ ಅಮ್ಮನದ್ದು ಪ್ರೀತಿ ಮಮತೆಯದ್ದಾದರೆ
ಇವನದ್ದು ಬಡತನ ಮತ್ತು ಹಸಿವಿನ ಒರತೆ

ಎಲ್ಲೋ ದುಃಖದ ಮನೆಯಲ್ಲಿಯೂ ಸರಿ
ಇಲ್ಲಿಯ ಶುಭಸಮಾರಂಭದಲ್ಲೂ ಸರಿ

ಚಹಾ ಎಂಬ ಅಮೃತ ಎಲ್ಲರನ್ನು ಆವರಿಸಿಕೊಂಡು ಮಾಯವಾಗುವಂತೆ ಮಾಡಿ ಬಿಡುತ್ತದೆ.

ನನಗೂ ಈಗೀಗ ಎಲ್ಲವನ್ನೂ ಆವರಿಸಿ ಆವಿಯಾಗಬೇಕೆನಿಸುತ್ತದೆ

ಆದರೆ ಚಹಾದ ಹಾಗೆ ನನಗೆ ಬಣ್ಣ ಬಿಡಲು ಬರುತ್ತಿಲ್ಲ…

‍ಲೇಖಕರು Avadhi

December 30, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ನೀನೆಂದರೆ ನೀ ಅಷ್ಟೇ

ನೀನೆಂದರೆ ನೀ ಅಷ್ಟೇ

ಶಿಲ್ಪ ಮೋಹನ್ ಛೇ ಎಂತ ರಣ ಬಿಸಿಲೆಂದು ಮೂಗು ಮುರಿಯಬೇಡ ನಿನ್ನ ನೆರಳಿಗೂ ಅಸ್ತಿತ್ವವಿದೆಯೆಂದು ಸಾರಿದ್ದು ಆ ಉರಿ ಬಿಸಿಲೆ ಮರದಿಂದ ಒಣ ಎಲೆ...

ನಮ್ಮ ಬುದ್ಧ

ನಮ್ಮ ಬುದ್ಧ

ಎಚ್ ವಿ ಶ್ರೀನಿಧಿ ಈಗೀಗನನಗೆ ಎಲ್ಲೆಡೆ ಕಾಣುವುದುಅರೆ ನಿಮೀಲಿತ ನೇತ್ರದ,ಪದ್ಮಾಸನದಲ್ಲಿ ಕೂತ,ಗುಂಗುರು ಕೂದಲ ಬುದ್ಧ. ಅಂತಸ್ತಿಗೆ ತಕ್ಕ...

ಜೇನು ಸೈನ್ಯ ಮತ್ತು ನಾನು!

ಜೇನು ಸೈನ್ಯ ಮತ್ತು ನಾನು!

ಸಾವಿತ್ರಿ ಹಟ್ಟಿ ದೀಡು ತಿಂಗಳಿಂದ ನಮ್ಮ ಮನೆಯಲ್ಲಿ ಜೇನು ಬಳಗದವರು ಭಯೋತ್ಪಾದನೆ ಮಾಡ್ತ ಇದ್ರು!! ಒಂದ್ಸಲ ಒಬ್ಬಳು ಜೇನಮ್ಮ ಕಚ್ಚಿದ್ಲು!...

೧ ಪ್ರತಿಕ್ರಿಯೆ

  1. Kotresh T A M

    ವಾಸ್ತವದ ರೂಪಕ.ತುಂಬಾ ಚೆಂದದ ಕವಿತೆ.
    ಇಷ್ಟವಾಯಿತು ❤

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: