ಚೈತ್ರಾ ಶಿವಯೋಗಿಮಠ ಕವಿತೆಗಳು

ಚೈತ್ರಾ ಶಿವಯೋಗಿಮಠ

ಬಿಡುಗಡೆ!

ಪುಟಗಳ ತಿರುವಿ
ಪದಗಳ ಹರವಿ ಬೆರಗಾದರೂ
ಭಾವಕ್ಕೆ
ಬಿಡುಗಡೆಯ ಭಾಗ್ಯ ಸಿಗಲೊಲ್ಲದು.

ಉಟ್ಟು, ಉಂಡು
ಸಿಂಗರಿಸಿ ಮನವ ಮುದಗೊಳಿಸಿದರೂ
ಭಾವಕ್ಕೆ
ಬಿಡುಗಡೆಯ ಭಾಗ್ಯ ಸಿಗಲೊಲ್ಲದು

ಮನವ ಹರವಿ
ಅಂತರಾಳವ ಸುರುವಿ ಹಗುರಾದೆನೆಂದರೂ
ಭಾವಕ್ಕೆ
ಬಿಡುಗಡೆಯ ಭಾಗ್ಯ ಸಿಗಲೊಲ್ಲದು

ದೂರದೊಂದು ಕುಹೂ
ಅನವರತ ಇಂಪಾಗಿ ಕೇಳಿದರೂ
ಭಾವಕ್ಕೆ
ಬಿಡುಗಡೆಯ ಭಾಗ್ಯ ಸಿಗಲೊಲ್ಲದು

ಹರಡಿದ ಪದಗಳನೆಲ್ಲ
ಹೆಕ್ಕಿ, ಒತ್ತಾಗಿ
ಒಂದರ ಹಿಂದೊಂದು ಪೋಣಿಸಿ
ಕಟ್ಟಿ, ಮಾಲೆಯ ಹಿಡಿದು,
ಪದಗಂಧವ ಸಂಭ್ರಮಿಸಿದಾಗಲೆ
ಭಾವಕ್ಕೆ ಬಿಡುಗಡೆಯ ಭಾಗ್ಯ!

ಅನುವಾದಿತ ಪದ್ಯ
ಖಲೀಲ್ ಗಿಬ್ರಾನ್ ನ “Fear”ಪದ್ಯದ ಭಾವಾನುವಾದ

ಭಯ

ಶರಧಿಯಲ್ಲಿ ಲೀನವಾಗುವ ಮೊದಲು
ನದಿ ಭಯದಿಂದ ಥರಗುಟ್ಟುತ್ತಾಳೆ

ಬೆಟ್ಟದ ತುತ್ತ ತುದಿಯಿಂದಿಳಿದು, ನೀಳವಾದ
ತಿರುವುಗಳೊಂದಿಗೆ
ಕಾಡುಮೇಡು, ಹಳ್ಳಿಗಾಡುಗಳ ಬಳಸಿ ಬಂದ
ಹಾದಿಯನ್ನೊಮ್ಮೆ ಹಿಂದಿರುಗಿ ನೋಡುತ್ತಾಳೆ!

ಮುಂದಡಿಯಿಟ್ಟರೆ,
ತನ್ನೊಳಗೇ ಕರಗಸಿಕೊಳ್ಳುವ ಅನಂತ ಸಾಗರ
ಅವಳ ಕಣ್ಣ ಮುಂದೆಯೇ

ಆದರವಳಿಗೆ ಹಿಂದಿರುಗಿ ಹೋಗಲು
ಶಕ್ಯವೇ ಇಲ್ಲ!

ವಾಸ್ತವದಲ್ಲಿ, ಯಾರೂ ಸಹಹಿಮ್ಮುಖವಾಗಿ
ಚಲಿಸುವುದು ಅಸಾಧ್ಯವಲ್ಲದೆ ಅಸಂಭವವೂ

ನದಿ ಸಾಗರನ ಒಳ ಹೋಗುವ
ಸಾಹಸವನ್ನ ಮಾಡಲೇಬೇಕು!
ಅಂದಾಗಲೇ ಭಯದ ನೆರಳು ಸರಿಯುವುದು.
ಆಗಲೇ ಅವಳಿಗೆ ತಿಳಿಯುವುದು ತಾನು ಸಾಗರನಲ್ಲಿ
ಕಣ್ಮರೆಯಲ್ಲ, ಐಕ್ಯಳಾಗುವಳು!
ನದಿ ತಾನೂ ಶರಧಿಯಾಗುವಳು.

‍ಲೇಖಕರು Avadhi

October 7, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಚೆಗೆವಾರ

ಚೆಗೆವಾರ

ಪಿ ಆರ್ ವೆಂಕಟೇಶ್ ನಿಜವೆಂದು ನಂಬಿಸಿದ ನಿಜಗಳೆದೆಯನು ಸೀಳಿಕೆಂಡದುಂಡೆಯಮೇಲೆ ಎದ್ದು ನಿಂತವನೆ ಹೆಗಲ ಮೇಲೆ ಕೋವಿ ಎದೆಯೊಳಗೆ ಗುಲಾಬಿದೂರಗಳ...

ಖಲೀಲ್ ಗಿಬ್ರಾನ್ ಕವಿತೆ ‘The Poet’

ಖಲೀಲ್ ಗಿಬ್ರಾನ್ ಕವಿತೆ ‘The Poet’

ಮೂಲ ಆಂಗ್ಲ ಲೇಖಕರು: ಖಲೀಲ್‌ ಗಿಬ್ರಾನ್ ಕನ್ನಡಕ್ಕೆ -ಚೈತ್ರಾ ಶಿವಯೋಗಿಮಠ ಕವಿ ಇವನು, ಭೂತ - ಭವಿತವ್ಯದನಡುವಿನ ಕೊಂಡಿಜಗದ ಪ್ರತಿ...

ಮಗುವಂತೆ ಕವಿತೆ..

ಮಗುವಂತೆ ಕವಿತೆ..

ಡಾ.ಗೋವಿಂದ ಹೆಗಡೆ ಮಗುವಂತೆ ಕವಿತೆ ಕವಿತೆಗಳಲ್ಲಿ ಕೆಲವುಜುಳುಜುಳು ಹರಿವ ನದಿಇಕ್ಕೆಲದ ದಡವ ತಟ್ಟುತ್ತ ತಬ್ಬುತ್ತಇನ್ನು ಕೆಲವು ಜೋರಾಗಿಸುರಿವ...

3 ಪ್ರತಿಕ್ರಿಯೆಗಳು

  1. T S SHRAVANA KUMARI

    ಎರಡೂ ಕವಿತೆಗಳೂ ತುಂಬಾ ಚೆನ್ನಾಗಿವೆ ಚೈತ್ರಾ

    ಪ್ರತಿಕ್ರಿಯೆ
  2. ಚೈತ್ರಾ ಶಿವಯೋಗಿಮಠ

    ಧನ್ಯವಾದಗಳು ಮ್ಯಾಮ್

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: