ಜಡೆಗೂ ಒಂದು ಬ್ಲಾಗ್?

ಜಡೆಗೂ ಒಂದು ಬ್ಲಾಗ್? ಆಶ್ಚರ್ಯ ಆದರೂ ನಿಜ. ಮಾಲಾ ರಾವ್ ಅವರಿಗೆ ಬರಹ ಸಲೀಸು. ಅದಕ್ಕೆ ಒಂದಿಷ್ಟು ಹಾಸ್ಯಪ್ರಜ್ಞೆಯ ಒಗ್ಗರಣೆ ಹಾಕುತ್ತಾರೆ ಹಾಗಾಗಿ ಇವರ ಬ್ಲಾಗ್ ಓದಲು ಇಂಟರೆಸ್ಟಿಂಗ್.
ಹೇಳಿಕೇಳಿ ಕವಿಗಳು ನೀಲವೇಣಿ ಪ್ರಿಯರು. ಮುಂಗುರುಳ ಮಾಲೆ ಪ್ರಿಯರು. ತಲೆಗೂದಲಲ್ಲೇ ಅಮಾವಾಸ್ಯೆ ಕಂಡವರು- ಕವಿಗಳು ಕಂಡ ಕೂದಲು ಈ ಬ್ಲಾಗ್ನಲ್ಲಿದೆ. ಅಷ್ಟೆ ಅಲ್ಲ ತಲೆಗೂದಲಲ್ಲಿ ವಾಕಿಂಗ್ ನಡೆಸುವ ಹೇನುಗಳ ಬಗ್ಗೆ ಅಣಕವಾಡುಗಳಿವೆ. ‘ಅಂದ ಕಾಲತ್ತಿಲ್’ ಕೂದಲಿಗೆ ಮಾಡುತ್ತಿದ್ದ ಅಜ್ಜಿ ಮದ್ದು ಇದೆ. ಫಾರಿನರ್ಸ್ ಕೂದಲು ಹೇಗೆ ನೋಡಿಕೊಳ್ಳುತ್ತಾರೆ ಎಂಬ ಬಗ್ಗೆಯೂ ಇದೆ. ಮಾಲಾ ರಾವ್ ತಮ್ಮ ವಿಶಿಷ್ಟ ನೋಟದಿಂದಾಗಿ ಜಡೆಯ ಬಗೆಗಿನ ಬ್ಲಾಗನ್ನೂ ತಮ್ಮ ಕೂದಲಿನಂತೆಯೇ ಅಚ್ಚುಕಟ್ಟಾಗಿ ರೂಪಿಸಿದ್ದಾರೆ. ಇನ್ನೇಕೆ ತಡ ವಿಸಿಟ್ ದಿ ಒನ್ ಅಂಡ್ ಓನ್ಲಿ – ಮೊಗ್ಗಿನ ಜಡೆ.


ಅಂದ ಹಾಗೆ ಈ ಜಡೆ ಪ್ರೇಮ ಏಕೆ ಅಂದಿರಾ? ಮಾಲಾರಾವ್ ಅವರೇ ಇದು ಏಕೆ ಎಂದು ಬಣ್ಣಿಸಿರುವ ಬರಹ ಇಲ್ಲಿದೆ-

ಮೊಗ್ಗಿನ ಜಡೆ

ಮೊನ್ನೆ ಸ್ಯಾನ್ ಹೋಸೆ ಲೈಬ್ರರಿಯಿಂದ ಪುಸ್ತಕದ ಹೊರೆ ಹೊತ್ತು ಹೊರ ಬಂದೆ ಇನ್ನೇನು ಲಿಫ್ಟ್ ಬಾಗಿಲು ಹಾಕಿಕೊಳ್ಳುತ್ತೆ ಅಷ್ಟರಲ್ಲಿ ಓಡಿ ಒಳಗೆ ನುಗ್ಗಿ ಬಿಡೋಣವೆಂದು ಓಡುತ್ತಿರುವಾಗ ಸೆಕ್ಯೂರಿಟಿಯ ವೇಷ ತೊಟ್ಟಿದ್ದ ಹೆಂಗಸೊಬ್ಬಳು ದೂರದಿಂದ
ಅವಸರವರವಾಗಿ ನನ್ನೆಡೇಗೆ ಬರುತ್ತಾ ನಿಲ್ಲೆಂದು ಕೈತೋರಿಸಿದಳು ನಾನೇನು ತಪ್ಪು ಮಾಡಿದೆನಪ್ಪಾ ಅಂತ ಗಾಭರಿಯಿಂದ
ನಿಂತೆ.ಆ ದಢೂತಿ ನನ್ನೆಡೆಗೆ ಬಂದು ಇಂಡಿಯನ್..?ಅಂತ ಕೇಳಿದಳು ಹೌದೆಂದು ಗೋಣು ಅಲ್ಲಾಡಿಸಿದೆ ಇವಳು ಮೆಕ್ಸಿಕನ್ನಾ ಅಥ್ವಾ ಇಂಡಿಯನ್ನೇ ಇರಬಹುದಾ..?ಮನದಲ್ಲೇ ಯೋಚಿಸುತ್ತಾ.

ಹಿಂದಿ ಬೋಲ್ತೇಹೋ..?ಕೇಳಿದಳು
‘ತೋಡಾ ಸಾ..’ ಅಂದೆ
ತುಮಾರಾ ಬಾಲ್ ಬಹುತ್ ಅಛ್ಛಾ ಹೇ..ಅಸ್ಲೀ ಹೇ..?
ನಾನು ಉಸ್ಸೆಂದು ಉಸಿರು ಬಿಟ್ಟೆ!
ತಲೆ ಮೇಲೆ ಕೆಳಗೆ ಆಡಿಸಿದೆ
ಇಸೆ ಕಾಟ್ ನಾ ಮತ್…’ಅಂತ ಹೇಳುತ್ತಾ ಸ್ನೇಹದ ನಗೆಬೀರಿ ಅವಳು ಅಲ್ಲಿಂದ ನಿರ್ಗಮಿಸಿದಳು
+++

ಇವತ್ತು ತಲೆ ಬಾಚಿಕೊಳ್ಳುತ್ತಾ ಆಹಾ ನನ್ನ ಸ್ಟೂಡೆಂಟ್ ಡೇಸ್ ನಲ್ಲಿ ನನ್ನ ಹೇರ್‍ ಕೇರ್ ಸಾಹಸಗಳು… ನೆನಪಿಗೆ ಬಂದವು
ಅವನ್ನೆಲ್ಲ ನಿಮ್ಮೊಂದಿಗೆ ಯಾಕೆ ಹಂಚಿಕೊಳ್ಳಬಾರದು ಅನ್ನಿಸಿತು
ಹೀಗೆ ಹುಟ್ಟಿದ್ದೇ ಈ
“ಮೊಗ್ಗಿನ ಜಡೆ”

‍ಲೇಖಕರು avadhi

June 27, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This