ಟೆಲೆಕ್ಸ್‌ – ಅಬ್ಬೂರು ಜುಗಲಬಂದಿ

ಇಬ್ಬರು ಪತ್ರಕರ್ತರ ನಡುವಿನ ಜುಗಲಬಂದಿ ಇದು.

ಕ್ರಿಸ್ಮಸ್ ನ ಹಬ್ಬದ ದಿನ ಪತ್ರಕರ್ತ, ಕವಿ ರವಿಕುಮಾರ್ ಟೆಲೆಕ್ಸ್ ಒಂದು ಪುಟ್ಟ ಬರಹವನ್ನು ಬರೆದಿದ್ದರು.

ಅದನ್ನು ಓದಿದ ಹಿರಿಯ ಪತ್ರಕರ್ತ ಅಬ್ಬೂರು ರಾಜಶೇಖರ್ ಅವರು ಗದ್ಯವನ್ನು ಪದ್ಯವನ್ನಾಗಿ ಪರಿವರ್ತಿಸಿದರು.

ಜೀಸಸ್ ತೋರಿದ ದಾರಿ

ರವಿಕುಮಾರ್‌ ಟೆಲೆಕ್ಸ್

ಹೆಗಲ ಮೇಲೆ ಮಣಭಾರದ ಶಿಲುಬೆಯನ್ನು ಹೊತ್ತು ಕಡಿದಾದ ಬೆಟ್ಟಗಳ ಹತ್ತಿ ಹೊರಟ ಜೀಸಸ್ ನ ಹಿಂದೆ ಜೆರುಸಲೆಂಗೆ ಜೆರುಸೆಲೆಮ್ಮೆ ಕಣ್ಣೀರಿಟ್ಟು ಮೆರವಣಿಗೆ ಹಿಂಬಾಲಿಸಿತ್ತು. ಗೋಲ್ಗಥದಲ್ಲಿ ಪ್ರಭುತ್ವದ ಗುಲಾಮನು ಜೀಸಸ್ ನ ಅಂಗಾಲು. ಮುಂಗೈ ಗಳಿಗೆ ಉಕ್ಕಿನ ಮೊಳೆ ಹೊಡೆಯುತ್ತಿದ್ದಾಗ ಇದನ್ನು ಸಹಿಸಲಾರದ ಜೀಸಸ್ ನ ಅನುಯಾಯಿಯೊಬ್ಬ ಹರಿತವಾದ ಕತ್ತಿಯಿಂದ ಗುಲಾಮನ ಕಿವಿಗಳನ್ನು ಕತ್ತರಿಸಿಬಿಡುತ್ತಾನೆ. ರಕ್ತ ದಳದಳನೆ ಸುರಿದು ಗುಲಾಮ ನೋವಿನಿಂದ ನರಳುವಾಗ ಜೀಸಸ್ ಗುಲಾಮನನ್ನು ಮಡಿಲಿಗೆಳೆದುಕೊಂಡು ಸಂತೈಹಿಸುತ್ತಾರೆ. ತನ್ನ ಭಕ್ತನ ಕೃತ್ಯವನ್ನು ಖಂಡಿಸುತ್ತಾರೆ. ತನ್ನ ಅನುಯಾಯಿ ಮಾಡಿದ ತಪ್ಪನ್ನು ಕ್ಷಮಿಸುವಂತೆ ಗುಲಾಮನಲ್ಲಿ ಮನವಿ ಮಾಡಿಕೊಳ್ಳುತ್ತಾರೆ.

ನನ್ನನ್ನು ಶಿಲುಬೆಗೇರಿಸುವಲ್ಲಿ ಗುಲಾಮನ ತಪ್ಪೇನಿದೆ.? ಆತ ರಾಜನ ಆಜ್ಞೆಯನ್ನು ಮಾತ್ರ ಪಾಲಿಸುತ್ತಿದ್ದಾನೆ. ಆತ ತನ್ನ ಪಾಲಿನ ಕರ್ತವ್ಯವನ್ನು ಮಾಡುತ್ತಿದ್ದಾನೆ ಅಷ್ಟೆ. ಎಂದು ಜೀಸಸ್ ಸ್ವತಃ ತಾವೇ ಗುಲಾಮನ ನೋವಿಗೆ ನೊಂದು ಕಣ್ಣೀರಿಡುತ್ತಾರೆ. ಪ್ರೀತಿಯಿಂದ ಸಂತೈಸುತ್ತಾರೆ. ನಗುನಗುತಾ ಶಿಲುಬೆಗೇರುತ್ತಾರೆ.

ಕೇಡನ್ನು ಮೆಟ್ಟಿ ನಿಲ್ಲಲು ಕರುಣೆ, ಪ್ರೀತಿ, ಕ್ಷಮೆಗಳಿಂದ ಮಾತ್ರ ಸಾಧ್ಯ ಎಂಬ ಸರ್ವಶ್ರೇಷ್ಠ ಅರಿವಿನ ಧ್ಯೋತಕ ಜೀಸಸ್.

ಕರುಣೆ, ಪ್ರೀತಿ, ಕ್ಷಮೆ ಎಲ್ಲರೆದೆಯ ಬಯಲ ಹೂಗಳಾಗಿ ಸದಾ ಅರಳಲಿ .

ಅಬ್ಬೂರು ರಾಜಶೇಖರ

ಹೆಗಲೇರಿದ ಮಣಭಾರದ ಶಿಲುಬೆ
ದುರ್ಗಮ‌ ಬೆಟ್ಟಗುಡ್ಡದ ಪಯಣ
ಜೀಸಸ್ ಬೆನ್ನಿಗೆ ಜನಸಾಗರ
ಜೆರುಸಲೆಂಗೆ ಕಣ್ಣೀರ ಸ್ನಾನ

ಗೋಲ್ಗಥ ಪ್ರಭುತ್ವದ ಗುಲಾಮ
ಕೈಕಾಲಿಗೆ ಜಡಿದ ಉಕ್ಕಿನ ಮೊಳೆ
ಕೆರಳಿಸಿತು ಜೀಸಸ್ ಅನುಯಾಯಿಯ
ಬಿತ್ತು ಗುಲಾಮನ ಕಿವಿಗಳಿಗೆ ಚೂರಿ!

ರಕ್ತದ ಮಡು; ನೋವಿನ ಆಕ್ರಂದನ
ಗುಲಾಮನ ಸಂತೈಸಿದ ಜೀಸಸ್
ಭಕ್ತನ ಖಂಡಿಸಿ ಕ್ಷಮೆ ಯಾಚಿಸಿದ!
ರಾಜಾಜ್ಞೆ ಪಾಲಿಸಿದ ಗುಲಾಮನ ತಪ್ಪೇನು?

ಗುಲಾಮನ ನೋವಿಗೆ ಮರುಗಿದ ಜೀಸಸ್
ನಗು ನಗುತಲೆ ಏರಿದ ಶಿಲುಬೆಯ
ಕರುಣೆ ಪ್ರೀತಿ ಕ್ಷಮೆ ಸಾರಿದ ಜಗಕೆ.

‍ಲೇಖಕರು Avadhi

January 5, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಂಘರ್ಷ-ಸಂಭ್ರಮ

ಸಂಘರ್ಷ-ಸಂಭ್ರಮ

ಸಾಹಿತ್ಯ ಕ್ಷೇತ್ರದಲ್ಲಿ ಜಿ ಎನ್ ರಂಗನಾಥ ರಾವ್ ಎಷ್ಟು ಮುಖ್ಯರೋ ಹಾಗೇ ಪತ್ರಿಕೋದ್ಯಮದಲ್ಲೂ.. ನವ್ಯ ಸಾಹಿತ್ಯದ ಏರುಗತಿಯ ವೇಳೆ ತಮ್ಮ ಬರಹಗಳಿಂದ...

ಎದೆಬಿಲ್ಲೆಯೂ ಮಾತುಕತೆಯೂ…

ಎದೆಬಿಲ್ಲೆಯೂ ಮಾತುಕತೆಯೂ…

ಮಕ್ಕಳ ಹಕ್ಕುಗಳ ಬಗ್ಗೆ ಬಲವಾಗಿ ಪ್ರತಿಪಾದಿಸುವ ಬೆರಳೆಣಿಕೆಯ ಮಂದಿಯಲ್ಲಿ ವಾಸುದೇವ ಶರ್ಮಾ ಅತಿ ಮುಖ್ಯರು. ಪ್ರಸ್ತುತ  ‘ಚೈಲ್ಡ್ ರೈಟ್ಸ್...

‘ಲೇಖ’ಕಿ ‘ಲೋಕ’ದ ಅನಾವರಣ

‘ಲೇಖ’ಕಿ ‘ಲೋಕ’ದ ಅನಾವರಣ

ಗಿರಿಜಾ ಶಾಸ್ತ್ರಿ ಕರ್ನಾಟಕ ಲೇಖಕಿಯರ ಸಂಘವು ಕೆಲವು ವರ್ಷಗಳಿಂದ ಲೇಖಕಿಯರು ತಮ್ಮ ಜೀವನಾನುಭವಗಳನ್ನು ಹಂಚಿಕೊಳ್ಳುವ 'ಲೇಖಕಿಯರ ಆತ್ಮ ಕಥೆಗಳ...

೧ ಪ್ರತಿಕ್ರಿಯೆ

  1. ಗೀತಾ ಎನ್ ಸ್ವಾಮಿ

    ಜುಗಲ್ ಬಂದಿ ಗದ್ಯ ಪದ್ಯ ಎರಡು ಆಗಿ ಚಂಪೂ ಕಾವ್ಯದಂತಿದೆ. ಒಳ್ಳೆಯ ಬರಹಗಳು.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: