ಹೆಣ್ಣು ಮತ್ತು ಬೊಮ್ಮ

ಸರೋಜಿನಿ ಪಡಸಲಗಿ

ಬೊಮ್ಮ ಬರೆದನೆ ಹೆಣ್ಣ ಹಣೆಬರಹ
ಆಳವಾಗಿ ತಿವಿಯುವ ಮೊನೆಯಿಂದ
ಅಳಿಸದಿರಲಿ ಕಲೆಸಿ ಹೋಗದಿರಲಿ ಎಂದಿಗೂ
ಜಿನುಗುತಿರಲಿ ಅನುಗಾಲ ಎದೆಗೂಡ ಸಂದು

ಬೊಮ್ಮ ಪೇಳ್ದ ಕಂದ ಅಂದದ ಹೂ ನೀನು
ನಿನ್ನ ಮನದ ತುಂಬ ಆ ಹೂದಳದ ರಂಗೋಲಿ
ಆ ರಂಗೋಲಿ ನಿನ್ನ ದಾರಿ ಬೆಳಕು ಕಂದ
ಮಂದವಾಗಿ ಬೆಳಗಲಿ ನಂದದಿರಲಿ ಎಂದೂ
ನಿನ್ನ ನೀ ಮರೆತರೂ ಆ ಬೆಳಕ ಕಾಪಿಡಲು
ನಿನ್ನೆದೆಯ ಗೂಡು ಅನುಗಾಲ ಜಿನುಗಲಿ

ಕಂದ ಪೇಳ್ವರೆಲ್ಲ ಹೆಣ್ಣು ಜಗದ ಕಣ್ಣೆಂದು
ನಿನ್ನ ಕಣ್ತಂಪಲಿಟ್ಟು ಕಾಯಬೇಕು ಹಾಗ್ಹೇಳ್ದವರನ
ತಣ್ಣೆಳಲು ಹರಡಬೇಕು ಸುತ್ತ ಸಂದು ಬಿಡದಂತೆ
ಅದಕೆಂದೇ ಇಹುದು ಆ ತಂಪಿಗೊಂದು ಗಟ್ಟಿ ಬಂಧ
ಬಂಧ ಬಿರುಕು ಬಿಡದಂತೆ ತೇವವಾಗಿಸಲು ನಿನ್ನೆದೆಯ ಗೂಡು ಅನುಗಾಲ ಜಿನುಗಲಿ

ಕಂದ ನಿನ್ನೆದೆಯಲಿರಿಸಿಹೆ ನಾ ಅಗಮ್ಯ ಬಯಲು
ಜೊತೆಗಿರಿಸಿಹೆ ಅಗಾಧ ಕುಸುರಿ ನಕ್ಷೆಗಳ ಹೊನಲು
ದಿನ ದಿನಕೂ ಒಂದೊಂದು ಚಿತ್ರ ಬಿಡಿಸು ಅಲ್ಲಿ
ಅದರ ರೂಪ ವಿರೂಪ ಚೆಲುವು ನಿನ್ನದೇ ಸೊತ್ತು
ಪೋಷಿಸಲು ಆ ಚಿತ್ತಾರಗಳ ಚದುರದಂತೆ ಅತ್ತಿತ್ತ
ನಿನ್ನೆದೆಯ ಗೂಡು ಅನುಗಾಲ ಜಿನುಗಲಿ

ನೀಳ ಉಸಿರೆಳೆದು ಬೊಮ್ಮ ಅವಳ ತಟ್ಟಿ ಹೇಳ್ದ
ಕಂದ ನನ್ನ ಸೃಷ್ಟಿಯ ಅತಿ ಸೂಕ್ಷ್ಮ ಕಲಾಕೃತಿ ನೀನು
ಅದಕೇ ಹೊದಿಸಿದೆ ನಿನಗೆ ನವಿರು ಬಲೆಯೊಂದನ
ಎಲ್ಲೇ ಹೋದರೂ ಏನಾದರೂ ತುಂಡಾಗದುದನ
ಅನುಗಾಲ ಜಿನುಗಿದರೂ ನಿನ್ನೆದೆಯ ಗೂಡು
ನೆನೆದು ಮಿದುವಾಗದದರ ಹೆಣಿಗೆಯ ನೂಲು
ಆದರೆ ತಾಯೇ ಕೇಳು ನನ್ನೆದೆಯೂ ಜಿನುಗುವುದು ಜೊತೆಗೆ

‍ಲೇಖಕರು Avadhi

February 17, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

2 ಪ್ರತಿಕ್ರಿಯೆಗಳು

  1. Amita Ravikirana

    ನಿಮ್ಮ ಬರವಣಿಗೆ ನನಗೆ ತುಂಬಾ ಇಷ್ಟ.
    ನೀವು ಪದ ಪ್ರಯೋಗ ಮಾಡುವ ಶೈಲಿ ತುಂಬಾ ವಿಶಿಷ್ಟ. ಒಳ್ಳೆಯ ಕವಿತೆ ಓದಲು ಒಡಗಿಸಿದ್ದಕ್ಕೆ ಧನ್ಯವಾದಗಳು.

    ಪ್ರತಿಕ್ರಿಯೆ
  2. Sarojini Padasalgi

    ಧನ್ಯವಾದಗಳು ಅಮಿತಾ.ನನಗೆ ಆ ಅವಕಾಶ ಒದಗಿಸಿದೆ ಅವಧಿಗೆ ಧನ್ಯವಾದಗಳು. ಅಮಿತಾ ನಿಮಗೆ ಕವನ ಇಷ್ಟ ಆದದ್ದು ಖುಷಿ ನಂಗೆ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: