ತುಂಬು ತಿಂಗಳಿನ ಹಾಲು ಬೆಳದಿಂಗಳು ನೀ

ಪ್ರಕಾಶ.ಬಿ ಉಪ್ಪನಹಳ್ಳಿ

ಕನಸುಗಳ ಕಟ್ಟಿದ ಹಟ್ಟಿ
ಕೊರಳು ಹೊಟ್ಟೆ ಬಟ್ಟೆ ಕಟ್ಟಿ
ನಿಂತ ಹೆಜ್ಜೆಗಳು ಗುರುತಾಗುವಂತೆ
ಲೋಕದೆದುರು ತಲೆ ಎತ್ತಿ ನಡೆಯುವಂತೆ
ಜನ್ಮ ಕೊಟ್ಟು ಸಾಚಾತನವನ್ನು
ಕಲಿಸಿದವಳು ನೀನು.

ನುಚ್ಚಕ್ಕಿ ತಿಂದು ತಲೆಗೆ ಹರಳೆಣ್ಣೆ ಹಚ್ಚಿ
ತಡಿಕೆ ಹೊದಿಕೆಯ ಅಪ್ಪುಗೆಯಲ್ಲಿ ಬೆಳೆಸಿದವಳು
ಗಾಯವಾದ ಮಂಡಿಗೆ ಮುಲಾಮು ಸವರಿ
ತಲೆಗೆ ಮುತ್ತಿಕ್ಕಿ ಬಿಕ್ಕಿ ಬಿಕ್ಕಿ ಅತ್ತು ದನಿಯರ ಮುಂದೆ
ನಕ್ಕವಳು ನೀನು.

ಜೋಪಡಿಯ ಮಳೆನೀರು ಮನೆಯಲ್ಲ ತುಂಬಿರಲು
ಬಾಚಿ ತಬ್ಬಿ ಚಳಿಯಲಿ ನಡುಗಿದವಳು
ಸಂತೆ ಚೊಗವಿಕ್ಕಿ ಪತ್ತಲು ಚಡ್ಡಿಯ ಹೊಲಿದು
ತೊಡೆ ಮೇಲೆ ಕೂರಿಸಿ ಮುಖ ದಿಟ್ಟಿಸಿ
ಮೌನದಲ್ಲಿ ಮಂದಹಾಸ
ಬೀರಿದವಳು ನೀನು.

ಅಪ್ಪನಿಗೆ ನಾವಿಕಳು ಮಕ್ಕಳಿಗೆ ಹರಿಗೋಲು
ತುಂಬು ತಿಂಗಳಿನ ಹಾಲು ಬೆಳದಿಂಗಳು
ರಾತ್ರಿ ನೀನಾಗಿ ಹಗಲು ನಾವಾಗಲು
ಬೀಜ ಹೀಚಾಗಿ,
ಕಾಯಾಗಿ, ಹಣ್ಣು ಗೊಬ್ಬರ ನೀರು ಹಾಕಿ ಬೆಳೆಸಿದವಳು
ಕವಿಯೂ ನೀನು
ಕವಿತೆಯೂ ನೀನು
ಪತ್ರದ ಸಾವಿರ ಪದಗಳು ನೀನು.

‍ಲೇಖಕರು Avadhi

January 24, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This