ತೇಜಸ್ವಿಯವರಿಗೆ ನಮಸ್ಕಾರ!

tejaswi.jpgತೇಜಸ್ವಿಯವರು ಮೀನಿನ ಶಿಕಾರಿಗೆ ಎದ್ದು ಹೊರಟವರಂತೆ ದಿಢೀರನೆ ಹೊರಟು ಹೋಗಿದ್ದಾರೆ. ಆದರೆ ವಿಸ್ಮಯವಾಗಿ, ಮೂಡಿಗೆರೆಯ ತನ್ಮಯಿ ಪಥಿಕನಾಗಿ ಇಲ್ಲೇ ನಡೆದಾಡುತ್ತಿದ್ದಾರೆ.

ಕನ್ನಡ ಟೈಮ್ಸ್ ಪತ್ರಿಕೆ ತೇಜಸ್ವಿ ಗಳಿಗೆಗಳನ್ನು ಹಿಡಿದಿಡಲೆಂದೇ ಪ್ರತಿ ಸಂಚಿಕೆಯ ಎರಡನೇ ಪುಟ ಮೀಸಲಿರಿಸಿದೆ. ಅಲ್ಲಿ ಒರತೆಯಂತೆ ಉಕ್ಕುತ್ತಿರುವ ನೆನಪುಗಳು ಆ ಮಾಯಾವಿಯ ಲೋಕವನ್ನು ತೆರೆದಿಡುತ್ತಿವೆ.

ತೇಜಸ್ವಿ ಇಲ್ಲವಾದರು ಎಂಬುದನ್ನು ಒಲ್ಲದೆಯೂ ಒಪ್ಪಲೇಬೇಕಾದಾಗ ನಾಡಿಗೆ ನಾಡೇ ಕಣ್ಣೀರಾಗಿದೆ. ತನ್ನ ತಳಮಳವನ್ನು ಹೇಳಿಕೊಂಡಿದೆ. ತೇಜಸ್ವಿಯವರ ಬದುಕನ್ನು, ಬರಹವನ್ನು, ಅದರ ನಿಗೂಢ ಕುತೂಹಲದ ನಡೆಯನ್ನು ಮತ್ತೆ ಮತ್ತೆ ಗ್ರಹಿಸಲು ಯತ್ನಿಸಿದೆ. ಅಂಥ ಯತ್ನಗಳೆಲ್ಲ ಒಂದು ಸಾಂಸ್ಕೃತಿಕ ತುರ್ತಾಗಿಯೇ ಜರುಗಿವೆ. ಅಂತಃಕರಣಪೂರ್ವಕ ಒತ್ತಾಯಗಳ ಹಿನ್ನೆಲೆಯಲ್ಲಿ ಅವು ನಿಶ್ಚಯಗೊಂಡಿವೆ. ಅದರ ಒಂದು ರೂಪವಾಗಿ ಬಂದ ಬರಹಗಳ ಮೊತ್ತ “ತೇಜಸ್ವಿ ನೆನಪು” ಎಂಬ ಪುಸ್ತಕ. ಬಿ ಚಂದ್ರೇಗೌಡ ಮತ್ತು ಬಿ ಎಲ್ ರಾಜು ಸಂಪಾದಕತ್ವದ ಈ ಪುಸ್ತಕ ಹೂವಿನಹಡಗಲಿಯ(ಬಳ್ಳಾರಿ) ರಂಗಭಾರತಿ ಪ್ರಕಾಶನದ ಪ್ರಕಟಣೆ.

“ಮಯೂರ” ಮಾಸಿಕದ ಜೂನ್ ಸಂಚಿಕೆಯೂ “ತೇಜಸ್ವಿ ನೆನಪಿನ ಸಂಚಿಕೆ”ಯಾಗಿ ರೂಪುಗೊಂಡಿದೆ. ತೇಜಸ್ವಿಯವರ ಕೊನೆಯ ಬರಹವನ್ನು ಒಳಗೊಂಡಿರುವುದು ಈ ಸಂಚಿಕೆಯ ಹೆಗ್ಗಳಿಕೆ.

ಈ ಟಿಪ್ಪಣಿಯನ್ನು ಮುಗಿಸುವ ಮುನ್ನ ಈ ಬಾರಿಯ ಕನ್ನಡ ಟೈಮ್ಸ್ ಪುಟದಲ್ಲಿ ತೇಜಸ್ವಿಯವರ ಬಗ್ಗೆ ಅನಂತಮೂರ್ತಿಯವರು ಹೇಳಿದ ಮಾತುಗಳನ್ನು ಉಲ್ಲೆಖಿಸಬೇಕೆನ್ನಿಸುತ್ತದೆ. ಅದು:

“…ತೇಜಸ್ವಿ ಬಹಳ ಚಿಂತನಶೀಲನಾದ, ಧ್ಯಾನಶೀಲನಾದ ಮನುಷ್ಯ. ಅದಕ್ಕೇ ಅವರಿಗೆ ಫಿಶಿಂಗ್ ಅಂದ್ರೆ ಬಹಳ ಇಷ್ಟ. ಅದು ಧ್ಯಾನದ ಕ್ರಮ. ಅದು ಧ್ಯಾನವೂ ಹೌದು, ಏನನ್ನೋ ಹಿಡಿಯೋದೂ ಹೌದು. ಅದು ನಿಷ್ಪ್ರಯೋಜಕವಾದ ಧ್ಯಾನ ಅಲ್ಲ.”

‍ಲೇಖಕರು avadhi

June 13, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಈಗ ‘ಅಮ್ಮ’ ಪ್ರಶಸ್ತಿ ಸ್ವೀಕರಿಸಬೇಕಿದ್ದ ‘ದೇಶಾಂಶ’ರು ಇನ್ನಿಲ್ಲ

ಈಗ ‘ಅಮ್ಮ’ ಪ್ರಶಸ್ತಿ ಸ್ವೀಕರಿಸಬೇಕಿದ್ದ ‘ದೇಶಾಂಶ’ರು ಇನ್ನಿಲ್ಲ

ಇಂದು ಸಂಜೆ ಜರುಗುವ 'ಅಮ್ಮ ಪ್ರಶಸ್ತಿ' ಕಾರ್ಯಕ್ರಮದಲ್ಲಿ ಗೌರವ ಪ್ರಶಸ್ತಿ ಸ್ವೀಕರಿಸಬೇಕಾಗಿದ್ದ ಬೀದರ್ ನ ದೇಶಾಂಶ ಹುಡುಗಿ ಅವರು ಇನ್ನಿಲ್ಲ.....

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This