ತೇದ ಗಂಧದಂಥ ಪರಿಮಳದವನಿಗಾಗಿ

untitled.jpgಇದು ಟೀನಾ ಬರೆದ ಕವನ. ಈ ಕವಿತೆಯೇ ತೇದ ಗಂಧದಂತಿದೆ. ಆ ಕಾರಣಕ್ಕಾಗಿಯೇ ಇಲ್ಲಿ ನಿಮಗಾಗಿ. ಇನ್ನೂ ಹೆಚ್ಚು ಕವನಗಳು ಬೇಕಾದರೆ ಟೀನಾರ ಬ್ಲಾಗ್ ಗೆ ಲಗ್ಗೆ ಹಾಕಿ.

1.
ನಿನ್ನ ನಗುವನು
ಸುಮ್ಮನೆ
ಬಚ್ಚಿಟ್ಟುಕೊಂಡಿರುವೆ
ಎಲ್ಲರಿಂದ
ಸಂಜೆ ಕಳೆವಾಗ
ಆಕಾಶಮಲ್ಲಿಗೆ ಹೂಗಳ
ಹಾದಿಯಿಂದ
ಹೇಗಾದರು
ಅಚ್ಚರಿ ಉಕ್ಕುವಂತೆ
ಬಂದೀಯ
ಎಂದು ಕಾದು
ಕುಳಿತಿರುವೆ

2.
ನನ್ನ ಈ ಅನುಕೂಲ
ನಿನ್ನ ಮಗುವಿನ ಮುಗ್ಧತೆ
ಅವನ ಮುಗುಳುನಗೆ
ಅವಳ ಹುಬ್ಬುಗಂಟು
ನನ್ನ ಅಸಹಾಯಕತೆ
ನಿನ್ನ ಮಾತುಕತೆ
ಎಲ್ಲವನು ಅಳೆದು ಸುರಿದು
ತೂಕಕ್ಕೆ ಬಿಸುಟು
ನಿನ್ನ ಮತ್ತಿನಲಿ
ಹಾಯಾಗಿ
ಕಾಲು ಚಾಚಬೇಕು
ಎಂಬ ಬಯಕೆ.

3.
ಬಿಸಿ ಹೊಯಿಗೆಯ ಮೇಲೆ
ನೀರು ಹುಯ್ದ ಹಾಗೆ
ನಮ್ಮಿಬ್ಬರ ಸಂಭಾಷಣೆ
ಹೊಗೆಯೆದ್ದು ಭಗ್ಗನೆ
ಎಲ್ಲ ಇಂಗಿದ ಹಾಗಾಗಿ
ಮಾತಿನಲಿ ಇರುವಾಗಲೆ
ಪುನಃ ನೀರಡಿಕೆ

-ಟೀನಾ ಶಶಿಕಾಂತ್

‍ಲೇಖಕರು avadhi

February 5, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವಳು

ಅವಳು

ಸತ್ಯಮಂಗಲ ಮಹಾದೇವ ಅವಳುಈಗ ಹೆಚ್ಚು ಮೌನಿನೆಲಕೆ ನೀರು ಹಬ್ಬಿದಂತೆ ಅವಳುಈಗ ಮಾತಿನ ಕಸುವನ್ನುದುಡಿಯುವ ಕೈಗಳಿಗೆದಾಟಿಸುತ್ತಿರುವ ಅಭಿಯಂತರೆ...

ನಂಬಿಕೆ

ನಂಬಿಕೆ

ಗೀತಾ ಜಿ ಹೆಗಡೆ ಕಲ್ಮನೆ ಹಿಂದಿಂದೇ ಬರುವ ಒಂಟಿ ನೆರಳೊಂದುಕೇಳುತ್ತಿದೆ ಅವನೆಲ್ಲಿ ಬೇಗ ಹೇಳುಗುಟ್ಟೊಂದು ಅರ್ಜೆಂಟಾಗಿ ಹೇಳಬೇಕಿದೆನನಗೂ ಈಗ...

ತ್ರಿಲೋಕ…

ತ್ರಿಲೋಕ…

ಚಂದ್ರಪ್ರಭ ಕಠಾರಿ ಮನದಾಳದಲೆಲ್ಲೋ ಹುಟ್ಟಿದಅಣು ಗಾತ್ರದ ಭಯದ ಬಿಂದುಭುವಿಯಾಚೆಆಕಾಶದಾಚೆಅನಂತತೆಯಾಚೆಭೂತಾಕಾರದೀ ಬೆಳೆದುಅಗಣಿತ...

2 ಪ್ರತಿಕ್ರಿಯೆಗಳು

  1. chetana thirthahalli

    ಕಣ್ಣ ಕೋಣೆಯ ಕಿಟಕಿಯಲ್ಲಿ, ಅವಧಿಯಲ್ಲಿ, ಅಲ್ಲಿ- ಇಲ್ಲಿ, ಎಲ್ಲಾ ಕಡೇನೂ ನಿನ್ನ ಪಡಾಖಾನೆಯ ಹುಡುಗಿಯನ್ನ ಮತ್ತೆ ಮತ್ತೆ ನೋಡೋದಂದ್ರೆ ನಂಗೆ ತುಂಬಾ ಖುಶಿ.
    ಅವಳು ನಮ್ಮೆಲ್ಲರ ಪಿಸುಮಾತುಗಳನ್ನ ಕದ್ದು, ಜಾಹೀರು ಮಾಡ್ತಿದಾಳೆ!!

    ನಲ್ಮೆ,
    ಚೇತನಾ

    ಪ್ರತಿಕ್ರಿಯೆ
  2. Tina

    ಪ್ರ್ರೀತಿಯ ಚೇತೂ,
    ಪಡಖಾನೆಯ ಹುಡುಗಿಗೆ ಎಲ್ಲರ ಪಿಸುಮಾತುಗಳನ್ನ ಕದ್ದು ಜಾಹೀರು ಮಾಡೋದೇ ಖುಶಿ!
    ಟೀನಾ

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: