ಲೆಕ್ಕವಿಡುವುದಿಲ್ಲ ಯಾರೂ..

ಹುಳುನಾನವ

ವೈಶಾಲಿ ಹೆಗ್ಡೆ

 

ಎಲ್ಲಿಂದ ಹಾರಿ ಬಂತೋ

ಒಣಗಿ ಉದುರಿರುವ ಎಲೆಯ ಹಿಂದೊಂದು ಹುಳದ ಗೂಡಿದೆ

ಅದೂ ಅರೆಬರೆ ಒಣಗಿದೆ

ದಿನಾ ಹುಟ್ಟಿ ಸಾಯುವ ಹುಳಗಳ ಲೆಕ್ಕವಿಡುವುದಿಲ್ಲ ಯಾರೂ

ಹಾಗಾಗಿ ನನಗೊಂದೇ ಮೀಸಲು  ಆ ಕೆಲಸ

ಜಾಗತಿಕ ಲೀಡರುಗಳ ಫೋರಮ್ಮಿನ ಕೊನೆಯಲ್ಲಿ

ಹೊರಟಿತ್ತಂತೆ ಠರಾವು

ಕಂಡು ಹಿಡಿಯಬೇಕು

ಹುಟ್ಟುವ ಸಾಯುವ ಹುಟ್ಟುತ್ತಲೇ ಸಾಯುವ ಸಾಯದೆ ಹುಟ್ಟುವ ಎಲ್ಲ ಹುಳಗಳ ಠಾವು

ಎಂತೆಂತ ಕೆಲಸವಿದೆ ನಮಗೆಲ್ಲ

ಸಸಿಯ ಹುಟ್ಟಿಸದ ಬೀಜ ಹಣ್ಣಾಗಬೇಕು

ನೀರಲ್ಲಿ ಅರಗದ್ದು ಮಣ್ಣಾಗಬೇಕು

ನೀಲಿ ಆಗಸದ ಬಣ್ಣ ಸುಣ್ಣವಾಗಬೇಕು

ನಕ್ಷತ್ರದ ಅಂಚಲ್ಲಿ ಹೊಳೆ ಹರಿಯಬೇಕು

ನಭದ ಸೂಜಿಗೆ ನೆಲವ ನೂಲಿಸಬೇಕು

dragon-fly

 

 

 

 

 

 

 

ಇದೆಂತ !

ಹುಳಹುಡುಕುವ ಹುಚ್ಚೆಂತ ಹಣೆಬರಹ!

ಹಿಂದೆ ಸರಿದವರೆಲ್ಲ ಚೀಟಿ ಎತ್ತಿದ್ದಾರೆ ನಾನು ಹುಳ ಹುಡುಕಬೇಕೆಂದು

 

ಹುಡುಕುತ್ತಿದ್ದೆ ಹಿಂದೆಲ್ಲ ಟೀವಿ ಪರದೆಯ ಮೇಲೆ

ದಿನದ ಪೇಪರಿರನ ಮೇಲೆ

ಹಾದಿಬದಿಯ ಕಾಲುವೆಯ ಬದಿಗೆ

ಅಂಗಳದ ತುದಿಯ ಗೇಟಿನ ಮೇಲೆ ಕುಳಿತು

ಬೆಳಗಿಂದ ಸಂಜೆಯವರೆಗೆ

OLYMPUS DIGITAL CAMERA

ಈಗೀಗ ಅವೇ ಹುಡುಕಿ ಬರುತ್ತವೆ

ಹೆಬ್ಬಾಗಿಲ ಹತ್ತಿ ಬಂದು ತತ್ತಿ ಕೂರುತ್ತವೆ

ಕಣ್ಣ ಪರದೆಯ ಮೇಲೆ ತೀರ ಚಿಕ್ಕ ಕಣ್ಣಲ್ಲಿ ದೂರು ಹೇಳುತ್ತಾ

ಹುಳಗಳ ಲೆಕ್ಕ ಯಾಕಿಡುವಿ ಏನಿದರ ಲಾಭ ಬಾಯಿಬಿಡೆಂದು ಜಬರಿಸುತ್ತ

ನಾ ವಿವರಿಸುವದರೊಳಗೆ ಪಟಪಟನೆ ಉದುರಿ ಬಿದ್ದು ಅಂಗೈ ತುಂಬುತ್ತವೆ

ಇನ್ನೂ ತನಕ ಒಂದು ಹುಳಕ್ಕೂ ಗೊತ್ತಿಲ್ಲ

ಅವಕೇನೂ ನನಗೂ ಗೊತ್ತಿಲ್ಲ

ಆದರೆ ಅದೇ ಖುಷಿಯೆಂದರೆ

ಏನೇ ಆದರೂ ಕೆಲಸ ಹೋಗುವುದೆಂಬ ಭಯ ಮಾತ್ರ ಇಲ್ಲ

ಹುಟ್ಟಿ ಸಾಯುವ ಹುಳಗಳ ಸಂಖ್ಯೆ ಇನಿತೂ ಕಡಿಮೆಯಾಗುವ ಲಕ್ಷಣವಿಲ್ಲ

‍ಲೇಖಕರು admin

October 18, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ತುಂಬು ತಿಂಗಳಿನ ಹಾಲು ಬೆಳದಿಂಗಳು ನೀ

ತುಂಬು ತಿಂಗಳಿನ ಹಾಲು ಬೆಳದಿಂಗಳು ನೀ

ಪ್ರಕಾಶ.ಬಿ ಉಪ್ಪನಹಳ್ಳಿ ಕನಸುಗಳ ಕಟ್ಟಿದ ಹಟ್ಟಿಕೊರಳು ಹೊಟ್ಟೆ ಬಟ್ಟೆ ಕಟ್ಟಿನಿಂತ ಹೆಜ್ಜೆಗಳು ಗುರುತಾಗುವಂತೆಲೋಕದೆದುರು ತಲೆ ಎತ್ತಿ...

ನಿಜವಾದ ಸುಳ್ಳು!

ನಿಜವಾದ ಸುಳ್ಳು!

ಲಕ್ಷ್ಮೀದೇವಿ ಪತ್ತಾರ ಇಷ್ಟು ದಿನ ಹೌದಾಗಿದ್ದು ಇಂದು ಅಲ್ಲವಾಗಿದೆಇಲ್ಲವೆನ್ನುವುದು ಎದ್ದು ಕಾಣುತ್ತಿತ್ತು ಯಾವುದೊ ಭಯ, ಚಿಂತೆಗಳ...

ಈ ಆಸೆಯ ಬಸುರು ಬಲು ಭಾರ…

ಈ ಆಸೆಯ ಬಸುರು ಬಲು ಭಾರ…

ಹೇಮಂತ್ ಎಲ್ ಚಿಕ್ಕಬೆಳವಂಗಲ ಇದು ಇಂದು ನಿನ್ನೆಯದಲ್ಲ! ಸಾಗರದಂತಹ ನಿನ್ನೂರಿಗೆನಾನು ಬರುವಾಗಲೆಲ್ಲಾನಿನಗೆಹೇಳಿಯೇ ಇರುತ್ತೇನೆ.. ಎಲ್ಲ ಕೆಲಸಗಳ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This