ದೇವರು ದಣಿದಿದ್ದಾನ?

  ಜಾತ್ರೆ

raghavendra_l-246x300

ರಾಘವೇಂದ್ರ ಎಲ್

ಮುಗಿದಿದೆ ಜಾತ್ರೆ,
ಸರಿದಿದೆ ಜನ.
ತೇರು ಸೇರಿದೆ ಸ್ವಸ್ಥಾನ
ದೇವರು ದಣಿದಿದ್ದಾನ?

designಬರುವೆನೆ೦ದು ಹೇಳಿ ಕೈ ಕೊಟ್ಟ ಪ್ರಿಯತಮ,
ವರ್ಷಗಳ ಹಿ೦ದೆ ಕಳೆದು ಹೋದ ಮಗನ ಹುಡುಕುತ್ತಿರುವ ತಾಯಿ,
ಬೇಕೆ೦ದೆ ಅಮ್ಮನನ್ನು ಬಿಟ್ಟು ಹೋಗಿರುವ ಮಗ,
ಚಿನ್ನದ ಸರ ಕಳೆದುಕೊ೦ಡ ಪುಟ್ಟ ಹುಡುಗಿ
ಇಲ್ಲಿ ನ೦ಬಿಕೆಗಳು ನಲುಗಿದ್ದಾವೆಯೆ?

ಬಿಸಿಲಿಗೆ ಬಾಡಿ ಹೋದ ಹೂವು ಹಣ್ಣು,
ಜನ ಕೊಳ್ಳದೆ ಮಿಕ್ಕು ಹೋದ ಕಡಲೆಪುರಿ,ಬತ್ತಾಸು
ಚೆ೦ದಾಗಿ ಹಾಡಿದರೂ ತು೦ಬದ ಭಿಕ್ಷುಕನ ತಟ್ಟೆ
ಬೆಟ್ಟ ಹತ್ತಲಾಗದೆ ಅರ್ಧಕ್ಕೆ ಇಳಿದು ಹೋದ ಮುದುಕಿ,
ಇಲ್ಲಿ ಕನಸುಗಳು ಕಮರಿದ್ದಾವೆಯೆ?

ಮು೦ದಿನ ವರ್ಷದೊಳಗೆ ಮಗಳ ಮದುವೆಯಾಗಲೆ೦ದು ಬೇಡುತ್ತಿರುವ ಅಪ್ಪ,
ಕುಡುಕ ಗ೦ಡನ ಚಟ ಬಿಡಿಸುವ೦ತೆ ಕೇಳುತ್ತಿರುವ ಯಾರದೋ ಹೆ೦ಡತಿ,
ನಾಕು ತು೦ಬಿದರೂ ಮಾತು ಬರದ ಮಗುವಿನ ಪರವಾಗಿ ಅಜ್ಜಿಯ ವಿನ೦ತಿ,
ಕೊರೆಸುವ ಬೋರಿನಲ್ಲಿ ನೀರು ಬರಿಸಲೇಬೇಕೆ೦ದು ಅಪ್ಪಣೆ ಇಡುತ್ತಿರುವ ರೈತ,
ಇಲ್ಲಿ ಆಸೆಗಳು ಚಿಗುರುತ್ತವೆಯೆ?

ಜೀವನವೂ ಜಾತ್ರೆ,
ಅಳುವ ಹುಟ್ಟು, ನಗುವ ಸಾವು..
ಬಯಕೆ,ಭಿನ್ನವಿಕೆಗಳ ಸಾವಿರಾರು ತೇರು..
ಆಸೆ,ಕನಸುಗಳ ಮುಗಿಯದ ಯಾತ್ರೆ,
ಇಲ್ಲಿ ಬದುಕುಗಳು ಬಳಲಿದೆಯೆ?

‍ಲೇಖಕರು Admin

October 20, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

ಚೈತ್ರಚೇತನ ಕೊನರಿ…

ಚೈತ್ರಚೇತನ ಕೊನರಿ…

ಅರ್ಚನಾ ಎಚ್ ಹೆಡೆಯರಳಿ ಬುಸುಗುಟ್ಟಿಕೋಪದುರಿಬುಗ್ಗೆಗಳ ಎಸರು..ತಿಳಿಬಾನಿಗೆರಚಿ ಕೆಸರು..!!ರಾಡಿಕೊಳದಲಿ ಕಂಡದ್ದು ಭಗ್ನ...

ಮಣ್ಣ ಕಾಯಕ ಕಾಯುವುದಷ್ಟೇ…

ಮಣ್ಣ ಕಾಯಕ ಕಾಯುವುದಷ್ಟೇ…

ಸಂತೆಬೆನ್ನೂರು ಫೈಜ್ನಟ್ರಾಜ್ ಎಷ್ಟೇ ಬಿಡಿಸಿದರೂ ಅಲ್ಲೊಂದು ಇಲ್ಲೊಂದು ಮೊಗ್ಗು ಬಳ್ಳಿಯಲೇ ಉಳಿದಂತೆ ಅಗೋ ಉಳಿದಿವೆ ನೋಡು ಆಡದ ಎಷ್ಟೋ...

4 ಪ್ರತಿಕ್ರಿಯೆಗಳು

  1. Sarojini Padasalagi

    ನಂಬಿಕೆಗಳು ನಲುಗಿದರೂ , ಕನಸುಗಳು ಕಮರಿದರೂ, ಬದುಕು ಬಳಲಿದರೂ ಆಸೆಗಳು ಚಿಗುರುತ್ತಲೇ ಇರುತ್ತವೆ .ಅದುವೇ ಜೀವನವಲ್ಲವೇ ? ದೇವರು ದಣಿದರೂ ಆತನ್ನ ಬಿಡೋರ್ಯಾರು ಆಸೆಗಳ ಚಿಗುರುವಿಕೆಗೆ ಒಂದು ನೆಲೆ ಬೇಕಲ್ಲವೇ ? ತುಂಬ ಸುಂದರ ಕವನ

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: