ಧ್ಯಾನ ಪೌರ್ಣಿಮಾ

– ನರೇಶ ಮಯ್ಯ

ಧ್ಯಾನ ಪೌರ್ಣಿಮಾ

 

ನೀನೋ ಮಲೆನಾಡ ಸಿರಿ ಸೊಬಗಿ

ಬಿಮ್ಮನೆ ಅದ್ಭುತಗಳ ತಿಳಿಹೇಳುವ ತವಕದಲ್ಲಿ

ಘಳಿಗೆ ಘಳಿಗೆಗಳ ತೇಲಿಸುತ್ತಿದ್ದೀಯೆ

ನನ್ನ ತಿಳಿಗೊಳವೆಂಬ

ನಿನ್ನ ಸ್ನಿಗ್ಧ ಸರೋವರದಲ್ಲಿ.

 

ನಾನೋ

ನೆಟ್ಟು-ಪ್ಲಾನೆಟ್ಟುಗಳ

ಪ್ರಪಂಚದ ಪಪ್ರಲೋಭನೆಯೊಳಗೆ,

ನುಡಿಸಿರಿಯ ನೋಂಪಿಯಲ್ಲಿ

ನೆನೆದು ನೀರಾಗಿದ್ದೇನೆ;

ನಿನ್ನಾ ಕಣ್ಣ ಕಾಂತಿಯ ಝಳಪಿಗೆ ಸಿಕ್ಕು

ಸಿಕ್ಕಾಗಿದ್ದೇನೆ.

 

ನಿನ್ನ ಸೋಕಿಕೊಂಡು

ಓಡೋಡಿ ಬಂದ ಮೋಡದ ಹಿಂಡೊಂದು

ನನ್ನಲ್ಲಿ ಉಸುರಿತ್ತು,

ಹಸಿರ ಹರಿವಾಣದ ಜೊತೆಗೆ

ಭಾವಾಡಗಿತ್ತೀ ನೀ

ಬಿತ್ತಿಹೋದ ಬಕುಳ-ಮಲ್ಲಿಗೆಯ ಘಮಲಿನ

ಗೇಯ ಕಾವ್ಯವೊಂದನ್ನು.

 

ನನ್ನ ಸ್ಮೃತಿ ಪರಿಧಿಗೇ

ನೇರ ನೇವರಿಸಿಕೊಂಡು ಹೋಗಬೇಕೆಂದೇ

ನೀನರುಹಿದ್ದೆ ಆ ಹಿಮಪುಂಖಗಳಿಗೆ

ಅಲ್ಲವೇ ?

 

ನದಿಯಂಚಿನ ನಿಚ್ಛಳ ನೀರಲ್ಲಿ

ನೀ ಮಿಂದ ಜ್ಞಾನಧಾರೆ

ನನ್ನಲ್ಲಿಗೂ ಹರಿದು ಬಂದಿತ್ತು.

ಮೊಗೆದುಕೊಂಡ ಆ ತೀರ್ಥವ

ಸೇವಿಸಲೋ?

ಇಡೀ ನನ್ನ ಭಾವಕೋಶಗಳನೆಲ್ಲ

ಬಿಡಿ ಬಿಡಿಯಾಗಿ ಮಿಂದುಕೊಳ್ಳಲೋ?

 

ಬೊಗಸೆಯೊಳಗೆ ತುಂಬಿಕೊಂಡಿದ್ದ

ಆ ಜೀವ ದ್ರವದ ಒಳಗಲ್ಲೇ

ಹಾಯುತ್ತಿದೆ ನನ್ನೆಲ್ಲ

ವಿಲೋಪ ವಾಂಛೆಗಳು.

 

ಬನದ ಭಾಷೆ

ಬೀಗಿ, ಕೂಗಿ ಹೇಳುತ್ತಿತ್ತು

ಮೊಗೆದುಕೋ ಮೌನದಲ್ಲಡಗಿರುವ

ಆ ಎಲ್ಲ

ಮಿಲನ ಮಹೋತ್ಸವಗಳ.

ಅವಳದ್ದೇ ಆ ಎಲ್ಲ.

 

ಆ ಆಜ್ಞೆ ನೀನಿತ್ತ ಆರ್ಡರು ಎಂದು

ಅವು ತಿಳಿಸಲಿಲ್ಲ,

ಅನುಭವವಾಗಿಸಿ ಬಿಟ್ಟು ಹೋಗಿದ್ದವು.

ಅಧೀರನಾಗಿ

ಶರಣುಹೋಗಿದ್ದೆ,

ನಿನ್ನ ಮೋಹದ

ಸೂಜಿಮೊನೆ ತಿವಿತದ ಪುಳಕಕ್ಕೆ.

 

ಮೆಲ್ಲನೆಚ್ಚರವಾದಾಗ

ಇಡೀ ಕಾನನವೇ ಸ್ಥಬ್ದವಾಗಿ,

ಅದರ ಮೌನವೇ ಮೈವೆತ್ತಿ

ನನ್ನ ಮರ್ದಿಸುತ್ತಿತ್ತು,

ನೀ ಕೊಟ್ಟ ಕಾವಿನೊಳಗಿನ

ವಿಲಾಸವನ್ನು

ನನ್ನ ಮೈಯ್ಯ ಕಣಕಣಕ್ಕೂ

ಇಳಿಸಿ-ತಿಳಿಸಿ ಹೋದವಮ್ಮಾ

 

ಅಹಾ . . ,

ಜ್ಞಾನವಾಗಿತ್ತು;

ಸಿರಿಗಣ್ಣ ತೇಜವೇ

ಪ್ರಕೃತಿ ನೀನು

ನೇಸರ ನಾನು.

ಈ ಮಧುಬನದ

ಕಾವ್ಯ ಮಂಡಲದೊಳು ಬೆಳಗುವ

ನಿಲ್ಲದ ನಿರಂತ ರಾತ್ರಿಗಳ

ಹುಣ್ಣಿಮೆ ನಾವು.

 

 

 

 

]]>

‍ಲೇಖಕರು G

March 10, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಾತು ಮುಗಿದೇ ಇಲ್ಲ ಇನ್ನು

ಮಾತು ಮುಗಿದೇ ಇಲ್ಲ ಇನ್ನು

ಡೋ‌ರ ಮಾತು ಮುಗಿದೇ ಇಲ್ಲ ಇನ್ನುಮರೆತು ಎದ್ದು ಹೋದೆಯಾ...?ಹರಸಿ ನಡೆದೆ ಬಿಟ್ಟೆಯಾಕಾಣದೂರಿನ ದಾರಿ ಹಿಡಿದುನನ್ನ ಹೀಗೆ ಯಾಕೊ ತೊರೆದುಹುಡಕಲೇಗೆ...

ನೆಲದ ಕರುಳು

ನೆಲದ ಕರುಳು

ಪಿ ಆರ್ ವೆಂಕಟೇಶ್ ದುಃಖದ ಕುಲುಮೆಯಲಿಹಾಡಲಾರದು ಹಕ್ಕಿಬೇಲಿಯಾಚೆಯ ಮಾತು ಮೌನ ಬೆಂಕಿ ಬಂಧನದ ಭಾವಬಿತ್ತಿತಾದರು ಏನು?ಪುಟಿದ ಕನಸುಗಳೆಲ್ಲಕಸದ...

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

5 ಪ್ರತಿಕ್ರಿಯೆಗಳು

  1. lalitha siddabasavaiah

    ಪದ್ಯ ಖುಷಿ ಕೊಡ್ತು. ಇಷ್ಟ ಆಯ್ತು. ಭಾವಾಡಗಿತ್ತಿ ,ವಿಲೋಪ ವಾಂಛೆ
    ಇವೆರಡರ ಪ್ರಯೋಗ ನಾನಿಲ್ಲೆ ನೋಡಿದ್ದು. ಹೀಗೆ ಭಾಷೆಯಲ್ಲಿ ಮಾಡುವ ಹೊಸ ಪ್ರಯೋಗಗಳು ಬರಹದ ಸೊಗಸನ್ನು ಹೆಚ್ಚಿಸಿದಾಗ ಓದಲೊಂದು ಖುಷಿ.

    ಪ್ರತಿಕ್ರಿಯೆ
  2. Sparsha

    Nanage tiLidante bhaavaDagitti’ annuva prayogavannu `Nisar Ahmed’ avaru eegaagale maaDiddare!

    ಪ್ರತಿಕ್ರಿಯೆ
  3. Satheesh. Kanakapura.

    kavana tumbaa channagide maiyyaa,
    ittechina kannadada pratinidhika kavanakke ninna maadari tumbaa hondutte.
    kavya krushi heege munduvaresu.

    ಪ್ರತಿಕ್ರಿಯೆ
  4. jaya

    naresh..really.. beautiful…feeelings are..!! bhavanegalannu sakatthhagi ilisideeera..nillada niranthara raathrigala hunnime naaavu….!!

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: