“ನನ್ನೊಳಗಿನ ನಿನ್ನ ಕಥೆಗಳು”

ಪಿ ಚಂದ್ರಿಕಾ 

 blue.jpg

ನೋವು

ತಾಯಿಯೊಬ್ಬಳು ವಸಂತ ಕಾಲದಲ್ಲಿ ತನ್ನ ಕಂದನ ಗೋರಿಯನ್ನು ಹುಡುಕುತ್ತಾ ಬಂದಳು. ಇಡೀ ಭೂಮಿಗೆ ಹುಚ್ಚು ಹತ್ತಿದೆ ಎನ್ನುವಂತೆ ಹೂಗಳು ಅರಳಿದ್ದವು. ಬಣ್ಣದ ಹೂಗಳು, ಸುವಾಸನೆಯ ಹೂಗಳು, ಚಂದದ ಹೂಗಳು. ಮಗುವಿನ ಗೋರಿಯ ಹುಡುಕಿ ಸುಸ್ತಾದ ತಾಯಿ ಗೊಣಗುತ್ತಾಳೆ: “ರಕ್ಕಸಿ ಭೂಮಿ ನನ್ನ ಕಂದನ ಎಲುಬನ್ನೂ ಬಿಡದೆ ತಿಂದಿರಬೇಕು.”

*

ಹಸಿವು

ಯುದ್ಧಭೂಮಿಯ ತುಂಬಾ ಹೆಣಗಳು. ಇಬ್ಬರು ಸೈನಿಕರು ಮಾತ್ರ ಉಳಿದಿದ್ದಾರೆ. ಅವರಿಗೆ ಅನ್ನಿಸುತ್ತಿದೆ. “ನಾವು ಯಾತಕ್ಕಾಗಿ ಕೊಂದೆವು? ಯಾರಿಗಾಗಿ ಕೊಂದೆವು?” ತಮ್ಮ ಕೈಗಳ ರಕ್ತ ನೋಡಿಕೊಂಡು ಬೇಸರಿಸಿದರು. ಇಬ್ಬರಿಗೂ ದಣಿವು, ಇಬ್ಬರಿಗೂ ಬೇಸರ. ಇನ್ನು ಹಸಿವು ತಡೆಯುವುದು ಅಸಾಧ್ಯ ಅನ್ನಿಸಿತು. ಅಲ್ಲಿಗೆ ಎಲ್ಲಿಂದಲೋ ಒಂದು ಜಿಂಕೆ ಬಂತು. ತಕ್ಷಣ ಒಬ್ಬ ಹೇಳಿದ: “ಹೊಡೆಯೋ ಅದನ್ನ.” ಇಬ್ಬರೂ ಸೇರಿ ಜಿಂಕೆಯನ್ನು ಕೊಂದು ತಿಂದರು. ಅವರ ಹಸಿವು ತೀರಿತ್ತು.

*

ಮರಣ ಶಾಸನ

ರಾಜನೊಬ್ಬ ತನ್ನ ಮರಣ ಶಾಸನ ಬರೆಸಿದ. “ಇದನ್ನು ನನ್ನ ಗೋರಿಯ ಮೇಲೆ ಬರೆಯಿಸಿರಿ” ಎಂದು ತನ್ನ ಮಕ್ಕಳಿಗೆ ಹೇಳಿದ. ಸಾಯುವ ಮೊದಲೇ ಶಿಲ್ಪಿಯೊಬ್ಬ ಕಲ್ಲಿನ ಮೇಲೆ ಮರಣ ಶಾಸನ ಕೆತ್ತಿದ. ರಾಜನ ಮಕ್ಕಳು ಕಾಯುತ್ತಾ ಕುಳಿತಿದ್ದರು, ಅಪ್ಪ ಯಾವಾಗ ಸಾಯುತ್ತಾನೆ ಎಂದು.

*

ಥೇಟ್ ಅಪ್ಪ

ನಾಟಕಕಾರನೊಬ್ಬ ತನ್ನ ಪಾತ್ರಕ್ಕೆ ರಂಗು ತುಂಬಿದ್ದ. ಅದರಲ್ಲಿನ ಮುಖ್ಯ ಪಾತ್ರವನ್ನು ಬೇರೆಯವರು ಕೆಡಿಸಿಯಾರು ಎಂದು ತಾನೇ ನಟಿಸುತ್ತಿದ್ದ. ಅದು ಹೆಂಡತಿಯನ್ನು ನೋಯಿಸುವ ದುಷ್ಟ ಪಾತ್ರ. ನಾಟಕ ನೋಡಿ ಎಲ್ಲರೂ “ಅದ್ಭುತವಾಗಿದೆ” ಎಂದರು. ಅವನ ಪುಟ್ಟ ಮಗು ಮಾತ್ರ ಹೇಳಿತು: “ಇದು ಥೇಟ್ ನನ್ನ ಅಪ್ಪನ ಹಾಗೇ ಇದೆ.”

‍ಲೇಖಕರು avadhi

October 10, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

೧ ಪ್ರತಿಕ್ರಿಯೆ

  1. ಚೇತನಾ

    ಓಹ್! ಪುಟ್ಟ ಪುಟ್ಟ ಕಥೆಗಳು…
    ಬಹಳ ಚೆನ್ನಾಗಿವೆ. ತುಂಬಾ ಖುಶಿಯಾಯ್ತು.
    ಇವುಗಳದೊಂದು ಪುಸ್ತಕ ಇದೆ ಅಲ್ಲವೇ?

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: