ನಾಡೋಜ – ಬಾಡೋಜ!

ಅಮಾಸೆ ಟೈಮ್ಸ್. ಕನ್ನಡ ಟೈಮ್ಸ್ ಪತ್ರಿಕೆಯನ್ನು ರೆಗ್ಯೂಲರ್ ಆಗಿ ಓದುವವರಿಗೆ ಈ ಅಮಾಸೆ ಟೈಮ್ಸ್ ರುಚಿ ಗೊತ್ತಿರುತ್ತದೆ. ಇದರ ಆರೋಗ್ಯಕರ ಕೀಟಲೆ ಖುಷಿ ಕೊಡುವಂಥದ್ದು. ಇದರ ರುಚಿಯನ್ನು ಅವಧಿಯ ಓದುಗರಿಗೂ ಬಡಿಸೋಣ ಎಂಬ ಆಸೆ.

* * *

ಡಾ. ಸಿದ್ದಲಿಂಗಯ್ಯನವರಿಗೆ ನಾಡೋಜ ಪ್ರಶಸ್ತಿ ಬಂದ ತಕ್ಷಣ ಅಭಿನಂದನಾತಜ್ಞ ಡಾ.ಹಂಪನಾ “ಪ್ರಸಿದ್ಧಲಿಂಗಯ್ಯ”, “ಸುಪ್ರಸಿದ್ಧಲಿಂಗಯ್ಯ” ಎಂದು ಹೊಗಳಿ ಶಬ್ದಶೂಲಕ್ಕೇರಿಸಿದ್ದು ಕಿವಿಗೆ ಬಿದ್ದ ತಕ್ಷಣ, ಹಂಪಿ ವಿಶ್ವವಿದ್ಯಾಲಯದಲ್ಲಿ “ಸಿದ್ದಲಿಂಗಯ್ಯನವರನ್ನು ಇಷ್ಟು ಚಿಕ್ಕ ವಯಸ್ಸಿಗೇ ನಾಡೋಜಗೊಳಿಸಿದ್ದು ನ್ಯಾಯವೇ?” ಎಂಬ ಚರ್ಚೆ ಶುರುವಾದ ಸುದ್ಧಿ ಬೆಳಕಿಗೆ ಬಂದಿದೆ.

ಅದಕ್ಕೆ ಉತ್ತರವಾಗಿ, “ಬಾಡ್ ತಿಂದಂಗ್ ನಗ್ಬೇಕು” ಎಂಬಂಥ ದಲಿತ ಸಂಸ್ಕೃತಿಯ ಮಹೋಪಮೆಗಳನ್ನು ಸಮರ್ಥವಾಗಿ ಬಳಸಿರುವ ಕವಿಗೆ ನಾಡೋಜ ದಕ್ಕಿದ್ದು ನ್ಯಾಯಬದ್ಧ ಎಂದು ಕೆಲವು “ಬಾಡೋಜ” ಸಾಹಿತಿಗಳು ಠರಾವು ಪಾಸು  ಮಾಡಿ, ಕರ್ನಾಟಕ ಬಾಡೋಜರ ಎಚ್.ಒ.ಡಿ. ಮೈಸೂರ್ ಶ್ರೀರಾಮ್ ಅವರಿಗೆ ರವಾನಿಸಿದ ಸುದ್ದಿ ಬಂದಿದೆ.

ಅದರ ಬೆನ್ನಲ್ಲೇ ಕೋಲಾರ ಸೈಡ್ ನ ರೈಟರ್ ಗಳಿಗೆ ನಾಡೋಜ ಕೊಡದಿರುವುದರಿಂದ ಕಾಡು-ತೋಪಿನ ಚಂದ್ರಶೇಖರ ನಂಗಲಿಗೆ “ಕಾಡೋಜ” ಅವಾಲ್ಡ್ ಕೊಡಲು ಆದಿಮ ಪಾರ್ಟಿಗಳು ಒಂದೇ ಸಾಲಿನ ನಿರ್ಣಯ ಪಾಸು ಮಾಡಿದ ವಿಚಾರ ನಂಬಲನರ್ಹ ಮೂಲಗಳಿಂದ ತಿಳಿದು ಬಂದಿದೆ!

* * *

ಹಾಡೋಜ, ಕೇಡೋಜ ಪ್ರಶಸ್ತೀನೂ ಕೊಡ್ರೀ!

ಮಾಸೆ ಟೈಮ್ಸ್ ನೋರು ನಾಡೋಜ, ಬಾಡೋಜ, ಕಾಡೋಜ ಅಂತ ಗೇಲಿ ಮಾಡಿದ್ದನ್ನು ಕಂಡ ಜಾನಪದ ಟೆರರಿಸ್ಟ್ಸ್ ಒಂದ್ಕೆಡೆ ಸೇರಿ ಬಂಬಾಟಾಗಿ ಹಾಡೋ ಜನ್ನಿ, ಅಪ್ಪಗೆರೆ, ಪಿಚ್ಚಳ್ಳಿ ಎಲ್ಲರೂ “ಹಾಡೋಜ” ಅವಾಲ್ಡ್ ಕೊಡದವರಿಗೆ ಕೇಡೋಜ ಅವಾಲ್ಡ್ ಕೊಡಿ ಅಂತ ಧರಣಿ ಮಾಡಿದ ಸುದ್ದಿ ಅಮಾಸೆ ಕಛೇರಿಗೆ!

* * *

ಘಾಂಧೀ ಪ್ರಸನ್ನ ಎಲ್ಲಿ!

ಮಟೇಕೊಪ್ಪದ ಘಾಂಧಿ ಪ್ರಸನ್ನ ಅವರ ಉಪವಾಸ, ಸತ್ಯಾಗ್ರಹ ಫುಲ್ ಮೀಲ್ಸ್ ಸತ್ಯಾಗ್ರಹ ಏನೂ ಇಲ್ಲದೆ ಬಣಗುಡುತ್ತಿದ್ದ ಕಲಾಕ್ಷೇತ್ರದ ಹತ್ತಿರ ಅಮಾಸೆ ರಿಪೋರ್ಟರ್ ಯಾಕ್ಸಾರ್ ಪ್ರಸನ್ನ ಕಾಣ್ಸ್ತಾ ಇಲ್ಲ ಅಂದ್ರೆ, “ಎನ್ ಎಸ್ ಡಿ ಕಡೆ ೧೦ ಲ್ಯಾಕ್ಸ್ ಪ್ರಾಜೆಕ್ಟ್ ಸಿಕ್ಕಿರಬೇಕು. ಈ ಕಡೆ ಬರ್ತಾ ಇಲ್ಲ” ಎಂದು ನಕ್ಕರು ಒಬ್ಬ ಕಲ್ಚರ್ ವಲ್ಚರ್.

“ಅಂದ್ರೆ?”

“ಅಂದ್ರೆ, ಎನ್ ಎಸ್ ಡಿ ಮೇಲೆ ಪ್ರಸನ್ನ ಗಲಾಟೆ ಮಾಡಿದ ತಕ್ಷಣ ಅಲ್ಲಿ ೧೦ ಲ್ಯಾಕ್ಸ್ ಡೈರೆಕ್ಷನ್ ಪ್ರಾಜೆಕ್ಟ್ ರೆಡೀ ಅಂತ!”

‍ಲೇಖಕರು avadhi

January 29, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಿನಿಮಾ ತಯಾರಿಯ ತಮಾಷೆಗಳು…

-ಕೃಷ್ಣ ಮಾಸಡಿ ನಾನು ಬಾಲ್ಯದಲ್ಲಿ ಹೊನ್ನಾಳಿ ಮತ್ತು ರಾಂಪುರ ಜಾತ್ರೆಯಲ್ಲಿ ಹಾಕುತ್ತಿದ್ದ ಟೂರಿಂಗ್ ಟಾಕೀಸುಗಳಲ್ಲಿ ನೆಲದಲ್ಲಿ ಹಾಗೂ ಆಗಾಗ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This