ನಾನೂ ನನ್ನ ಸೈಕಲ್ಲು!!

ಮತ್ತೆ ಸೈಕಲ್!

ನೇಸರ ಕಾಡನಕುಪ್ಪೆ

ಮತ್ತೆ ಸೈಕಲ್ ತುಳಿಯುವ ಸಂಕಲ್ಪದಲ್ಲಿ… ಸರಿಯಾಗಿ ಹತ್ತು ವರ್ಷಗಳ ನಂತರ ಮತ್ತೆ ಸೈಕಲ್ ಬಳಸಲು ಮುಂದಾಗಿದ್ದೇನೆ. ಇವತ್ತು ತಾನೇ ಹೊಸ ಸೈಕಲ್ ಕೊಂಡು ತಂದಿದ್ದೇನೆ. ಪತ್ರಿಕೋದ್ಯಮದಲ್ಲಿ ವಾಹನ ಕ್ಷೇತ್ರ ನನ್ನ ಪರಿಣಿತ ವಿಷಯವಾದ ಕಾರಣ ಈಗಾಗಲೇ ಸಾಕಷ್ಟು ಬಾರಿ ಪರಿಸರಪ್ರಿಯ ವಾಹನಗಳ ಬಗ್ಗೆ ಬರೆದಿದ್ದೇನೆ. ಆದರೆ ಪ್ರತಿ ಬಾರಿ ಬರೆಯುವಾಗಲೂ ನನ್ನ ಅಂತಃಕರಣ ನನ್ನನ್ನು ಚುಚ್ಚುತ್ತಲೇ ಇತ್ತು. ನಾನೇ ಒಂದು ಪರಿಸರ ಪ್ರಿಯ ವಾಹನ ಬಳಸದೇ ಅದರ ಬಗ್ಗೆ ಬರೆಯುವ ಅರ್ಹತೆ ನನಗಿದೆಯೇ ಎಂದು. ಕೇವಲ ಆತ್ಮಸಾಕ್ಷಿಗೆ ಮಾತ್ರ ಅಲ್ಲದೇ ನಿಜಕ್ಕೂ ಪ್ರೀತಿಯಿಂದ ಸೈಕಲ್ ತುಳಿಯಲು ಪ್ರಾರಂಭಿಸಿದ್ದೇನೆ. ಸೈಕಲ್ ತುಳಿದಾಗ ನಿಜಕ್ಕೂ ಖುಷಿ ಅನ್ನಿಸಿತು. ಪಿಯುಸಿ ಓದುವಾಗ ಕೊನೆಯ ಬಾರಿ ಸೈಕಲ್ ತುಳಿದದ್ದು. ಪಿಯುಸಿ ಮುಗಿಸಿ ಆಗಲೇ ೧೦ ವರ್ಷ ಆಯಿತಲ್ಲ ಎಂಬ ಅಚ್ಚರಿಯೂ ಆಗಿದೆ. ಸೈಕಲ್‌ನಲ್ಲಿ ನಿಧಾನವಾಗಿ ಹೋಗುವಾಗ ಸಿಗುವ ಆನಂದ ಬೈಕ್‌ನಲ್ಲಿ ವೇಗವಾಗಿ ಹೋಗುವಾಗ ಖಂಡಿತಾ ಸಿಗದು. ನಾನು ೭ನೇ ತರಗತಿಯಲ್ಲಿ ಓದುತ್ತಿದ್ದಾಗ ನನ್ನ ಬಳಿ ಹೀರೋ ‘ಟಾರ್ಗೆಟ್’ ಎನ್ನುವ ಸೈಕಲ್ ಇತ್ತು. ಪಿಯುಸಿ ಓದುತ್ತಿದ್ದಾಗ ಹೀರೋ ‘ರೇಂಜರ್’ ಮೌಂಟೇನ್ ಸೈಕಲ್ ಬಳಸುತ್ತಿದ್ದೆ. ನನ್ನ ಅಕ್ಕ ಬಳಸುತ್ತಿದ್ದ ‘ಬಿಎಸ್‌ಎ ಲೇಡಿಬರ್ಡ್’ ಸೈಕಲ್‌ನ್ನು ಸಹ ತುಳಿದಿದ್ದೆ. ಇದಕ್ಕಾಗಿ ಸರಿಸುಮಾರು ೨ ತಿಂಗಳ ಕಾಲ ಸಂಶೋಧನೆ ನಡೆಸಿ ಕೊನೆಗೂ ಒಂದು ಸೈಕಲ್ ಆಯ್ಕೆ ಮಾಡಿಕೊಂಡೆ. ನನ್ನ ಮೂರನೇ ಸೈಕಲ್ ಇದು. ನಾನೇ ದುಡಿದು ಕೊಂಡ ವಾಹನವೂ ಇದು ಎಂಬ ಹೆಮ್ಮೆ ಇದೆ. ಇದು ‘ಮಾಂಗೂಸ್ ಸ್ವಿಚ್‌ಬ್ಯಾಕ್ ಕಾಂಪ್’. ಸಂಪೂರ್ಣ ಅಲ್ಯೂಮಿನಿಯಂ ದೇಹದ ಅಮೆರಿಕನ್ ಮೌಂಟೇನ್ ಸೈಕಲ್ ಇದು. ಇದು ಗಟ್ಟಿಮುಟ್ಟು ಹಾಗೂ ಸವಾರ ಪ್ರಿಯನೂ ಹೌದು. ಅದರ ಚಿತ್ರ ಇಲ್ಲಿ ನೀಡಿದ್ದೇನೆ. ಇವತ್ತು ಕೊಂಡಿದ್ದರಿಂದ ಒಳ್ಳೆಯ ಫೋಟೊ ತೆಗೆಯಲು ಇನ್ನೂ ಆಗಿಲ್ಲ. ಇರುವ ಸಾಧಾರಣ ಗುಣಮಟ್ಟದ ಫೋಟೊ ಮಾತ್ರ ಇಲ್ಲಿ ಹಾಕಿದ್ದೇನೆ. ಸ್ವಲ್ಪ ದಿನದಲ್ಲೇ ಒಳ್ಳೆಯ ಫೋಟೊ ಹಾಕುವೆ. ]]>

‍ಲೇಖಕರು G

August 8, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ದೇವನೂರು ನಾಪತ್ತೆ…

ದೇವನೂರು ನಾಪತ್ತೆ…

ಹೌದು, ಪ್ರಚಾರ ಎಂದರೆ ಅವರಿಗೆ ಮುಜುಗರ! ಅಂಶಿ ಪ್ರಸನ್ನಕುಮಾರ್ ಇದ್ದಕ್ಕಿದ್ದಂತೆ ನಾಪತ್ತೆಯಾಗುವ ಹಲವು ಸಾಹಿತಿಗಳನ್ನು ಜಗತ್ತು ಕಂಡಿದೆ. ಏನೋ...

4 ಪ್ರತಿಕ್ರಿಯೆಗಳು

  1. M.S.Hebbar

    ಬರಹ 1st person ನಲ್ಲಿ ಇದೆ. ಬರೆದವರ ಹೆಸರೇನು? ಶಿವು..ಜಯನಗರದಲ್ಲಿ ಸೈಕಲ್ ಟ್ರ್ಯಾಕ್ ನೋಡಿದೆ. ಆದರದು ಪಾರ್ಕಂಗ್ ಆಗಿದೆ !

    ಪ್ರತಿಕ್ರಿಯೆ
  2. M.S.Hebbar

    (Correction)ಆದರದು ಪಾರ್ಕಿಂಗ್ ಜಾಗ ಆಗಿದೆ !

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: