ನಾವು ಹುಡುಗರೇ ಹೀಗೆ..

ಕವಯತ್ರಿ ಪ್ರತಿಭಾ ನಂದಕುಮಾರ ಅವರ

‘ನಾವು ಹುಡುಗಿಯರೇ ಹೀಗೆ’ ಕವಿತೆ ಓದಿದ ಮೇಲೆ 

anil-gunnapur

ಅನಿಲ್ ಗುನ್ನಾಪೂರ

 

ಖರೇ ಆದ ನೋಡು ದೋಸ್ತ
ನಾವು ಹುಡುಗರೇ ಹೀಗೆ….

ಮೊದಲ ಪ್ರೀತಿಯ ನೆನಪು ಮಾಸುವದೊರೊಳಗೆ
ಹೊಸ ಹೃದಯ ಅರಸಿ ಹೊರಡುತ್ತೇವೆ
ದಿಕ್ಕೇ ಇರದ ದಾರಿಗೆ
ಮತ್ತು
ಕುಡಿಯದಿದ್ದರೂ ಹೋಗುವೆವು ಆಗೊಮ್ಮೆ ಈಗೊಮ್ಮೆ ಬಾರಿಗೆ;

she1ಅವಳೊಂದಿಗಿನ ಮಧುರ ಕ್ಷಣಗಳು
ಇವಳೆದರು
ಅಳೆದು-ತೂಗಿ ಸುರಿದು ಹಗುರಾಗಿ
ಸತ್ಯ ಹರಿಶ್ಚಂದ್ರನ ಮಿತ್ರನಾಗಲು ಹಂಬಲಿಸುತ್ತೆವೆ..

ಇದ್ದಲ್ಲೇ ಇದ್ದ ಗೋಡೆಗಡಿಯಾರದ ಗೊಡವೆಗೆ ಹೋಗದೆ
ಮೈಮರೆತು ಕಾಲಚಕ್ರದ ಸುಳಿಯಲ್ಲಿ ಸಿಲುಕಿ
ಎಡವಟ್ಟುಗಳು; ಬಯಲಾದ ಗುಟ್ಟುಗಳು ಎಲ್ಲವು ರಟ್ಟಾದ ಬಳಿಕ
ಕೈಕೈ ಹಿಚುಕಿಕೊಳ್ಳುತ್ತಾ…
ಹೊಟ್ಟೆಪಾಡಿನ ನೆಪ ಹೇಳಿ
ಕಟ್ಟುಪಾಡಿಗೆ ಜೋತು ಬಿದ್ದು
ಸುಳ್ಳಿನ ಮೂಟೆಗಳು ಇಳಿಸಿ
ಭಾರವಾದ ಹೆಜ್ಜೆಗಳಲಿ ದಾರಿ ಬದಲಿಸುತ್ತೇವೆ

ಅಮ್ಮನ ಪ್ರೀತಿಗೆ ಅಪ್ಪನ ರೀತಿಗೆ ಹೆದರಿ
ಜವಾಬ್ದಾರಿ ಹೊರುವ ಹೇಸರಗತ್ತೆಯಾಗಲೆಂಬಂತೆ;
ತಲೆಬಾಗಿ
ಮುಗ್ಧನ ಸೋಗಿನಲ್ಲಿ ಊರೂರು ಸುತ್ತುತ್ತೇವೆ

ಅವಳು ಬರುತ್ತಾಳೆ
ತಲೆತುಂಬ ಹೂಮುಡಿದು, ತಟ್ಟೆಯಲ್ಲಿ ಟೀ ತಂದಿಟ್ಟು
ನಾಚುತ್ತಲೇ ತಲೆಯೆತ್ತಿ ನೋಡಿದಾಗ
ಮನದೊಳಗೆ ಬೇಡವೆಂದರೂ ಬರುತ್ತದೆ
ಪಾಪ! ಅವನೆದುರು
ಅವಳೂ ಹೀಗೆ ನಿಂತಿರಬಹುದಲ್ಲ!

ಒಂದು ದಿನ
ಕೆರೆಯುವುದಕ್ಕೂ ಪುರಸೊತ್ತಿಲ್ಲದೇ ಬದುಕಿನ ಬಂಡಿ ಓಡಿಸುವಾಗ
ಅವಳು ಎದುರಾಗುತ್ತಾಳೆ
ಹೇಗಿದ್ದಿಯಾ? ಅಂದರೆ
“ನಮ್ಮನ್ನೆಲ್ಲ ಮರೆತು ಬಿಡ್ತೀರಲ್ಲ”
ಎಂದು
ಕಣ್ಣಲ್ಲಿ ಕಣ್ಣಿಟ್ಟು ನೋಡಿ ಉತ್ತರವಿಲ್ಲದ ಪ್ರಶ್ನೆ ಹಾಕುತ್ತಾಳೆ
ಹೇಳಬೇಕಾದ ಮಾತು ಹೇಳದೆ ತೊದಲುವಾಗ
ಗಂಡನ ಕೈ ಹಿಡಿದು ಬಹುದೂರ ಹೋಗಿರುತ್ತಾಳೆ…
ತಿರುಗಿ ನೋಡುತ್ತಾಳೆ ಎಂದು ಕಾಯುತ್ತಾ  ಕೂತು ಬಿಡುತ್ತೇವೆ

ನಾವು ಹುಡುಗರೇ ಹೀಗೆ…

‍ಲೇಖಕರು Admin

December 7, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವಳು

ಅವಳು

ಸತ್ಯಮಂಗಲ ಮಹಾದೇವ ಅವಳುಈಗ ಹೆಚ್ಚು ಮೌನಿನೆಲಕೆ ನೀರು ಹಬ್ಬಿದಂತೆ ಅವಳುಈಗ ಮಾತಿನ ಕಸುವನ್ನುದುಡಿಯುವ ಕೈಗಳಿಗೆದಾಟಿಸುತ್ತಿರುವ ಅಭಿಯಂತರೆ...

ನಂಬಿಕೆ

ನಂಬಿಕೆ

ಗೀತಾ ಜಿ ಹೆಗಡೆ ಕಲ್ಮನೆ ಹಿಂದಿಂದೇ ಬರುವ ಒಂಟಿ ನೆರಳೊಂದುಕೇಳುತ್ತಿದೆ ಅವನೆಲ್ಲಿ ಬೇಗ ಹೇಳುಗುಟ್ಟೊಂದು ಅರ್ಜೆಂಟಾಗಿ ಹೇಳಬೇಕಿದೆನನಗೂ ಈಗ...

ತ್ರಿಲೋಕ…

ತ್ರಿಲೋಕ…

ಚಂದ್ರಪ್ರಭ ಕಠಾರಿ ಮನದಾಳದಲೆಲ್ಲೋ ಹುಟ್ಟಿದಅಣು ಗಾತ್ರದ ಭಯದ ಬಿಂದುಭುವಿಯಾಚೆಆಕಾಶದಾಚೆಅನಂತತೆಯಾಚೆಭೂತಾಕಾರದೀ ಬೆಳೆದುಅಗಣಿತ...

9 ಪ್ರತಿಕ್ರಿಯೆಗಳು

  1. sangamitradiggi

    ಹೇಳಬೇಕಾದನ್ನು ನುಂಗಿ,
    ಮನಸಲ್ಲಿ ಮಂಡಿಗೆ ತಿನ್ನುವ
    ನಾವು ಹುಡುಗರೇ ಹೀಗೆ !

    ಬೇಡವೆಂದರೂ ಬರುವ ಪೋಲಿ ಕನಸುಗಳ
    ಜಾಡಿಸಿ ಒದೆಯಲು ಮನಸಿಲ್ಲದ
    ನಾವು ಹುಡುಗರೇ ಹೀಗೆ !

    ಅವಳ ನೆನಪಿನ ಮಳೆ-ಚಳಿಯಲ್ಲಿ
    ಹೃದಯಕ್ಕೆ ಕ್ಯಾನ್ಸರ್ ಕೌದಿ ಹೊಚ್ಚುವ
    ನಾವು ಹುಡುಗರೇ ಹೀಗೆ !

    ಪ್ರತಿಕ್ರಿಯೆ
  2. nagraj harapanahalli

    ಕವಿತೆ ಇಷ್ಟ ಆಯಿತು ಕಣ್ರಿ…..ಮತ್ತೆ ಮತ್ತೆ ಬರೆಯುತ್ತಿರಿ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: