ನಿತ್ಯ ಸೀತೆಯರು

ವಸುಂಧರಾ ಕದಲೂರು

ಹೆಸರಿಗೆ ಅಲ್ಲಿ ಜ್ವಾಲಾಗ್ನಿ ಇರುವುದಿಲ್ಲ
ಆದರೂ ಉರಿದು ಬೂದಿಯಾಗುತ್ತಾ
ಮತ್ತೆ ಫೀನಿಕ್ಸಿನಂತೆ ಹುಟ್ಟಿ ಬರುತ್ತೇವೆ ನಾಳೆಗೆ.
ಈ ಅವತಾರ ಹೊಸದು; ಶರ್ಮಿಷ್ಠೆಯ ಉಡುಗೆ
ದೇವಯಾನಿ ಉಟ್ಟಂತೆ ದಿನಬೆಳಗಾದರೆ
ಪಾತ್ರವೂ ಬದಲು…

ದಾರಿಹೋಕ ಕಾಮುಕ ಕಣ್ಣುಗಳಿಗೆ
ನಿತ್ಯವೂ ಬತ್ತಲಾಗುತ್ತಾ, ಮಡದಿಯರಾಗುತ್ತಾ
ದ್ರೌಪದಿಗೆ ಸೈಡು ಹೊಡೆದುಬಿಡುತ್ತೇವೆಂಬ
ಭಯದಲಿ ದಿನದೂಡಿರುತ್ತೇವೆ. ಸದಾ
ಕಾಯುವ ಊರ್ಮಿಳೆಯರಾಗಿ ಅಡುಗೆ
ಕೋಣೆ ಸೇರಿ ಕನಸು ನೇಯುವುದಿಲ್ಲ;
ಕುಂತಿಯಂತೆ ಇಚ್ಛೆಪಟ್ಟವನನ್ನು ಕರೆದು
ಕೂಡಲಾಗುವುದೂ ಇಲ್ಲ..

ಎಲ್ಲಾ ಬರಿಯ ಕಳೆಯುವ ಲೆಕ್ಕ.
ಬದುಕನ್ನೂ, ಕನಸ್ಸನ್ನೂ… ಆಸೆ ಮಾತ್ರ
ಅಂಧ ಆನೆ ಮುಟ್ಟಿದಂತೆ ಕಲ್ಪಿತವನ್ನು
ಒಪ್ಪಿಸಿಕೊಳ್ವ ಸಾಕು ಬುದ್ಧಿಯ, ಶರಣಾಗುವ,
ಸರಪಣಿ ಕಟ್ಟಿದ ನಾಯಿ; ಬಿಚ್ಚಿದರೆ
ಪುನಃ ಅಂಡಲೆಯುವ ಸೋಗು

ಕಲ್ಲಾಗಿದ್ದರೂ ಕೊರೆದು ಕಲೆ ಮಾಡುವ
ಶಿಲ್ಪಿಗಾಗಿ ಕಾಯುವ ಅಹಲ್ಯಾ ಸಂತಾನದವರೇ
ನಾವಾಗಿ ಬಿಡುವ ನಾವಲ್ಲದ ನಾವು; ವ್ಯಾಘ್ರ ಹಸಿವು ಇಟ್ಟುಕೊಂಡ ಪುಣ್ಯಕೋಟಿ ಗೋವಿನಂಥವರು; ನಿತ್ಯ ಅಗ್ನಿಯೊಡಲು ಹೊಕ್ಕಿ
ಹೊಕ್ಕಿ ಬರುವ ಸೀತೆಯರು..

‍ಲೇಖಕರು Avadhi

October 15, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಾವೆಂದರೆ ಹೀಗೆಯೇ..

ಸಾವೆಂದರೆ ಹೀಗೆಯೇ..

ಚಂದ್ರಶೇಖರ ಹೆಗಡೆ ಎಲ್ಲ ಇದ್ದೂ ಇಲ್ಲವಾಗುವುದೆ ? ಇಲ್ಲದಿರುವುದಕ್ಕೆ ಬೆನ್ನುಬಿದ್ದು  ಖಾಲಿಯಾಗುವುದೆ ? ಹಸಿರು ತುಂಬಿದ್ದರೂ...

ಆನಾ ಆಹ್ಮತೋವಾ ನೆನೆದು

ಆನಾ ಆಹ್ಮತೋವಾ ನೆನೆದು

    ಜಿ.ಪಿ.ಬಸವರಾಜು ನಡುಗುವ ಕೈಗಳಿಂದ ನಿನ್ನ ಎದೆಯ ಪದಗಳನು ಎತ್ತಿಕೊಂಡೆ: ಸೆರೆಮನೆಯ ಮಹಾ ಗೋಡೆಯ ಈಚೆ ನೀನೊಂದು...

ಪಟದ ಪಾಡು

ಪಟದ ಪಾಡು

ಡಾ ಪಿ ಬಿ ಪ್ರಸನ್ನ ಮೊನ್ನೆ ಎಲ್ಲರಂತೆ ನನಗೂ ಪಟ ಹೊಡೆಸಿಕೊಳ್ಳುವ ಉಮೇದು ಬಂದದ್ದೇ ನಡೆದೆ ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ...

6 ಪ್ರತಿಕ್ರಿಯೆಗಳು

  1. Purushothama Bilimale

    ವಸುಂಧರಾ ಕದಲೂರು ಅವರು ಬರೆದ – ಹೆಸರಿಗೆ ಅಲ್ಲಿ ಜ್ವಾಲಾಗ್ನಿ ಇರುವುದಿಲ್ಲ / ಆದರೂ ಉರಿದು ಬೂದಿಯಾಗುತ್ತಾ /ಮತ್ತೆ ಫೀನಿಕ್ಸಿನಂತೆ ಹುಟ್ಟಿ ಬರುತ್ತೇವೆ ನಾಳೆಗೆ/ ಎಂಬ ಸಾಲುಗಳು ಬಹಳ ಶಕ್ತಿಯುತವಾಗಿವೆ. ಜ್ವಾಲಾಗ್ನಿ ಇಲ್ಲದೇ ಉರಿದು ಬೂದಿಯಾಗುವ ಕಲ್ಪನೆಯೇ ನಿಜವಾದ ಕಾವ್ಯ

    ಪ್ರತಿಕ್ರಿಯೆ
  2. ಚೈತ್ರಾ ಶಿವಯೋಗಿಮಠ

    ಹೌದು ನಾವು ನಿತ್ಯ ಸೀತೆಯರು.. ಮಾರ್ಮಿಕ ಕವಿತೆ..

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: