ನಿನಗೆಲ್ಲಿ ತಿಳಿದೀತು..

S_P_Vijayalakshmiಎಸ್. ಪಿ. ವಿಜಯಲಕ್ಷ್ಮಿ

ಹೇ ಕೂಪಮಂಡೂಕವೇ,

ನೀನಾರ ಬಳಿ ಕುಳಿತಿರುವೆ ಗೊತ್ತೇ…?

ಅವನು ಲೋಕದ ಕಣ್ಣು, ಜ್ಞಾನದ ಜ್ಞಾನ, ಬೆಳಕಿನ ಬೆಳಕು

ಬೋಧಿವೃಕ್ಷದಡಿಯಲ್ಲಿ ಕಣ್ಮುಚ್ಚಿ ಕುಳಿತವನು

ಲೋಕದ ಕಣ್ಣ ತೆರೆಸಿರುವವನು

ಅವನರಿಯದ್ದೇನಿದೆ ಈ ಜಗದಲ್ಲಿ

ಭೂಗಗನ ವಿಸ್ತಾರಿಗೆ ನೀ ಗಳಹುವ ಸತ್ಯವಾದರೂ ಏನಿದೆfrog

ಕೂಪಮಂಡೂಕ ನೀನು,

ನೀರಹನಿಗೆ ಬಾಯ್ಬಿಡುವವ ನೀನು…..

ಎಲ್ಲ ಸ್ವಾರ್ಥವ ಕಿರುಬೆರಳಿನಲಿ ಝಾಢಿಸಿ ನಡೆದವಗೆ

ಅದೇನು ಕಿವಿಕಚ್ಚುತ್ತಿರುವೆ…?

ಬಿಡು, ಅವನೇನೂ ನಿನ್ನ ಕೂಪಮಂಡೂಕ ಎಂದು

ಜರೆಯುವುದಿಲ್ಲ. ನಿನ್ನನ್ನೂ ಸಮ್ಮಾನಿಸುವ ಮಹಾತ್ಮ, ನಮ್ಮಂಥಲ್ಲ

ಆದರೂ, ನನಗೊಂದು ಸಂದೇಹ,

ನೀ ನುಡಿಯುವ ಸತ್ಯವೂ ಒಂದಿರಬಹುದು ಎಂಬ ಗುಮಾನಿ

‘ನಕ್ಷತ್ರವರಳಿದ ರಾತ್ರಿಯಲೂ , ಹುಣ್ಣಿಮೆಯ ಸೊಗದಲ್ಲೂ

ಪಲ್ಲಂಗದಲಿ ರೇಷಿಮೆಯದಿಂಬು ತೋಯಿಸುತ್ತಿದ್ದ

‘ಯಶೋಧರೆ’ಯ ಕಂಡೆಯಾ…?

ಬೆಳಕ ಕಂಡುಂಡ ಲೋಕ ‘ಧನ್ಯೋಸ್ಮಿ’ ಎಂದು ಅರಳುತ್ತಿರುವಾಗ

ಆ ನೀಲಸರಕ್ಕೇ ‘ನೀರೂಡಿ’ಸುತ್ತ ಮುದುಡುತ್ತಿದ್ದ ‘ಕಮಲೆಯ’

ಯಾತನೆಯ ಕಂಡೆಯಾ…?

‘ನಿನಗೆ ಜಗವಿದೆ, ನನ್ನ ಜಗವೆಲ್ಲಿ’ ಎಂದಳಲುವ ಆ ಸಾಮಾನ್ಯಳ

ಎದೆಯಗ್ನಿಯ ಕಂಡುಬಿಟ್ಟೆಯಾ…?

‘ತಂದೆ ಬೇಕಮ್ಮಾ…’ ಎಂದಳಲುವ ಪುತ್ರನನ್ನಪ್ಪಿ

ಸಂತೈಸಿ ಹೈರಾಣಾದ ಮುಗುದೆಯ

ಕಂಡುಬಿಟ್ಟೆಯಾ…?

ಬಿಡು, ಬಿಡು, ಕಾಲ ಮಿಂಚಿದೆ, ಹೊಳೆದಿದೆ, ಬೆಳಕೂ ತುಂಬಿದೆ

ಈಗ ಈ ಕ್ವಚಿತ್ ಅಳಲ ಅವನ ಕಿವಿಯಲರುಹಿ

ಧ್ಯಾನಭಂಗಗೊಳಿಸಬೇಡ.

ಆ ಮೌನವನು ಕದಡಬೇಡ.

ಲೋಕದೊಳಿತಿನ ಮುಂದೆ ಬೇರೆಲ್ಲ ನಗಣ್ಯ

ನಿನಗೆಲ್ಲಿ ತಿಳಿದೀತು,

ನೀನೊಂದು ಕೂಪಮಂಡೂಕ

ವಟವಟನ ಬಾಯಿಬಡುಕ

ಇಳೀ ಕೆಳಗೆ

ಬಾ ಇಳೆಗೆ

ಕಾದು ವಟವಟಿಸು ಮಳೆಗೆ.

(ಭಗವಾನ್ ಬುದ್ಧ ಹಾಗೂ ಕಪ್ಪ್ಪೆಯ ಕ್ಷಮೆ ಯಾಚಿಸುತ್ತ)

‍ಲೇಖಕರು Admin

October 3, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

೧ ಪ್ರತಿಕ್ರಿಯೆ

  1. s.p.vijayalakshmi

    ಕವಿತೆ ಬರೆಯುವ ಸಂಭ್ರಮವನ್ನು ನನ್ನಲ್ಲಿ ಜೀವಂತವಾಗಿರಿಸಲು ನಿಮ್ಮ ಸ್ಪರ್ಧೆ ಕಾರಣವಾಗಿದೆ . ಹಾಗೇ ಉಳಿದ ಕವಿತೆ, ಬರಹ , ಕಥೆ ಇವುಗಳನ್ನೂ ಪ್ರಕಟಿಸಿ ನಮ್ಮನ್ನು ಪ್ರೋತ್ಸಾಹಿಸುತ್ತಿರುವ ಅವಧಿಯ ಸಂಪಾದಕರಾದ ಮೋಹನ್ ಅವರೇ ನಿಮಗೆ ಮನದಾಳದ ವಂದನೆಗಳು . ಜೊತೆಗೆ ಉತ್ತಮರ ಸಾಹಿತ್ಯವನ್ನೂ ಉಣಬಡಿಸುತ್ತಿರುವಿರಿ . ಥ್ಯಾಂಕ್ಸ್ ….ಥ್ಯಾಂಕ್ಸ್ …

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: