ನಿನ್ನ ಪಾದಗಳನ್ನು ನೋಡಿದೆ, ಬಲು ಚಲುವಾಗಿವೆ..

ಮೀನಾಕುಮಾರಿ – ನೀನೊಂದು ಪ್ರಶ್ನೆ

lakshmikanth-itnal-1ಲಕ್ಷ್ಮೀಕಾಂತ ಇಟ್ನಾಳ

ಬದುಕಿನ ರೀತಿ ಚಲಿಸಿತ್ತು, ತನ್ನದೇ ರೀತಿ,
ಸುಂಟರಗಾಳಿಯ ಮೋಡದ ರೀತಿ
ಕ್ಷಣ ಕ್ಷಣವೂ ಒಂದೊಂದು ರೀತಿ,
ಪರದೆಯ ಬಣ್ಣದಲಿ ಮಿಂದ ಮಿಥ್ಯೆಗಳೇ
ಸತ್ಯಗಳಾಗಿ… ಹೆಪ್ಪುಗಟ್ಟಿದ ರೀತಿ.

sheಬದುಕಿನ ಹೆಜ್ಜೆಗಳಷ್ಟು ಮೂಡಿವೆ, ಕೆಲವು,
ಮೈಲಿಗೆಯಾಗಿವೆ,
‘ನಿನ್ನ ಪಾದಗಳನ್ನು ನೋಡಿದೆ, ಬಲು ಚಲುವಾಗಿವೆ,
ನೆಲದ ಮೇಲೂರಬೇಡ ಅವನ್ನು, ಮೈಲಿಗೆಯಾಗುತ್ತವೆ’
ಎಂದರೂ… ಕೇಳಲಿಲ್ಲ ನೀನು!

ಹಿಮದ ರಾಶಿಯಲಿ ಕುಳಿತ ಕನಸುಗನ್ಯೆ
ಏನು ಕನಸದು?
ಶೇರ್, ಶಾಯರಿಯೋ,
‘ಅರ್ಜ ಕಿಯಾ ಹೈ’ ( ವಿಜ್ಞಾಪಣೆ)
‘ಇರ್ಶಾದ್ ಇರ್ಶಾದ್’ (ಹೇಳು, ಹೇಳು)
ದು:ಖ, ಶೋಕ, ವಿರಹ, ಏಕಾಂತಗಳೇ
ಮೈದಾಳಿ, ಹಿಮದಂತೆ ನಿನ್ನ ಆವರಿಸಿ ಕೆನೆಗಟ್ಟಿಹವಲ್ಲ,
ನಿನ್ನ ಕವನಗಳಲ್ಲೂ! ನಿನ್ನ ದನಿಯಲ್ಲೂ!
ಜಡವಾಗುತ್ತಿರುವ ಸಂಬಂಧಗಳೇ?

ತೆಳು ಮೋಡಗಳ
ಎಳೆಗಳಲ್ಲಿ ನೇಯ್ದ ಶೋಕ ಮೂರ್ತಿಯೇ,
ಚುಕ್ಕೆಗಳ ಹೆಜ್ಜೆಗಳಲ್ಲಿ,
ಅದೇನೋ ಹಾಡುತ್ತಿದ್ದೆಯೆಲ್ಲಾ?
‘ಪ್ರಣಯಮತ್ತ ಹೊತ್ತಿದು
ಎಲೆ ಮನಸೆ ಅವನೀ ಜಗಕೆ ಹೇಗಾದರೂ ಹುಡುಕಿತಾರೆ
ಹೇಳವಗೆ, ತಾರುಣ್ಯದಲಿದೆ ಕಾಲ, ವಿರಹ ಬುಗ್ಗೆಯಲಿಹೆ ನಾನು
ಕಾರ್ಮೋಡದಾ ನೆರಳು ವಿರಹಿಣಿಗೆ ಕುಟುಕುತಿಹುದು
ಸಾಯುವಂತಹ ಭೀತಿ ಒಳಗೆ, ಭರವಸೆ ಇದೆಯೆ ಮಳೆಗೆ’.

ದಂತಕಥೆಯಂತವಳು, ಯಾರು ನೀನು?
ಗಂಗೆಯಾಗಿ ಮನದ ಮಂಥನದಲ್ಲಿ
ಮಿಂದೇಳುವಾಗ ತಂದಿದ್ದು ಅದೇನು?
ಮಧುಬಟ್ಟಲು!
ಇದನ್ನೇ ಹಿಡಿದು ಹಾಡಿದ್ದೆಯಲ್ಲವೇ
‘ಛೋಟಿ ಬಹು’ರೂಪವಾಗಿ,
‘ಹೋಗದಿರು ಇನಿಯಾ, ಮುಂಗೈ ಕೊಸರಿ
ನಿನ್ನಾಣೆ ಗೆಳೆಯಾ, ನಾನತ್ತು ಬಿಡುವೆ,
ಕನಲಿ ಬಳಲಿದೆ ತಾಳಿ, ವಿರಹಿ ಸಿಂಧೂರ,
ನೀನಿಲ್ಲದೇ ನಾನಿಲ್ಲಿ ಹೇಗಿರಲಿ? ದೊರೆಯೇ…’

ಕೊಸರಿಕೊಂಡೇ ಬಿಟ್ಟ…. ನಿನ್ನ ಚಂದನ್!

ಮತ್ತೆ, ಇನ್ನಾರೋ ಇಲ್ಲಿ ನಿನಗಾಗಿ
ರೋಜಾ ಉಪವಾಸ ಕೈಗೊಂಡಿರುವರಲ್ಲಾ
ಶ್ವೇತ ತಪಸ್ವಿ!
ಸದಿಗಳವರೆಗೆ,…. ಇನ್ನೂವರೆಗೆ!
ಗುಂಗುರು ಗೂದಲುಗಳ
ಇಳಿಬಿಟ್ಟ ಜಟಾಧಾರಿಯೇ,
ನಿಜ ಹೇಳು, ಯಾರು ನೀನು! ಏನು ಗುಟ್ಟು ನೀನು!

ಇದೇ ತಪಸ್ವಿಯ ಗೋಡೆಗೆ ತಗುಲುವ ಸುಖದಲ್ಲಿ
‘ಅಚರೇಕರ್’ ರಿಂದ ಬರೆಯಿಸಿ,
ನೀನೇ ಕೈಯಾರೆ ನೀಡಿದ್ದೆಯಲ್ಲವೇ,
ಇಲ್ಲಿಯೇ ಇವರ ಬಳಿ ಇರಲು ಬಯಸಿ,
ತೈಲಚಿತ್ರದಲಾದರೂ, ಸಂಗದಲ್ಲಿರುವ ಪ್ರೀತಿಯೇ!
ಆ ಮನೆ ತೊರೆದು, ಈ ಮನೆಗೇಕೋ!
ಈ ಮನೆಯಾಕೆ ಮನೆಯಲ್ಲಿಲ್ಲವೆಂದೇ!
ಈ ಮನೆ ಖಾಲಿ ಇದೆಯೆಂದೇ!

‘ಬದುಕುವ ರೀತಿಗಿಂತ ಬದುಕಿನ ದಾರಿ ಮುಖ್ಯ’
ಅನಿಸುವುದಿಲ್ಲವೇ ….ಮೀನಾಕುಮಾರಿ!

‍ಲೇಖಕರು Admin

October 5, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಾತು ಮುಗಿದೇ ಇಲ್ಲ ಇನ್ನು

ಮಾತು ಮುಗಿದೇ ಇಲ್ಲ ಇನ್ನು

ಡೋ‌ರ ಮಾತು ಮುಗಿದೇ ಇಲ್ಲ ಇನ್ನುಮರೆತು ಎದ್ದು ಹೋದೆಯಾ...?ಹರಸಿ ನಡೆದೆ ಬಿಟ್ಟೆಯಾಕಾಣದೂರಿನ ದಾರಿ ಹಿಡಿದುನನ್ನ ಹೀಗೆ ಯಾಕೊ ತೊರೆದುಹುಡಕಲೇಗೆ...

ನೆಲದ ಕರುಳು

ನೆಲದ ಕರುಳು

ಪಿ ಆರ್ ವೆಂಕಟೇಶ್ ದುಃಖದ ಕುಲುಮೆಯಲಿಹಾಡಲಾರದು ಹಕ್ಕಿಬೇಲಿಯಾಚೆಯ ಮಾತು ಮೌನ ಬೆಂಕಿ ಬಂಧನದ ಭಾವಬಿತ್ತಿತಾದರು ಏನು?ಪುಟಿದ ಕನಸುಗಳೆಲ್ಲಕಸದ...

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This