ನಿರುತ್ತರ

ಪ್ರಕಾಶ್ ಬಿ

ಬೊಕ್ಕುತಲೆ, ಹಸಿದ ದೇಹ, ಒಣಗಿದ ಗಂಟಲು,
ಗಂಟು ಗಂಟಾದ ಕೂದಲು ತ್ರಾಣವಿಲ್ಲದ ಶರೀರ,
ಮಳೆ ನಿಂತ ಕಾದ ನೆಲ. ತೆರೆದ ಬಾಯೊಳಗೆ
ಶಬ್ದಗಳು ಇಂಗಿ ಹೋಗಿವೆ.
ಪೊಳ್ಳು ಮಾತುಗಳು  ಕಿವಿಗಳಪ್ಪಳಿಸಿವೆ. 

ಸಾಂತ್ವನ ಬರೀಕಟ್ಟುಕತೆ.
ರಕ್ತ ಬಸಿಯಬೇಕು.

ಮೆಚ್ಚುಗೆ-ರೊಚ್ಚಿಗೆ ಮಂತ್ರ -ಘೋಷ- ಗಂಟೆ ನಾದಗಳು ನಿರ್ಜೀವ.
ಸುಖ ಸಾಗರದಲ್ಲಿ ಈಜುವ ನಿಮಗೆ ಕಣ್ಣುಗಳಿವೆಯೇ? ಮಂಡೆ ಬೋಳಾದರೂ ಹುಟ್ಟು ಬದಲಾಗಲಿಲ್ಲ.
ರಾತ್ರಿಯಲ್ಲಿ ಬೆಳಕು ಕಾಣುವ ಹಂಬಲ. ಹಗಲು ಕತ್ತಲೆಯಾಗಿದೆ ಎಂದರೆ!
ಹಸಿವು ,ದುಃಖ, ನೋವುಗಳು ನಮ್ಮೊಳಗೆ ಖಡ್ಗವಾಗಿವೆ, ಕ್ರಾಂತಿಗೆ. ತಲೆ ಹಿಡಿಯಲಿಲ್ಲ.

ಮೋಸ ವಂಚನೆಯಲ್ಲಿ ಚಿಂದಿ ಚರಂಡಿಯಲ್ಲಿ ಬೆಳೆದರೂ ನಾಚಿಕೆಗೆಟ್ಟ ಸ್ವಾತಂತ್ರ್ಯ, ಸಮಾನತೆ
ಸೋದರತೆಯ ಗೋರಿ ಕಟ್ಟುವ ಭಾಷಣ, ಬದುಕಿರುವಾಗಲೇ ಮರಣ.
ತತ್ತ್ವ -ಸಿದ್ಧಾಂತದ ಹಾಡುಗಳು ಅರಿಯಲಿಲ್ಲ ಕಡಲಷ್ಟು ನೋವಿಗೆ.
ದುಃಖದ ಬೆಂಕಿ ಹೊತ್ತಿಸಿಕೊಂಡು ಸುಟ್ಟುಕೊಳ್ಳುವೆವು.

ಆತ್ಮಕ್ಕೆ ಶಾಂತಿ ಸಿಗಲಿ ಎಂದಲ್ಲ.
ದ್ರೋಹ ಮುಖವಾಡ ಹೊತ್ತ ಹುಡುಕಾಟಕ್ಕೆ.
ಆತ್ಮಕಥೆ, ಅಸ್ತಿತ್ವ ಅವಸಾನವಾಗುವುದಿಲ್ಲ. 
ಇತಿಹಾಸ ಭವಿಷ್ಯ ಹೇಳುತ್ತದೆ.

ನಮ್ಮ ಕಣ್ಣೀರು ರುದ್ರ ಅಲೆಗಳು. ಒಮ್ಮೆ ಹಾರಿ ಬರುತ್ತವೆ. ಕೋಡಿ ಬೀಳುತ್ತವೆ.
ನೀವು ನಾವಾಗುತ್ತೇವೆ! ನಾವು ನೀವಾಗುತ್ತೀರಿ!
ಕಡಲಲ್ಲಿ ತೇಲಿ ಮುಳುಗಿದ ಮೇಲೆ ಪ್ರಶ್ನೆಗಳಿಗೆ ಉತ್ತರಗಳು ಸಿಕ್ಕ ಮೇಲೆ.

‍ಲೇಖಕರು Avadhi

November 27, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವನಿರದ ದಿನಗಳಲ್ಲಿ

ಅವನಿರದ ದಿನಗಳಲ್ಲಿ

ನಂದಿನಿ ಹೆದ್ದುರ್ಗ ಹಾಗೆ ಅಂದುಕೊಂಡಮೊದಲ ದಿನಅದು.ಮಾಮೂಲಿನಂತಿದ್ದೆ ಮೂರನೇ ದಿನಬರೀ ಹುಃಗುಟ್ಟೆಮನಸ್ಸೆಲ್ಲಿದೆ ಎಂದಆರನೇ...

ಸಾಮ್ರಾಜ್ಯಗಳು ಉರುಳಿ ಹೋಗುವುದೆಂದರೆ…

ಸಾಮ್ರಾಜ್ಯಗಳು ಉರುಳಿ ಹೋಗುವುದೆಂದರೆ…

ನೂರುಲ್ಲಾ ತ್ಯಾಮಗೊಂಡ್ಲು ಕೃಷ್ಣದೇವರಾಯನ ದಿಡ್ಡಿ ಬಾಗಿಲ ಮೇಲೆಬಿರುಕಿ ಹೋದ ಗೋಪುರದ ತುದಿಯಂಚಲಿಕಾಗೆಯೊಂದು ಕುಳಿತುಅಕಾಲ ಚರಿತೆಯ ಚರಮಗೀತೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This