ನೀನೆ೦ಬ ಜ್ಯೋತಿಯಲಿ ’ನಾನೆ’೦ಬ ಅಹ೦ಕಾರ…

ಮೇಣದ ಬತ್ತಿ

– ಮ೦ಜುಳಾ ಬಬಲಾದಿ

ನೀನೆಂಬ ಮೇಣದಲಿ

ನಾನೆಂಬ ಬತ್ತಿ

ಜೊತೆಯಾಗಿ ಹಿತವಾಗಿ

ಬೆರೆತಾಯ್ತು ನೂರ್ಕಾಲ

ಬೆಳಗಲಿಲ್ಲ ಇನ್ನೂ ಪ್ರೀತಿ ಹಣತೆ…

ನನ್ನಲ್ಲೂ, ನಿನ್ನಲ್ಲೂ

ನಮ್ಮ ಮೌನಗಳಲ್ಲೂ

ನುಸುಳಲಿಲ್ಲ ಯಾವ ಕುಂದು-ಕೊರತೆ!

ಸುಮ್ಮನೇ ಕಾಯುವುದೂ

ಒಂದು ತೆರನಾದ ತಪಸ್ಸು

ಆರಾಮಾಗಿದ್ದುಬಿಡೋಣ

ಆಗುವವರೆಗೂ ತಮಸ್ಸು..

ಆಮೇಲೆ..

ಅನು-ಕ್ಷಣವೂ ನಾ ಬೆಂದು ಸುಡುತಿರುವಾಗ

ಹನಿ-ಹನಿಯಾಗಿ, ನೀ ಕರಗಿ ಬೆರೆಯಬೇಕು

ನಾ ಕಾಯಬೇಕು, ನೀ ಕರಗಬೇಕು

ಜಗದ ತುಂಬೆಲ್ಲ ಆಗ

ಝಗ-ಮಗ ಬೆಳಕು..!

ನಿನ್ನಲ್ಲಿ ನಾನು,

ನನಗಾಗಿ ನೀನು

ಕರಗಿ ಬೆಳಗುವಾಗ

ಜಗವೆಲ್ಲ ಬೆರಗು..

ನೀ ಕರಗದೇ

ನಾ ಬೆಳಗಲಾರೆ

ನಾ ಬೆಳಗದೇ

ನೀ ಕರಗಲಾರೆ..

ಬಾ

ಜೊತೆ-ಜೊತೆಯಾಗಿ

ಜ್ವಾಲಾಮುಖಿಯಾಗೋಣ

ನಮಿಸುತ್ತ ನಮ್ಮನೊಂದು

ಮಾಡಿದ ಕೈಗಳಿಗೆ

ಸ್ಮರಿಸುತ್ತ ಬೆಳಕ ಕಿಡಿ

ಹೊತ್ತಿಸಿದ ಕೈಗೆ

ಅಡಿಯಿಂದ-ಮುಡಿವರೆಗೆ

ಮೊದಲಿಂದ ಕೊನೆವರೆಗೆ

ನಾವೇ ಅಲ್ಲವೇ

ಸಾರ್ಥಕ ಸಾಂಗತ್ಯದನುಕರಣೆ

ಅಮರ ಪ್ರೇಮದ

ಜ್ವಲಂತ ಉದಾಹರಣೆ…!

]]>

‍ಲೇಖಕರು G

August 18, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಣ್ಣ ಕಾಯಕ ಕಾಯುವುದಷ್ಟೇ…

ಮಣ್ಣ ಕಾಯಕ ಕಾಯುವುದಷ್ಟೇ…

ಸಂತೆಬೆನ್ನೂರು ಫೈಜ್ನಟ್ರಾಜ್ ಎಷ್ಟೇ ಬಿಡಿಸಿದರೂ ಅಲ್ಲೊಂದು ಇಲ್ಲೊಂದು ಮೊಗ್ಗು ಬಳ್ಳಿಯಲೇ ಉಳಿದಂತೆ ಅಗೋ ಉಳಿದಿವೆ ನೋಡು ಆಡದ ಎಷ್ಟೋ...

ಹಣತೆ…

ಹಣತೆ…

ಸರೋಜ ಪ್ರಶಾಂತಸ್ವಾಮಿ ಹಚ್ಚುವ ಹಣತೆಯದು ಕಿಚ್ಚಿಗಲ್ಲಮೆಚ್ಚುಗೆಗೂ ಅಲ್ಲ...ಕದಲಿದ ಮನಗಳ ಬೆಳಕಲಿಒಂದುಗೂಡಿಸಿರೆಲ್ಲ... ತೈಲವ ಕುಡಿದು,ಬತ್ತಿಯ...

ಉಂಡು ಮರೆತ ಒಡಲ ಕನಸು

ಉಂಡು ಮರೆತ ಒಡಲ ಕನಸು

ಪ್ರೊ. ಚಂದ್ರಶೇಖರ ಹೆಗಡೆ ಪಲವಿನ್ನೂ ಹಸಿ ಹಸಿಯಾಗಿದೆಬನ್ನಿ ಗಿರಾಕಿಗಳೇ ಮುಖವಿಟ್ಟು ಆಸ್ವಾದಿಸಿಬಿಡಿ ಖಾಲಿಯಾಗಿರುವ ಎದೆಯ...

7 ಪ್ರತಿಕ್ರಿಯೆಗಳು

  1. D.RAVI VARMA

    ಬಾ
    ಜೊತೆ-ಜೊತೆಯಾಗಿ
    ಜ್ವಾಲಾಮುಖಿಯಾಗೋಣ
    ನಮಿಸುತ್ತ ನಮ್ಮನೊಂದು
    ಮಾಡಿದ ಕೈಗಳಿಗೆ
    ಸ್ಮರಿಸುತ್ತ ಬೆಳಕ ಕಿಡಿ
    ಹೊತ್ತಿಸಿದ ಕೈಗೆ
    ಈ ಸಾಳುಗಲ್ಲಿನ ಭಾವನೆಗಳು ಮನಮುಟ್ಟಿ ,ಮನತಟ್ಟಿ. ಹೊಸ ಥ್ರಿಲ್ ನೀಡುವಂತಿವೆ

    ಪ್ರತಿಕ್ರಿಯೆ
  2. Mahantesh

    ಆಗುವವರೆಗೂ ತಮಸ್ಸು.. it should be i think neeguvavaregu tamassu. tamassu means darkness. else all words showered from heven to the heart

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: