ನೆನಪಿನ ಹೂಜಿ ಜಾರಿ ಬೀಳಲಿ…

ಸದಾಶಿವ್ ಸೊರಟೂರು

ಪ್ರತಿ ಕನಸಿನಲ್ಲೂ ಮೂಡುವ
ಚಿತ್ರಗಳ ಮೂಲೆಯಲ್ಲಿ
ಢಾಳಾಗಿ ಕಾಣುವ
ವೃತ್ತಾಕಾರದ ಸೀಲು
ನಿನ್ನದಾ?

ನಿನ್ನದೇ ಇರಬೇಕು
ಯಾರ-ಯಾರದೊ ಕನಸಿನಲ್ಲಿ
ನೀನು ನಡೆಯುವವಳಲ್ಲ
ವಿಳಾಸವಿಲ್ಲದ ಕನಸುಗಳಿಗೆ
ನುಗ್ಗುವುದಾದರೂ ಹೇಗೆ?

ಶೋಕೇಸಿನಲ್ಲಿ
‘ಕಣ್ಣೀರ ಹನಿ’ ಮೋಡ್
-ನಲ್ಲಿರುವ ಹೂಜಿಯಲ್ಲಿ
ತುಂಬಿರುವ ನೆನಪಿಗೂ
ಕನಸಿನೊಳಗಿನ ಚಿಹ್ನೆಗೂ
ಬಾರಿ ಹೋಲಿಕೆ ಕಂಡಿದೆ

ಹೇಳು ಅದೇ ಹೂಜಿ ಬಟ್ಟಲಲ್ಲಿ
ತಾನೇ
ನಾವಿಬ್ಬರು ಮಧು ಕುಡಿದಿದ್ದು
ಸಾಕು ಸಾಕು ಅಂದರು
‘ಸಾಕಿ’ಯು ಸುರಿಯುತ್ತಲೇ
ಇದ್ದಳು ಅಲ್ಲವಾ?

ಎಲ್ಲಾ ನೆನಪುಗಳನ್ನು ಗುಡ್ಡೆ
ಹಾಕಿ ‘ಫೈರ್ ಕ್ಯಾಂಪ್’ ಮಾಡಿದಾಗ
ಆ ಹೂಜಿಯೊಂದು ಉಳಿದು
ಹೋಗಿದೆ ನೋಡು,‌
ಪದೇ ಪದೇ ನನ್ನ ಸೋಲನ್ನು
ನೆನಪಿಸುತ್ತಾ..

ಅದು ಜಾರಿ ಬೀಳಲಿ ಅಂತ
ಸದಾ ಆಶಿಸುತ್ತೇನೆ
ಆದರೂ
ಮತ್ತೆ ಮತ್ತೆ ಒರೆಸಿ
ಶೋಕೆಶಿನಲ್ಲಿಡುತ್ತೇನೆ

ಶಾಲಾ ದಾಖಲಾತಿಯಲ್ಲಿರುವಂತೆ
ಇನ್ಶಿಯಲ್ ಸಮೇತ ಇರುವ
ನಿನ್ನ ಮದುವೆ ಕಾರ್ಡನ್ನು
ಶೋಕೆಶಿನಲ್ಲಿಡುವಾಗ
ಹೂಜಿ ಬಿದ್ದಿದ್ದು ಎಂತಹ ಕಾಕತಾಳೀಯ!

ಬಿದ್ದ ಚೂರುಗಳನ್ನೆಲ್ಲಾ
ಆಸೆ ಬುರುಕನಂತೆ ಬಾಚಿಕೊಳ್ಳುವಾಗ
ನೆನಪುಗಳು ಕೈಗೆ ಚುಚ್ಚಿ
ಕೈತುಂಬಾ, ನೆಲದ ತುಂಬಾ ರಕ್ತ

ನೀನು ಅವತ್ತು ಕೊಟ್ಟ
ಮುತ್ತಿನಂತೆಯೇ ಈಗ
ಕೈ ತುಂಬಾ ಕೆಂಪು ಬಣ್ಣದ ರಂಗು
ಮತ್ತು ಅದನ್ನು ತೊಳೆಯಲು
ಪ್ರಯತ್ನಿಸುತ್ತಿದ್ದ ಬಿಸಿ ಕಣ್ಣೀರು!

‍ಲೇಖಕರು Avadhi

February 23, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This