ಪಟದ ಪಾಡು

ಡಾ ಪಿ ಬಿ ಪ್ರಸನ್ನ

ಮೊನ್ನೆ

ಎಲ್ಲರಂತೆ ನನಗೂ

ಪಟ ಹೊಡೆಸಿಕೊಳ್ಳುವ ಉಮೇದು

ಬಂದದ್ದೇ ನಡೆದೆ

ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ

ಪಟ ತೆಗೆಯಬೇಕು ನನ್ನದು

ಹೀಗೆ ಇರುವಂತೆ ಅಲ್ಲ

ಸರ್ವಾಂಗ ಸುಂದರ

ರತಿಯರ ಕೆರಳಿಸುವಂಥ

ತಿರು ತಿರುಗಿ ನೋಡಬಯಸುವಂಥ

ಅವನೊಮ್ಮೆ ನಕ್ಕ ನೋಡಿದ

ಆಮೇಲೆ ನುಡಿದ

ಅಲ್ಲಿವೆ ಪೌಡರು ಅತ್ತರು ಬಾ

ಚಣಿಗೆ ಒಂದಿಷ್ಟು ಎಣ್ಣೆ

ಬಳಿದು ಕೊಳ್ಳಿ ಮೇಲೊಂದಿಷ್ಟು

ಎಲ್ಲ ಕೊಳೆಯೂ ಮರೆ ಮಾಚುವಂತೆ

 ಅರೆ ಕೊರೆ ಕಾಣದಂತೆ

ಬಳಿದುಕೊಂಡಾದ ಬಳಕೆ

ಪೋಷಾಕು ತೊಡಿಸಿ

ನೀವೀಗ ಸೇನಾಪತಿ ಅಲ್ಲ

ಮಂತ್ರಿ ಊಹೂಂ  ರಾಜಾಧಿರಾಜ

ಎಂದೆಲ್ಲ ಹೊಗಳಿ

ಸಿಂಹಾಸನವ ಏರಿಸಿದ

ಒಂದೊಂದು ಭಂಗಿಗೂ ಅವನದೇ ನಿರ್ದೇಶನ

 ಅಡಿಗಡಿಗೆ ಸೂಚನೆಗಳ ಕೊಟ್ಟವ

ಕೊನೆಗೊಮ್ಮೆ ರೋಸಿ ನುಡಿದ

ನೀವೇಕೆ ಈ ವೇಷಕ್ಕೆ ತಕ್ಕಂತೆ ಇಲ್ಲ?

ಎಲ್ಲ ಬಳಿದುಕೊಂಡರೂ ಕೊಳೆಯೇ ಎದ್ದುಕಾಣುವುದಲ್ಲ?

ಕತ್ತೇಕೆ ನಿಮ್ಮ ಭುಜದ ಮೇಲಿಲ್ಲ?

ನಿಮ್ಮ ನಗುವೊಮ್ಮೆ ರಕ್ಕಸನಂತೆ

ಮಗದೊಮ್ಮೆ ಪಿಶಾಚಿಯಂತೆ

ಬಾಯಿ ತೆರೆದರೆ ಎಲ್ಲ ಹುಳುಕೂ ಕಾಣುವುದಲ್ಲ?

ಹೇಗಾದರೂ ಇರಲಯ್ಯ

ಒಮ್ಮೆ ತೆಗೆಯಯ್ಯ

ನಾನಾಗಬೇಕು ಮದನ

ಎಸೆಯಬೇಕು ಹೂ ಬಾಣ

ಎಂದಾಗ

ಕಣ್ಣು ಕೋರೈಸುವ

ದೀಪಗಳ ನಡುವೆ ಪಟಪಟನೆ ತೆಗೆದವನೇ

ಪ್ರಿಂಟುಹಾಕಿಸಿ ಕೊಟ್ಟ

ಖುಷಿಯಿಂದ ನೋಡಿದರೆ

ಒಂದರಲಿ ರುಂಡವಿಲ್ಲ

ಮತ್ತೊಂದರಲಿ ಅಷ್ಟಾವಕ್ರ ಸಂತಾನ

ದೊರೆಯ ಪೋಷಾಕಿನಲಿ ವಿದೂಷಕ!

ಕಣ್ಣು ಕೆಂಪಾಗಿಸಿ ದನಿಎತ್ತರಿಸಿ

ಇದು ಸರಿಯಲ್ಲ ಎಂದೆ

ತಣ್ಣಗಿನ ದನಿಯಲ್ಲಿ ಅವನೆಂದ

ನೀವು ಇರುವುದೇ ಹೀಗೆ

ನಾನಾದರೂ ಸರಿ ಪಟವ ಕ್ಲಿಕ್ಕಿಸಲಿ ಹೇಗೆ?

ಕೆರಳಿ ಎಲ್ಲ ಪಟಗಳ ಚೂರು

ಚೂರಾಗಿಸಿದರೆ

ಅರೆ!

ಒಂದೊಂದು ಚೂರಿಗೂ ಒಂದೊಂದು ಮುಖ!

‍ಲೇಖಕರು Avadhi

October 19, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಗಳು ಪೃಥೆ

ಮಗಳು ಪೃಥೆ

ಸುನೀತಾ ಬೆಟ್ಕೇರೂರ್ ಇವಳು ನಮ್ಮ ಮಗಳು,ಪೃಥೆ.ಕಂಕುಳಲ್ಲಿದ್ದಳು,ನೆಲಕಿಳಿದಳುಬೆರಳನ್ಹಿಡಿದು ಹೆಜ್ಜೆಯಿಟ್ಟಳುಈಗೋ------ ಈಗೋಅನ್ನುವಲ್ಲಿ...

ಕುರ್ಚಿ

ಕುರ್ಚಿ

ಮುರುಳಿ ಹತ್ವಾರ ತಣ್ಣಗೆ ಕುಳಿತಿತ್ತು ಆ ನಾಲ್ಕು ಕಾಲಿನ ಕುರ್ಚಿ:ಏಸಿ ರೂಮಿನೊಳಗೆ, ಮಾರ್ಬಲ್ಲು ಹಾಸಿನ ಮೇಲೆ.  ಒಂದಿಷ್ಟೂ ಬಿಸಿಯಾಗಲಿಲ್ಲ...

ಮಾತು ಮುಗಿದೇ ಇಲ್ಲ ಇನ್ನು

ಮಾತು ಮುಗಿದೇ ಇಲ್ಲ ಇನ್ನು

ಡೋ‌ರ ಮಾತು ಮುಗಿದೇ ಇಲ್ಲ ಇನ್ನುಮರೆತು ಎದ್ದು ಹೋದೆಯಾ...?ಹರಸಿ ನಡೆದೆ ಬಿಟ್ಟೆಯಾಕಾಣದೂರಿನ ದಾರಿ ಹಿಡಿದುನನ್ನ ಹೀಗೆ ಯಾಕೊ ತೊರೆದುಹುಡಕಲೇಗೆ...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: