ಪುಸ್ತಕಗಳಿಗೊಂದು “ಬಿಬಿಸಿ” ಬಂದಿದೆ…

kb1.jpgಪುಸ್ತಕಗಳನ್ನು ಓದುವವರು ಕಡಿಮೆಯಾಗುತ್ತಿದ್ದಾರೆ ಎಂಬುದು ಮತ್ತೆ ಮತ್ತೆ ಕೇಳಿಬರುತ್ತಲೇ ಇರುವ ತಕರಾರು. ಆದರೆ, ಪುಸ್ತಕಗಳನ್ನು ಓದಿಸುವ ಹಂಬಲದ ಪ್ರಯತ್ನಗಳು ಮಾತ್ರ ಆಗೀಗ ನಡೆಯುತ್ತಲೇ ಇರುತ್ತವೆ. ಅಂಥದೇ ಒಂದು ಪ್ರಯತ್ನ, ಆದರೆ ವಿಭಿನ್ನ ಪ್ರಯತ್ನವನ್ನು ಲೇಖಕ ಕೃಷ್ಣಮೂರ್ತಿ ಬಿಳಿಗೆರೆ ಮಾಡಹೊರಟಿದ್ದಾರೆ. ಅದು, “ಬಿಳಿಗೆರೆ ಬುಕ್ ಚಾನಲ್” ಎಂಬ ಹೆಸರಿನಲ್ಲಿದೆ (ಶಾರ್ಟಾಗಿ, ಸ್ವೀಟಾಗಿ ಅದನ್ನು “ಬಿಬಿಸಿ” ಎನ್ನಬಹುದಲ್ಲ?). ಮುಖ್ಯವಾಗಿ ಇಅವತ್ತಿನ ವಿದ್ಯಾರ್ಥಿಗಳನ್ನು ಸಾಹಿತ್ಯ, ಸಂಸ್ಕೃತಿಯ ಓದಿಗೆ ಹಚ್ಚುವ ಆಸೆಯಿಂದ ಅವರು ಈ ಚಾನಲ್ ತೆರೆದಿದ್ದಾರೆ. “ಲೋಕಲ್ಲೇ ಗ್ಲೋಬಲ್ಲು, ಇದು ಪುಸ್ತಕ ತೋರುವ ಚಾನಲ್ಲು” ಎಂಬುದು ಅವರ ಈ ಚಾನಲ್ಲಿನ ಘೋಷವಾಕ್ಯ. ಅವರ ಕನಸಿನ ಬಗ್ಗೆ ಅವರಿಂದಲೇ ಇನ್ನಷ್ಟು ಕೇಳಿ.

* * *

ರಣು,

ನಾನು ಕೃಷ್ಣಮೂರ್ತಿ ಬಿಳಿಗೆರೆ, ಬಿಳಿಗೆರೆ ಚಾನಲ್ ನ ನೆಪಮಾತ್ರ ಚಾಲಕ, ಅಧ್ಯಾಪಕ, ಹಾಡುಗಾರ, ಸಾವಯವ ಕೃಷಿ ಮತ್ತು ಮಳೆನೀರ ಚಳವಳಿಯ ಕಾರ್ಯಕರ್ತ. “ನಾನು ಲೇಖಕ, ಇದು ನನ್ನ ಪುಸ್ತಕ” ಎನ್ನುವಾಗ ಅಹಂಕಾರವಿಲ್ಲದಿದ್ದರೆ ಓದುಗರ ಬಳಿಗೆ ಪುಸ್ತಕ ಕೊಂಡೊಯ್ಯುವುದು ಕಷ್ಟವಲ್ಲ ಎಂದು ನಂಬಿದವನು. ಇಷ್ಟಕ್ಕೂ ಕವಿ, ಶಿಲ್ಪಿ, ಕೃಷಿಕ, ತತ್ವಜ್ಞಾನಿ ಮುಂತಾದವರೆಲ್ಲ ಈ ಲೋಕಾನುಭವವನ್ನು ತಮ್ಮ ಶಕ್ತ್ಯಾನುಸಾರ ಕಟ್ಟಿಕೊಡುವವರಷ್ಟೆ. ಶಿವರಾಮ ಕಾರಂತ, ಜಿ.ಪಿ.ರಾಜರತ್ನಂ, ಗಳಗನಾಥ ಮುಂತಾದ ಪುಸ್ತಕ ಹೆತ್ತು ಹೊತ್ತವರು ಈ ಬಿಳಿಗೆರೆ ಚಾನಲ್ ಗೆ ಸ್ಫೂರ್ತಿ. ಕಣ್ಣಿಗೆ ಕಾಣದಿದ್ದರೆ ಚಿನ್ನದ ತುಣುಕು ಮಣ್ಣು ಪಾಲೇ, ಆದ್ದರಿಂದ ಪುಸ್ತಕಗಳನ್ನು ಕಾಣುವಂತೆ ಮಾಡುವುದು ಈ ಚಾನಲ್ ನ ಗುರಿ. ಇಷ್ಟವಾದರೆ, ಕೊಳ್ಳುವುದು ನಿಮ್ಮ ಪುಸ್ತಕ ಪ್ರೀತಿಗೆ ಸಂಬಂಧಿಸಿದ ವಿಚಾರ. ಕೃಷಿಕರು ಮಣ್ಣನ್ನು ಅನ್ನ ಮಾಡುವಂತೆ ಲೇಖಕರು ಅಕ್ಷರಗಳನ್ನು ಕಾಲದ ಜೊತೆ ಬೆರೆಸಿ ಅನುಭವವಾಗಿಸುತ್ತಾರೆ. ಅನ್ನ ದೇಹದೊಳಗೂ ಅಕ್ಷರ ಮನಸ್ಸಿನೊಳಗು ಬೆಳಕು ಹತ್ತಿಸಬಲ್ಲವು. ಪುಸ್ತಕ ಕೇವಲ ಜ್ಞಾನ ಮಾರ್ಗವಲ್ಲ, ಅದು ಧ್ಯಾನ ಮಾರ್ಗ.

ಓದುವ ಪ್ರೀತಿ ಬರೆಯುವ ಶಕ್ತಿಗಿಂತ ದೊಡ್ಡದು. ಏಕೆಂದರೆ, ಬರೆಯುವ ಶಕ್ತಿಗೆ ಮಿತಿ ಇದೆ. ಓದುವ ಪ್ರೀತಿಗೆ ಎಲ್ಲೆಯೇ ಇಲ್ಲ. ಅದೊಂದು ನಿರಂತರ ಹುಡುಕಾಟ. ಓದಿನ ದಾಹ ಇರುವವರಿಗೆ ಬಾಯಾರಿಕೆ ಇಲ್ಲ, ಕಾಲನದಿಯ ನೀರು ಇಂಥವರಿಗೆ ಸಾಕಾಗುವುದೇ ಇಲ್ಲ.

ಬಿಳಿಗೆರೆ ಚಾನೆಲ್ ಇದು ಒಳಿತು ಹಂಚುವ ಚಾನಲ್, ಮಾನ್ಯ ಓದುಗರೇ, ಕರೆದರೆ ಓ ಎನ್ನುವೆ, ನೀವು ಕೇಳಿದರೆ ಒಂದು ಕವಿತೆ ಓದಬಲ್ಲೆ, ಸೊಲ್ಲೆತ್ತಿ ಹಾಡಬಲ್ಲೆ.

* * *

ಸಂಪರ್ಕಕ್ಕಾಗಿ:
ಕೃಷ್ಣಮೂರ್ತಿ ಬಿಳಿಗೆರೆ, ತಿಪಟೂರು ತಾಲೂಕು, ತುಮಕೂರು ಜಿಲ್ಲೆ. ಮೊಬೈಲ್: 9480262971
ಇಮೈಲ್ ವಿಳಾಸ: [email protected]

‍ಲೇಖಕರು avadhi

December 24, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಫಾರುಕ್ ಮತ್ತೆ ಸಿಕ್ಕಿದ

ಫಾರುಕ್ ಮತ್ತೆ ಸಿಕ್ಕಿದ

ಗಜಾನನ ಮಹಾಲೆ ಸ್ನೇಹವೆಂಬ ವಿಸ್ಮಯ ಸ್ನೇಹ ವ್ಯಕ್ತಿಗಳಿಬ್ಬರ ನಡುವೆ ಹೇಗೆ ಪ್ರಾರಂಭವಾಗುತ್ತದೆ ಎಂಬ ಬಗ್ಗೆ ಒಮ್ಮೊಮ್ಮೆ ಆಲೋಚಿಸಿದರೆ...

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಮುಂಬಯಿಯ ಕನ್ನಡ ಸಾಹಿತ್ಯ ಲೋಕ

ಡಾ. ಬಿ. ಜನಾರ್ಧನ್‌ ಭಟ್  ಮುಂಬಯಿಯ ಕನ್ನಡ ಸಾಹಿತ್ಯ ಲೋಕದ ಜತೆಗೆ ನನಗೆ ನಿಕಟ ಬಾಂಧವ್ಯ ಇರುವುದರಿಂದ ಅದರ ವೈಶಿಷ್ಟ್ಯವನ್ನು ಗ್ರಹಿಸಿ...

2 ಪ್ರತಿಕ್ರಿಯೆಗಳು

  1. Malathi S

    The yahoo mail of K. Biligere bounced back. Needed to know more abt this Book channel
    Thanks
    Malathi S

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: