ಬಂದೇ ಬರುತಾವ ಕಾಲ….

img_4553.jpg

ಬೆಂಗಳೂರಿನಲ್ಲಿ ಕ್ರಾಸ್ ವರ್ಡ್ ಪುಸ್ತಕ ಮಳಿಗೆ ಬಾಗಿಲು ತೆರೆದು ಕೂತಾಗ ಎಲ್ಲೆಡೆ ಒಂದೇ ಸುದ್ದಿ. ಅಲ್ಲಿ ಎಷ್ಟು ಹೊತ್ತು ಬೇಕಾದರೂ ಓದುತ್ತಾ ಕೂರಬಹುದಂತೆ. ಕೊಂಡು ಕೊಳ್ಳಲೇಬೇಕು ಎನ್ನುವ ರೂಲ್ಸ್ ಏನೂ ಇಲ್ಲವಂತೆ. ಬೆಳಗ್ಗೆಯಿಂದ ಸಂಜೆವರೆಗೂ ಓದಿದರೂ ಯಾರೂ ಕೇಳುವುದಿಲ್ಲವಂತೆ. ಅದಕ್ಕಾಗಿ ಸೋಫಾ ಬೇರೆ ಹಾಕಿದ್ದಾರಂತೆ….

….ಹೌದಾ ಎಂದು ಕಣ್ಣು ಬಾಯಿ ಬಿಟ್ಟು ಕೇಳುವ ಹಾಗಾಗಿತ್ತು. ಕ್ರಮೇಣ ಬೆಂಗಳೂರು ಮಳಿಗೆಗಳು ಹೀಗೆ ಎಷ್ಟು ಬೇಕಾದರೂ ಓದಿಕೊಂಡು ಹೋಗಲಿ ಎಂಬುದಕ್ಕೆ ಹೊಂದುಕೊಂಡುಬಿಟ್ಟಿತು. ಸದಾ ಇಕ್ಕಟ್ಟಾದ, ದೂಳು ತುಂಬಿದ, ಸ್ವಲ್ಪ ಹೊತ್ತಿಗೆ ಸುಸ್ತು ಮಾಡುತ್ತಿದ ಮಳಿಗೆಗಳೇ ತಲೆಯಲ್ಲಿದ್ದಾಗ ಈ ಹೊಸ ಗಾಳಿ ನಿಜಕ್ಕೂ ಸಂತೋಷ ಕೊಟ್ಟಿತ್ತು.

 ಒಂದು ಕಾಲ ಬರುತ್ತೇನೋ ಮಳಿಗೆಯಲ್ಲೇ ಆರಾಮವಾಗಿ ಮಲಗಿಕೊಂಡು ಓದುವ ಕಾಲ ಎಂದು ಕೊಳ್ಳುತ್ತಿದೆ. ಇತ್ತೀಚೆಗೆ ನ್ಯೂಯಾರ್ಕ್ ಗೆ ಹೋಗಬೇಕಾಗಿ ಬಂತು. ಅಲ್ಲಿನ ಪುಸ್ತಕ ಮಳಿಗೆ ಹುಡುಕಿ ಕೊಂಡು ಹೋದೆ. ಅರ್ಥರ್ ಸಿ ಕ್ಲಾರ್ಕ್ ಬರೆದ ಊಹೆಯ ವೈಜ್ನಾನಿಕ ಕಥೆಗಳು ಮುಂದೆ ಒಂದು ದಿನ ಹೇಗೆ ನಿಜವಾಗಿಬಿಟ್ಟವೋ ಹಾಗೆ ನಾನು ಅಂದು ಕೊಂಡದ್ದೂ ನನ್ನ ಕಣ್ಣೆದುರೇ ನಿಜವಾಗಿ ಹೋಗಿತ್ತು.

ಎಲ್ಲೆಲ್ಲಾ ಪುಸ್ತಕ ಮಳಿಗೆಗಳಿಗೆ ಭೇಟಿ ಕೊಟ್ಟೆ ಅಲ್ಲೆಲ್ಲಾ ಇದು ಸಾಮಾನ್ಯ ದೃಶ್ಯ. ನಿಮಗೆ ಬೇಕಾದರೆ, ಬೇಕೆಂದೆಡೆ ಆರಾಮವಾಗಿ ಮಲಗಿ ಓದುವುದು. ಸದಾ ಮಲಗಿ ಪುಸ್ತಕ ಓದುವ ನನಗೆ ಇದಕ್ಕಿಂತ ಸ್ವರ್ಗ ಸುಖ ಯಾವುದು?

ಬೆಂಗಳೂರಲ್ಲಿ ಈ ಕನಸು ಯಾವಾಗ ನನಸಾಗುತ್ತದೋ ಕಾದು ನೋಡುತ್ತಿದ್ದೇನೆ. ಅದಕ್ಕೂ ಮುಂಚೆ ಕ್ರಾಸ್ ವರ್ಡ್, ರಿಲಯನ್ಸ್ ನಂತಹ ಹೆಚ್ಚು ಇಂಗ್ಲಿಷ್ ಪುಸ್ತಕ, ಕೊಸರಿಗೆರಡು ಕನ್ನಡ ಪುಸ್ತಕ ಮಾರುವ ಮಳಿಗೆಗಳನ್ನು ಬಿಟ್ಟು ಕನ್ನಡ ಪುಸ್ತಕ ಮಾರುವ ಅಂಕಿತಾ, ನವಕರ್ನಾಟಕ, ಸಪ್ನಾ, ಐ ಬಿ ಎಚ್ ಗಳಲ್ಲೂ ಆರಾಮವಾಗಿ ಕುಳಿತು ಓದುವ ಕಾಲ ಬರುವಂತಾದರೆ? ಅದು ಬರುವಂತಾಗುವಷ್ಟು ಪುಸ್ತಕಗಳನ್ನು ಎಲ್ಲರೂ ಕೊಳ್ಳುವಂತಾದರೆ…? ಆದರೆ….?
-ಬೆಂಗಳೂರ್ಕರ್
 

‍ಲೇಖಕರು avadhi

January 29, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಾಲತೇಶ ಅಂಗೂರರ ‘ಹಾವೇರಿಯಾಂವ್’

ಮಾಲತೇಶ ಅಂಗೂರರ ‘ಹಾವೇರಿಯಾಂವ್’

ಸತೀಶ ಕುಲಕರ್ಣಿ ಹಾವೇರಿ ನೆಲದ ಮಾತುಗಳಿಗೊಂದು ವಿಚಿತ್ರ ರುಚಿ ಇದೆ. ಸಿಟ್ಟು ಸೆಡವು, ಗಡಸು ಗಿಚ್ಚಿ ಹೊಡೆಯುವ ಮೊನಚು ಇವುಗಳದ್ದು. ವ್ಯಂಗ್ಯ...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: