ಬಯಲ ಬೆಟ್ಟದ ದೀಪ..

ಭವ್ಯ ಕಬ್ಬಳಿ

ಬಯಲ ಬೆಟ್ಟದ ಮೇಲಿನ
ಗುಡಿಯ ಮುಂದೊಂದು
ಸದಾ ಬೆಳಗುತ್ತಿರುತ್ತದೆ ಒಂಟಿ ದೀಪ,
ಮಾತಿಗಿಳಿಯುತ್ತದೆ ನಲಿವೆಂದರೆ
ಹಗಲ ಸೂರ್ಯನೊಂದಿಗೆ,
ನೋವುಂಡರೆ ಹಾಡು ಕಟ್ಟುತ್ತದೆ
ರಾತ್ರಿ ಚಂದ್ರನೊಂದಿಗೆ.

ತನ್ನ ಹಾಡ ಮತ್ತೆ ಮತ್ತೆ ನೆನೆದು
ತಲೆದೂಗುತ್ತದೆ ತಾನೇ ಗುನುಗಿ,
ತನ್ನ ಪಾಡ ತಾನೇ ಉಂಡು
ಬೆಳಕ ಸಾರುತ್ತದೆ
ದಕ್ಕಿದಷ್ಟು ದೂರಕಿಣುಕಿ.

ಗುಡಿಯ ದೇವರು ತೂಕಡಿಸುವಾಗ
ನಲುಗುತ್ತದೆ ಸಣ್ಣಗೆ,
ಮುಂದೊಂದು ದಿನ
ಸಣ್ಣದೊಂದು ಉಸಿರು ತಾಕಿ
ನಕ್ಷತ್ರದ ಬಿಂಬವಾಗುತ್ತದೆ
ಯಾರಿಗೂ ಹೇಳದೆ

ಉರಿವ ದೀಪ ಉಳಿಸಿಕೊಂಡ
ಕತ್ತಲೆಯ ಬದುಕು
ಕಾಣುವುದಿಲ್ಲ ಯಾರಿಗೂ,
ದಾರಿ ಪೂರ ದಾರಿಯಾದ
ನಕ್ಷತ್ರದ ಜಾಡು
ಕಾಡುವುದಿಲ್ಲ ಯಾರನ್ನೂ

ಕಾಣುವ ಪುರಾವೆಗಳಿಲ್ಲ
ದೀಪ ಹರಡುವ ಬೆಳಕಿನ
ಬಗೆಗೆ ಮಾತನಾಡಲು,
ಗುಡಿಯಲ್ಲಿನ ಮಾತನಾಡದ
ದೇವರನು ಬಿಟ್ಟು
ಬೇರಾವ ಸಾಕ್ಷಿಯೂ ಇಲ್ಲ
ಎಷ್ಟೋ ಬೊಗಸೆಗಳನು
ಬೆಚ್ಚಗಿಟ್ಟ ಲೆಕ್ಕ ಕೊಡಲು

‍ಲೇಖಕರು Avadhi

February 15, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ ಹೊಸ ಕವಿತೆ- ಸಾವಯವ

ಎಚ್ ಆರ್ ರಮೇಶ  ಸಂಜೆ ಅಣಿಯಾಗುತ್ತಿದೆ ಪ್ರಜ್ಞಾಹೀನವಾಗಲು, ಸೂರ್ಯ  ಸಾಯುತ್ತಿರುವುದನ್ನು ಸಾಯುತ್ತಿರುವ ಎಲ್ಲವೂ ನೋಡುತ್ತಿವೆ;...

ನಾ ಎಂದೂ ದ್ವೇಷಿಸದ ಅವಳು..

ನಾ ಎಂದೂ ದ್ವೇಷಿಸದ ಅವಳು..

ಇಮ್ತಿಯಾಜ್ ಶಿರಸಂಗಿ  ಅವಳಸಾಗರದಂತಹವಿಶಾಲ ಹೃದಯದಲ್ಲಿನನ್ನ ಮೇಲಿನ ಕೋಪವೆಂಬ ವಾಯುಭಾರ ಕುಸಿತವಾದದಿನ, ನನ್ನ ಬಾಳ ಸುಡುಬಿಸಿಲ...

ಭೂತಕಾಲದ ಗುಳಿಕೆನ್ನೆ

ಭೂತಕಾಲದ ಗುಳಿಕೆನ್ನೆ

ರಾಘವೇಂದ್ರ ದೇಶಪಾಂಡೆ ಹುಡುಕುವೆ ನನ್ನನು ಅವರಿವರಲ್ಲಿಸಿಗಬಹುದು ಹೂವಿನ ಗುಚ್ಛಬರುವದೋ...! ನೆನಪುಉಕ್ಕಿ ಹರಿಯುವದು ಸಾಗರ ಅಕ್ಷಿಯಂಗಳದಲಿ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This