ಬಲು ಸುಲಭದ ಕಾಲವಿದು

ರೇಣುಕಾ ಕೋಡಗುಂಟಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಹೊತ್ತಿಗೆಗಳನೆಲ್ಲ
ಗೆದ್ದಲು ಮೆಯ್ಯಲು ಬಿಟ್ಟು
ಫ್ರೀಯಾಗಿ ಸಿಗುವ
ವೈ ಫೈ ನ ಜಾಲವ ಹಿಡಿದು
ಹುತ್ತದೊಳಗೆ ಕೈಯನು ಹಾಕಿ
ಬೆರಳ ಸವೆಸುತ್ತಾ
ಕುಳಿತುಬಿಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಮಂದಿರ ಮಸೀದಿಗಳು
ಎದುರುಬದುರಾದಲ್ಲಿ
ಮಚ್ಚು ಮಸೆದು
ಮತ್ತಿನ ಅಮಲಿನಲ್ಲಿ
ನೆತ್ತರದ ಸುಖವುಂಡು
ಕೆಂಪು ತಿಲಕವಿಟ್ಟುಬಿಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಅಮಾಯಕರ ಮೇಲೆ
ಹಲ್ಲೆಯಾಗಲಿ, ಲೂಟಿಯಾಗಲಿ
ಅತ್ಯಾಚಾರವೇ ಆಗಲಿ
ಸರದಿ ಸಾಲಿನಲ್ಲಿ ನಿಂತು
ನೆರಳು ಸರದಾಡದಂತೆ
ಇದ್ದುಬಿಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಹಗಲು ದರೋಡೆಕೋರರ
ಆಗರದಲ್ಲಿ ಹೆಗ್ಗಣಗಳು
ಸತ್ತು ನಾರುತ್ತಿದ್ದರೂ ಸರಿ
ಸ್ವಚ್ಛತೆಯ ಹೆಸರಿನಲ್ಲಿ
ಬಚ್ಚಲ ನೀರ ಹರಿಸಿದವರಿಗೆ
ಬಯಲಲ್ಲಿ ಶೌಚಕ್ಕೆ ಕುಳಿತವರಿಗೆ
ಮಣ್ಣಿನ ತೊಟ್ಟಿಲ ಕಟ್ಟಿಬಿಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಬತ್ತಿದ ನೆಲದಲ್ಲಿ
ಬಿತ್ತಿ ಬೆಳೆವವರು
ಬಸಿರ ಹೊರೆಯಲಾಗದೆ
ಅಸುನೀಗಿದರೂ ಸರಿ
ಶೋರೂಮಿನ ಶೂಗಳ
ತೆರಿಗೆ ತಗ್ಗಲು
ದಾಂದಲೆ ಮಾಡಿ ದಳ್ಳುರಿ ಹೂಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

ಪವಿತ್ರವಾದ ಹಸುವಿನ ಸಗಣಿಯನ್ನು
ಶಿರದಲ್ಲಿ ಧರಿಸಿಕೊಂಡು ಭಾಷಣ ಬಿಗಿದು
ಬರುವ ನಾಳೆಗಳಿಗೆ ಹೆಣದ ಮೇಲಿನ
ಬಟ್ಟೆಯ ತೊಡಿಸಿ
ನೀಗದ ದಾಹಕ್ಕೆ ದೇಶವನ್ನೆ ಮಾರಿಬಿಡಿ

ದೇಶ ಭಕ್ತರಾಗಲು
ಬಲು ಸುಲಭದ ಕಾಲವಿದು

‍ಲೇಖಕರು Avadhi

January 1, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ನೀನೆಂದರೆ ನೀ ಅಷ್ಟೇ

ನೀನೆಂದರೆ ನೀ ಅಷ್ಟೇ

ಶಿಲ್ಪ ಮೋಹನ್ ಛೇ ಎಂತ ರಣ ಬಿಸಿಲೆಂದು ಮೂಗು ಮುರಿಯಬೇಡ ನಿನ್ನ ನೆರಳಿಗೂ ಅಸ್ತಿತ್ವವಿದೆಯೆಂದು ಸಾರಿದ್ದು ಆ ಉರಿ ಬಿಸಿಲೆ ಮರದಿಂದ ಒಣ ಎಲೆ...

ನಮ್ಮ ಬುದ್ಧ

ನಮ್ಮ ಬುದ್ಧ

ಎಚ್ ವಿ ಶ್ರೀನಿಧಿ ಈಗೀಗನನಗೆ ಎಲ್ಲೆಡೆ ಕಾಣುವುದುಅರೆ ನಿಮೀಲಿತ ನೇತ್ರದ,ಪದ್ಮಾಸನದಲ್ಲಿ ಕೂತ,ಗುಂಗುರು ಕೂದಲ ಬುದ್ಧ. ಅಂತಸ್ತಿಗೆ ತಕ್ಕ...

ಜೇನು ಸೈನ್ಯ ಮತ್ತು ನಾನು!

ಜೇನು ಸೈನ್ಯ ಮತ್ತು ನಾನು!

ಸಾವಿತ್ರಿ ಹಟ್ಟಿ ದೀಡು ತಿಂಗಳಿಂದ ನಮ್ಮ ಮನೆಯಲ್ಲಿ ಜೇನು ಬಳಗದವರು ಭಯೋತ್ಪಾದನೆ ಮಾಡ್ತ ಇದ್ರು!! ಒಂದ್ಸಲ ಒಬ್ಬಳು ಜೇನಮ್ಮ ಕಚ್ಚಿದ್ಲು!...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This