ಬೆಂಕಿ ಒಯ್ಯುವ ದೋಣಿ

ಚೈತ್ರಿಕಾ. ಶ್ರೀಧರ್. ಹೆಗಡೆ

ಈಗಷ್ಟೆ ಎದ್ದ ಕೆಂಪು ಮುಸ್ಸಂಜೆ
ಕಡಲ ಬಿಕ್ಕಲ್ಲಿ
ಮುಖತೊಳೆದುಕೊಳ್ಳುತ್ತಿದೆ,
ನಿನ್ನ ಪೂರ್ತಿ ಮರೆತ ಅಲೆ
ಮತ್ತೆ ಮತ್ತೆ ನನ್ನ ನೋಡಿ
ನಗುತ್ತಿದೆ,
ಅದೇ ಅಲ್ಲ್ಯಾವುದೋ ದೋಣಿ
ಬೆಂಕಿಯನ್ನೊಯ್ಯುತ್ತಿದೆ
ಯಾರ ಎದೆ ಸುಡವ
ನೆನಪುಗಳಿಗೆ ಅಗ್ನಿಸ್ಪರ್ಷ
ಇಡಲೋ?

*boats in the hair

ನಿನ್ನೆಗಳ ದಬ್ಬೆ ಸಂಕ ದಾಟಿ
ದೂರ ನಡೆದಿದೆ ಮರೆವಿನೊರಲೆ..

ಕೆನ್ನೆ ಮೇಲುದುರಿದ ರೆಪ್ಪೆಗೂದಲ
ಹಿಡಿದು ಆಸೆಗಳ ಹೇಳಿ
ಊದಿದ ದಿನಗಳು,
ಗುಲಾಬಿ ಎಸಳ ಚಿತ್ರದ
ನಿನ್ನ ಕರ್ಚೀಪು,
ಅರ್ಧ ಹಾಕಿಕೊಳ್ಳುತ್ತಿದ್ದ ಆ
ಚರ್ ಪರ್ ಚಪ್ಪಲಿ
ಇವೆಲ್ಲ ಇನ್ನೂ ಯಾಕೆ
ಹಂಬಲಿವೆ ನನಗೆ?

ಇನ್ನು
ನೆನಪಿಟ್ಟುಕೊಳ್ಳಲಾಗುವುದಿಲ್ಲ
ನಿನ್ನನ್ನು , ಅಗ್ದಿ ಕಾಡುವ
ಅಪ್ಪನ ಸಾವನ್ನು,
ಉಪ್ಪಲ್ಲಿ ಅದ್ದಿ ತೆಗೆದಂತಾಗುವ
ಅಮ್ಮನ ಕಣ್ಣುಗಳನ್ನು..
ಹಾಗಂತ
ಮರೆಯಲೂ ಆಗುವುದಿಲ್ಲ

*

ಮರುಕಾಷ್ಠ, ಅಸ್ತಿ
ಸಂಚಯನೆ ಯಾವುದರ
ತಲೆಬಿಸಿಯೂ ಇಲ್ಲದಂತೆ
ನಿನ್ನೆಗಳ ಸುಡುವುದಾದರೆ
ನನ್ನಲ್ಲೂ ತೇಲಲಿ
ಆ ದೋಣಿ,
ಕಣ್ಣೆದುರೇ ಬೂದಿಯಾಗಲಿ
ಬಿಕ್ಕುವ ಕಡಲು,
ಕೆಂಪುಸಂಜೆಯ ಕಳೇಬರದ
ಮೇಲೆ ಚಂದ್ರನ ಹೂವಿಡುವ
ಇರುಳಲಿ ಅಳದೆ ಬೆಚ್ಚ
ಮಲಗಿಬಿಡಲಿ ಅಮ್ಮ..

ನಿನ್ನ ಕೆನ್ನೆ ಮೇಲುದುರಿದ
ಕೂದಲ ಊದಿ ಬೇಡಲೇ
ಆ ಬೆಂಕಿ ಒಯ್ಯುವ
ದೋಣಿಗಾಗಿ…

‍ಲೇಖಕರು Admin

November 3, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

೧ ಪ್ರತಿಕ್ರಿಯೆ

  1. subbanna

    ಒಳ ಹೊಕ್ಕು ಕಾಡುವ ಕವನ. ಸಾವಿನ ಸ್ಥವನ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: