ಬೆನ್ನಿಗಂಟಿದ ಗಡಿಯಾರ

krishna sreekanta devangamuttಕೃಷ್ಣ ಶ್ರೀಕಾಂತ ದೇವಾಂಗಮಠ

ಮಳೆ ಸುರಿದು
ಈಗಷ್ಟೇ ತಿಳಿಯಾದ ಆಗಸಕ್ಕೆ
ಸಂಜೆಯ ರಂಗೇರುತ್ತಿದೆ
ಬೆನ್ನಿಗಂಟಿದ ಗಡಿಯಾರದಲ್ಲಿ
ಟಿಕ್ ಟಿಕ್ ಶಬ್ಧ
ಘಾಡ ನಿಶ್ಯಬ್ದದ ಜಗತ್ತಿನಲ್ಲಿ
ಮೌನ ನನ್ನನ್ನು ಇರಿಯುತ್ತದೆ.

ಗಗನಚುಂಬಿ ಕಟ್ಟಡಗಳು ಬಾಗಿ
ನೆಲ ನೋಡುತ್ತವೆ ಎಂಬ ಭ್ರಮೆ
ರಸ್ತೆಯಲ್ಲೀಗ ಯಾರಾದರೂ ಸಿಕ್ಕಿ ಮಾತನಾಡಿಸುತ್ತಾರೆಂಬ ಹುಚ್ಚು
ಅಕ್ಕ ಪಕ್ಕಕ್ಕೆ ಸಿಮೆಂಟು ಇಟ್ಟಿಗೆ
ಗೋಡೆಗಳು ಬಾಯಿ ತೆರೆಯುತ್ತವೆಯೇ
ಮರದ ಬಾಗಿಲು ಕಿಟಕಿಗಳು
ಕೈ ಬೀಸುತ್ತವೆಯೇ ಕಾಯುತ್ತಿದ್ದೇನೆ.

ಪ್ರತಿ ಪ್ರಶ್ನೆಗೂ ನಿರುತ್ತರ
ಇಲ್ಲಿ ಯಾರಿಗೂ ಸಮಯವಿಲ್ಲ ಗಿಜಿಗುಡಬೇಕಿದ್ದ ರಾಜಬೀದಿ
ಸಾವಿರ ಹೆಜ್ಜೆಗಳಿಗೆ
ಸಾಕ್ಷಿಯಾಗಬೇಕಿದ್ದ ಮೇಲ್ಮೈ ಜೀವಂತಿಕೆಯನ್ನು ಕುಹಕಿಸಿ ಗಹಗಹಿಸುತ್ತವೆ.

ಪ್ರಪಂಚವೆಲ್ಲ ಎದುರು ನೋಡುತ್ತಿರುವುದಕ್ಕೆ ಉತ್ತರದಂತಿರುವ ನಾನು
ಹೃದಯದ ಮಿಡಿತಕ್ಕೆ ಕಿವಿಯಾಗುತ್ತೇನೆ ಧ್ವನಿಯಾಗುತ್ತೇನೆ ಮತ್ತು
ಏಕಾಂಗಿಯಲ್ಲದ ಭಾವ ನೀಡಿದ ನೆರಳಿನೊಂದಿಗೆ ವಿಶ್ವಾಸದ
ಹೆಜ್ಜೆ ಹಾಕುತ್ತೇನೆ
ನಾಳೆಗಳಲ್ಲಿನ ಭರವಸೆಯೊಟ್ಟಿಗೆ.

clock

ಶೃತಿ ಶ್ರೀಕಾಂತ್ ದೇವಾಂಗಮಠ

ಉಣ್ಣಿಸಿ ತಿನ್ನಿಸಿ ಮಗುವ ಬೆಳೆಸಿದಳು ಅಮ್ಮ
ತಿದ್ದಿ ಬುದ್ಧಿಯ ಹೇಳಿರೆ ಅವ ಜಾಣನಾಗಿಹನಮ್ಮ.

ಒಂದು ಪಡೆಯಲು ಇನ್ನೊಂದು ತ್ಯಜಿಸುವುದಂತೆ
ಸೃಷ್ಟಿ ನಿಯಮದಲಿ ಎಂದು ಅದೇ ದಿಟವಂತೆ
ವಿದ್ಯಾರ್ಜನೆಗೆ ಮಗುವು ಸಿದ್ಧನಾಗಿಹನು
ಅಮ್ಮನ ಪ್ರೀತಿಯ ತೊರೆದು ಬಂದಿಹನು.

ಆಡಿಸಿ ಕಾಡಿಸಿ ಪ್ರೀತಿಯ ಸೆಲೆಯಾದ ಮಗುವು
ಇಂದು ಎದುರಾಗಿದೆ ಅವಗೆ ವಸತಿ ಶಾಲೆಯ ಕಟ್ಟಡವು
ಬೆನ್ನಿನ ಬೇತಾಳ ಈ ಕಾಲನ ಸಂತೆ
ಎಷ್ಟೆ ಭಾರವಾದರೂ ಮುಂದೆ ಸಾಗಲೇಬೇಕಂತೆ.

ನಿಂತ ಮಗುವ ಕಂಡು ಕಾಲ ನಗುತಿಹನು
ಜಲದೆ ಕಾಣುತಿದೆ ಅವನ ಬದಲಾದ ಬಿಂಬ
ಮಗು ಬೆಳೆಯುವ ತನ್ನ ಪ್ರತಿಬಿಂಬದಳತೆಯನೂ ಸೇರಿ
ಕಾಲ ಮಾತ್ರ ಎಂದೂ ಬಿಟ್ಟು ಹೋಗದ ಅಚ್ಛರಿ.

ಎಳಸು ಮನವಿರುವರೆಗೆ ಕಾಲ ಭಾರವೇ ನಮಗೆ
ಮನ ಬಲಿತು ಗಡುಸಾಗೆ ನಮ್ಮದೇ ಕಾಲ
ಮನ ಭಾರವ ಮಾಡ್ವ ಕಾಲ ಕ್ಷಣಿಕನು
ಧೈರ್ಯದಿ ಮುನ್ನಡೆಯೇ ಕಾಲ ಬೆನ್ನ ತಟ್ಟುವನು.

‍ಲೇಖಕರು Admin

September 25, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: