’ಬೆನ್ನ ಬೆತ್ತಲೆ ಖಾಲಿ ಹಾಳೆಯ ಮೇಲೆ..’ – ಶಾಂತಿ ಅಪ್ಪಣ್ಣ ಕವಿತೆ

ಒಂದು ಕವಿತೆ

– ಶಾಂತಿ ಅಪ್ಪಣ್ಣ

ಬಾ…ನಲ್ಲಾ, ಎದೆಯೊಳಗೆ ಆಸೆಯಲೆಗಳು ಹೊಯ್ದಾಡಿವೆ… ಒಂಟಿ ನಾವೆ ನಾ… ಹತ್ತಿ ಓಘದಲಿ ತುಯ್ದುಬಿಡು… ಮುಂಗುರುಳ ಸರಿಸಿ.. ಕಿವಿಯಂಚಿಗೆ ಹಾಗೇ ತುಟಿ ತಾಕಿಸಿ.. ಕೊರಳ ಇಳಿಜಾರಿನಲಿ ಜಾರಿಬಿಡು… ಬೆನ್ನ ಬೆತ್ತಲೆ ಖಾಲಿ ಹಾಳೆಯ ಮೇಲೆ.. ನಿನ್ನೊಲವ ಚಿತ್ತಾರಗಳ ಹರಡಿಬಿಡು… ಎದೆ ಕಣಿವೆಗೆ ಕಿವಿಯಾನಿಸಿ.. ಹೃದಯಮಿಡಿತಕೆ.. ಮಿದುವಿನಂದಕೆ ಹಾಗೇ ಕರಗಿಬಿಡು.. ಅಧರ ಮಧುಪರ್ಕವ ಹೀರಿ ನನ್ನೊಳಗನ್ನೆಲ್ಲ…ಅರ್ತಿಯಲಿ ಬರಿದು ಮಾಡು.. ಹೊಟ್ಟೆಯ ಮಡತೆಯಲಿ ಬೆವರಹನಿಗಳ ಸಾಲು.. ನಿನ್ನ ತುಟಿಯನೊತ್ತಿ ಹೀರಿ ಬಿಡು.. ಹೊಕ್ಕುಳ ಚಿಪ್ಪಿನಾಳಕ್ಕೆ ನಿನ್ನೊಂದು ಸುಖದ ಬೆವರ ಸುರಿದು.. ಮುತ್ತಾಗಿ ಅರಳಬಿಡು.. ದಿಕ್ಕುತಪ್ಪಿದ ಹಾಗೆ ಪರಿತಪಿಸುವ ಬೆರಳುಗಳ, ನಿನ್ನಂಗೈಲಿ ಬೆಚ್ಚಗೆ ಬಿಗಿದುಬಿಡು.. ಸೋಲುವ ಕಾಲುಗಳ ನೀವಿ.. ಈ ಲೋಕದೆಲ್ಲೆಯಾಚೆಗೆ ದಾಟಿಸಿಬಿಡು.. ನನ್ನೊಳಗೆ ನಾನೇ ಅರಿಯದ ಹಲವು ಹಳವಂಡಗಳ ಬೆರಗಿನಲಿ ಬಯಲು ಮಾಡು.. ಹೇಗೆಂದು ಏನೆಂದು ಹೇಳತಿಳಿಯದ ವಿಸ್ಮಯದ ಸೌಖ್ಯವನು.. ದೋಚಿಬಿಡು..,ಬಾಚಿಬಿಡು… ಬಾ……  ]]>

‍ಲೇಖಕರು G

September 11, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಲಾಕೃತಿಗೆ ಜೀವವಾಗಿ ಬಂದವಳು…

ಕಲಾಕೃತಿಗೆ ಜೀವವಾಗಿ ಬಂದವಳು…

ರತ್ನರಾಯಮಲ್ಲ ಜೀವನದಲ್ಲಿ ಕೆಲವು ಸುಂದರ ಕ್ಷಣಗಳಾಗಿ ಬಂದವಳು ನೀನುನನ್ನ ನಾಲಿಗೆ ಮೇಲೆ ಹಲವು ಗಜಲ್ಗಳಾಗಿ ಬಂದವಳು ನೀನು  ಕಡು ಬಿಸಿಲಿನ...

ನೀನೆಂದರೆ ಭಯ ಅಲ್ಲ…

ನೀನೆಂದರೆ ಭಯ ಅಲ್ಲ…

ರೇಷ್ಮಾ ಗುಳೇದಗುಡ್ಡಾಕರ್  ಪ್ರಖರ ಬೆಳಕು ಕಾಣಿಸದುನನ್ನ ರೂಪವ ಅಂತರಂಗದ ಪ್ರಲಾಪವ ಗಾಢ ಕತ್ತಲೆ ಕಾಣಿಸುವದು ನನ್ನೂಳಗಿನ ನನ್ನು ಅಲ್ಲಿನ...

ಮುಸ್ಸಂಜೆ

ಮುಸ್ಸಂಜೆ

ಜಿತೇಂದ್ರ ಬೇದೂರು ೧ ಮುಸ್ಸಂಜೆ ಯೌವ್ವನದ ಕ್ಷಣದಲ್ಲಿ ಎಷ್ಟೊಂದು ಉರಿದಿದ್ದಸೂರ್ಯ, ಈಗೇಕೋ ತಣ್ಣಗಾಗಿ ಹೋದ.ಯಾರು ಸರಿಸಿದರೋ ಏನೋಪಡುವಣ ಅಂಚ...

2 ಪ್ರತಿಕ್ರಿಯೆಗಳು

  1. D.RAVI VARMA

    ಕಾವ್ಯ ಓದುಗನ ಮನ ತಟ್ಟುವುದು, ಮನಮುಟ್ಟುವುದು.ಅದರ ಒಡಲಾಳದ ಆಶಯದಿಂದ, ಮತ್ತು ಅದರ ಪಿಸುಮಾತಿನಿಂದ. ಅದರ ಅಂತಸತ್ವದಿಂದ. ನಿಮ್ಮ ಈ ದೃಶ್ಯ ಕಾವ್ಯ ಈ ನಿಟ್ಟಿನಲ್ಲಿ ಘಟ್ಟಿಯಾದ,ಭಾವನೆಗಳನ್ನು,ಕನಸುಗಳನ್ನು,ಆಶಯಗಳನ್ನು ನವಿರಾದ ಬಾಷೆಯಲ್ಲಿ ಹಿಡಿದಿಟ್ಟಿದೆ. “ಬೆನ್ನ ಬೆತ್ತಲ ಖಾಲಿ ಹಾಳೆಯ ಮೇಲೆ ” ಅದ್ಬುತವಾದ ಕಾನ್ಸೆಪ್ಟ್…. ನನಗೆ ಘಾಲಿಬ್ ಅವರ “ಹಂ ಸೆ ಖುಲ್ ಜಾವೋ ” ಕವನ ನೆನಪು ಬರ್ತಿದೆ.
    “ಅರಳಿಕೊ ನನ್ನ ಜೊತೆ ಅಮಲಿನ ಒಂದು ದಿನ
    ಇಲ್ಲ ,ಇದೆಯಲ್ಲ ಅಮಲನೆಪ; ಛೇಡಿಸುವೆ ಒಂದು ದಿನ ”
    ಮತ್ತೊಂದೆಡೆ ಹೀಗೆ ಹೇಳುತ್ತಾರೆ ಘಾಲಿಬ್
    “ಕಾಗದಗಳು ಇಲ್ಲವಾದವು ಆದರೆ ನಿನ್ನ ಪ್ರಶಂಸೆ ಇನ್ನು ಬಾಕಿ ಇದೆ ದೋಣಿ ಬೇಕಾಗಿದೆ ದಡವಿಲ್ಲದ ಸಾಗರದಲ್ಲಿ ವಿಹರಿಸಲು ”
    ಯಾಕೋ ಗೊತ್ತಿಲ್ಲ ಸುಮ್ಮನೆ ಒಮ್ಮೆ ಘಾಲಿಬ್ ಸುಳಿದಾಡಿದ .
    ನಿಮ್ಮ ಕವನದ ಆಹ್ವಾನ ನನಗೆ “ಅಮರಶಿಲ್ಪಿ ಜಕಣಾಚಾರಿ ” ಚಿತ್ರದ ಈ ಹಾಡು ನೆನಪಿಗೆ ತಂತು
    “ಚೆಲುವಾಂತ ಚೆನ್ನಿಗನೆ ನಲಿದಾಡು ಬಾ ..
    ಈ ಸಿಂಗಾರ ಶಿಲೆಯೊಡನೆ ಕುನಿದಾದು ಬಾರಾ
    ತಾಳಮೆಳದೊಳು ಕಳೆಯುವ ಬಾರಾ
    ಗಾಲಿಗಂಧದೊಲು ಸೇರುವ ಬಾರಾ
    ಭಾವ ಭಂಗಿಯಲು ಬೆರೆಯುವ ಬಾರಾ
    ಪ್ರೇಮನಂದವ ನೀ ತಾರಾ …….
    ಒಮ್ಮೊಮ್ಮೆ ಹೀಗೆ ಆಗುವುದು ಉಂಟು .. ಒಂದು ಕಾವ್ಯ ಓದಿದಾಗ adenelegattinalli ಓದಿದ ಕೇಳಿದ ಮಾತು,ಹಾಡು ಮನ ಕಾಡುತ್ತವೆ.. ಮತ್ತೆ ಮತ್ತೆ ಕಾಡುತ್ತಲೇ ಇರುತ್ತವೆ…
    ರವಿ ವರ್ಮ ಹೊಸಪೇಟೆ

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: