ಬೇಂದ್ರೆ ದಿನ ಬರುತ್ತಿದೆ, ಎದ್ದು ಬನ್ನಿ….

img_6878.jpg

ಚಿ ಶ್ರೀನಿವಾಸರಾಜು ಅವರು ಇಲ್ಲವಾಗಿ ಆಗಲೇ ಒಂದು ತಿಂಗಳು. ಜನವರಿ ೩೧ ಬರುತ್ತಿದೆ ಎಂದು  ನೆನಪಿಸಿದರೆ ಶ್ರೀನಿವಾಸರಾಜು ಎದ್ದು ಬಂದು ಬಿಡುತ್ತಾರೆನೋ ಎಂಬ ಆಸೆ ನಮ್ಮದು. ೩೧ ಬೇಂದ್ರೆ ದಿನ.  ಹೊಸ ಮನಸ್ಸುಗಳಿಗೆ ಅದನ್ನು ಕಾವ್ಯ ದಿನವಾಗಿ ರೂಪಿಸಿದ ಹೆಮ್ಮೆ ಶ್ರೀನಿವಾಸರಾಜು ಅವರದ್ದು. ಇಡೀ ಒಂದು ತಲೆಮಾರು ೩೧ ರಂದು ತಾವು ಹೊತ್ತೊಯ್ಯುತ್ತಿದ್ದ ಪುಸ್ತಕಗಳ ಗಂಟನ್ನು, ಅದನ್ನು ಸಾಧ್ಯವಾಗಿಸಿದ ರಾಜು ಮಾಸ್ತರನ್ನು ಮರೆಯಲು ಸಾದ್ಯವೇ ಇಲ್ಲ.

ಈಗ ‘ಅಭಿನವ’ ಒಂದು ಮರೆಯಲಾರದ ಕೆಲಸಕ್ಕೆ ಕೈ ಹಾಕಿದೆ. ಅಭಿನವಕ್ಕೆ ಇತ್ತೀಚೆಗೆ ಬಂದ ಎರಡು ಪ್ರಶಸ್ತಿಗಳಿಂದ ಸೇರಿದ ೨೦  ಸಾವಿರ ರೂ ನಗದನ್ನು ಒಟ್ಟು ಮಾಡಿ ಶ್ರೀನಿವಾಸರಾಜು ಅವರ ನೆನಪಿನ ಮಾಲಿಕೆ ತರಲು ಸಜ್ಜಾಗಿದೆ. ಅದೂ ಭಿನ್ನ ಬಗೆಯಲ್ಲಿ, ರಾಜು ಅವರಿಗೆ ಸರಿಯಾಗಿ ಶ್ರದ್ಧಾಂಜಲಿ ಸಲ್ಲಿಸುವ ಮಾಲಿಕೆ. ಅವರ ಪ್ರೀತಿಯ ಕ್ಷೇತ್ರವಾಗಿದ್ದ ಪ್ರಕಟನಾ ಪ್ರಪಂಚವನ್ನು ಅಭಿನವದ ರವಿಕುಮಾರ್ ಹಾಗೂ ಚಂದ್ರಿಕಾ ಬೆಳಕಿಗೆ ತರುತ್ತಿದ್ದಾರೆ. ಒಂದು ವರ್ಷ ಪ್ರಕಟವಾಗುವ ಈ ಮಾಲಿಕೆ ಕನ್ನಡದ ೧೨ ಅತ್ಯುತ್ತಮ ಪ್ರಕಾಶನಗಳ ಬಗ್ಗೆ ಇರುತ್ತದೆ.

ಒಂದು ಉತ್ತಮ ಮಾರ್ಗದರ್ಶಿಯಾಗುವಂತೆ ಈ ಪುಸ್ತಕ ರೂಪಿಸಲಾಗಿದೆ. ಈ ಮಳೆಯಲ್ಲಿನ  ಮೊದಲ ಪ್ರಕಾಶನ- ಅಕ್ಷರ ಪ್ರಕಾಶನ. ಪ್ರಕಾಶನದ ಬಗ್ಗೆ ಎಲ್ ಸಿ ಸುಮಿತ್ರಾ ಬರೆದಿದ್ದಾರೆ. ಕೆ ವಿ ಅಕ್ಷರ ಜೊತೆಗಿನ ಸಂದರ್ಶನವಿದೆ.

ಈ ಪುಸ್ತಕದ ೧೦೦ ಪ್ರತಿ ಶ್ರೀನಿವಾಸ ರಾಜು ಅವರ ಮನೆಯಲ್ಲಿ ಇರುತ್ತದೆ. ಮನೆಗೆ ಬಂದವರಿಗೆ ಈ ಪುಸ್ತಕವನ್ನು ಉಚಿತವಾಗಿ ಕೊಡುತ್ತಾರೆ. ‘ಏಕೆಂದರೆ ಶ್ರೀನಿವಾಸ ರಾಜು ಅವರ ಮನೆಗೆ ಹೋದವರು ಎಂದೂ ಬರಿ ಕೈನಲ್ಲಿ ಬರುತ್ತಿರಲಿಲ್ಲ. ಈಗಲೂ ಅದು ಸಾದ್ಯವಾಗಬೇಕು’ ಎನ್ನುತ್ತಾರೆ ರವಿಕುಮಾರ್.
ಅಭಿನವದ ಮೈಲ್- [email protected]  ಮೊಬೈಲ್-೯೪೪೮೮ ೦೪೯೦೫ 

‍ಲೇಖಕರು avadhi

January 27, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಡೀಗೋ ಮರಾಡೋನಾ… ಹೀಗೂ ದೇವರಾಗಬಹುದು!

ಡೀಗೋ ಮರಾಡೋನಾ… ಹೀಗೂ ದೇವರಾಗಬಹುದು!

ರಮಾಕಾಂತ್ ಆರ್ಯನ್‌ ಅವನು ಕಾಲ ಹೆಬ್ಬರಳ ತುದಿಯಲ್ಲಿ ವಿಶ್ವವನ್ನೇ ಪುಟಿಪುಟಿದು ಕುಣಿಸಿದವನು. ಫುಟ್ಬಾಲ್ ಅಂಗಳದಲ್ಲಿ ಅವನು ಓಡಿದ, ಓಡಾಡಿದ...

ಈಗ ‘ಅಮ್ಮ’ ಪ್ರಶಸ್ತಿ ಸ್ವೀಕರಿಸಬೇಕಿದ್ದ ‘ದೇಶಾಂಶ’ರು ಇನ್ನಿಲ್ಲ

ಈಗ ‘ಅಮ್ಮ’ ಪ್ರಶಸ್ತಿ ಸ್ವೀಕರಿಸಬೇಕಿದ್ದ ‘ದೇಶಾಂಶ’ರು ಇನ್ನಿಲ್ಲ

ಇಂದು ಸಂಜೆ ಜರುಗುವ 'ಅಮ್ಮ ಪ್ರಶಸ್ತಿ' ಕಾರ್ಯಕ್ರಮದಲ್ಲಿ ಗೌರವ ಪ್ರಶಸ್ತಿ ಸ್ವೀಕರಿಸಬೇಕಾಗಿದ್ದ ಬೀದರ್ ನ ದೇಶಾಂಶ ಹುಡುಗಿ ಅವರು ಇನ್ನಿಲ್ಲ.....

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This