ಭೂಮಿಗೆ ಇಳಿಬಿದ್ದ ನಕ್ಷತ್ರ ಪುಂಜ

ಕಿರಸೂರ ಗಿರಿಯಪ್ಪ

ಸುಡುವ ಬಿಸಿಲಿನು ನೆತ್ತಿಗೆ ಒಕ್ಕರಿಸಿಕೊಂಡು

ತಲೆಕೆಳಗಾಗಿ ಬಿದ್ದಕೊಂಡ ಬೀಜದೊಳಗೆ

ಚಿಗುರಿನ ಧ್ಯಾನ ತಡೆಯಲು ಅಸಾಧ್ಯ!

ಏಕೆಂದರೆ ಅದು ಅಲ್ಲಮನ ಅಂಗಳ

ಹೆಗಲಿಗೆ  ಮೆತ್ತಿದ ತಗಣಿಗಳ ಕುಟ್ಟಿ

ಅಲೆಮಾರಿ ಕಣ್ಣಿನ ಜೋಳಿಗೆಯೊಳಗೆ

ಬೆವರಿನ ಮನೆ ಕೆಡವಲು ಅಸಾಧ್ಯ!

ಏಕೆಂದರೆ ಅದು ಲಕ್ಕವ್ವನ ಅಕ್ಷಯ ಪಾತ್ರೆ

ಹೂ ನಗೆಯ ತೆಕ್ಕೆಗೆ ಮುಳ್ಳಬೇಲಿಯ ಮುಕ್ಕರಿಸಿ

ಬಯಲು ಹೆಜ್ಜೆಗಳ ನಡೆಯೊಳಗೆ

ಜಡ ಗೋಡೆಗಳ ಕಟ್ಟಲು ಅಸಾಧ್ಯ!

ಏಕೆಂದರೆ ಅದು ಬಸವನ ಅರಿವಿನ ನೆಲೆ

ಬೋಳು ಬುಡದ ಪಾದಗಳ ನೆಕ್ಕಲು ಹಾತೊರೆವ

ಗೆದ್ದಲು ನಗೆಯ ಕುಹಕದೊಳಗೆ

ಎಲೆಗಳ ಪಿಸುಮಾತು ಮುರಿಯಲು ಅಸಾಧ್ಯ

ಏಕೆಂದರೆ ಅದು ಬುದ್ಧ ಕರುಣೆಯ ಬಳ್ಳಿ

ಶಾಪದ ಕೊಳೆ ಕಳಚಲು ಹಪಹಪಿಸಿ

ರಸ್ತೆಯ ಇಕ್ಕೆಲಗಳಿಗೆ ನೆರಳಾದ ಹೆಜ್ಜೆಗಳೊಳಗೆ

ಮನುಷ್ಯ ಪ್ರೀತಿಯ ಬೇರು ಕತ್ತರಿಸಲು ಅಸಾಧ್ಯ!

ಏಕೆಂದರೆ ಅದು ಭೀಮಯಾನದ ಉಸಿರು

ಮಾತುಗಳಿಗೆ ಬೇಡಿ ತೊಡಿಸುವ

ಹೆಜ್ಜೆಗಳಿಗೆ ಬೇಲಿ ಹಾಕುವ

ನಿಂತ ನೆಲೆಗಳನ್ನೇ ಕಬಳಿಸುವ ಊಸುರುವಳ್ಳಿಗಳ ಕಾಲವಿದು!

ಸಮತೆ ದೀಪದ ಆಕಾಶ ಮುಕ್ಕಲು ಅಸಾಧ್ಯ

ಏಕೆಂದರೆ ಅದು ಭೂಮಿಗೆ ಇಳಿಬಿದ್ದ ನಕ್ಷತ್ರಪುಂಜ

‍ಲೇಖಕರು Avadhi

September 14, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಲೋಕದ ಕಣ್ಣು ಮರುಗಲೂಬಹುದು!

ಲೋಕದ ಕಣ್ಣು ಮರುಗಲೂಬಹುದು!

ಕೆ.ಜೆ.ಕೊಟ್ರಗೌಡ ತೂಲಹಳ್ಳಿ ಊರ ಬಯಲಿನ ದಿಬ್ಬದ ಮೇಲೆಈ ಮಳೆಗಾಲಕ್ಕೆಚಿಗುರೊಡೆದ ಹುಲ್ಲು ಗಂಬಳಿಯಹಾಸಿನಲಿನಾವಿಬ್ಬರೇ ಸಾನಿಧ್ಯವಹಿಸೋಣಅದೆಷ್ಟು...

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ಸ್ಯಾನಿಟೈಜ್ ಆಗಬೇಕಾಗಿದೆ ಹೃದಯ

ರಾಘವೇಂದ್ರ ದೇಶಪಾಂಡೆ ವಯಸ್ಸೊಂದಿತ್ತು ಆ ದಿನಗಳಲ್ಲಿಜಾದೂವಿನಲ್ಲು ನಂಬಿಕೆಯಿತ್ತು...ವಯಸ್ಸೊಂದಿದೆ ಇವಾಗವಾಸ್ತವತೆಯಲ್ಲು ಸಂಶಯವಿದೆ......

ಲಂಗರು ಕಚ್ಚಿದ ದೋಣಿ

ಲಂಗರು ಕಚ್ಚಿದ ದೋಣಿ

ಶ್ರೀಕಾಂತ್ ಪ್ರಭು ಲಂಗರು ಕಚ್ಚಿದ ದೋಣಿ ಮರಳ ಮೇಲೆಲ್ಲ ಹಾಯ್ದು ತೋಯಿಸಿ ಮೆತ್ತಗಾಗಿಸಿ ಮತ್ತೆ ಮತ್ತೆ ಮರಳುವ ಅಲೆ ಬೆಚ್ಚನೆಯ ಪಿಸು ಮಾತು...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This