ಮಗಳಿರದ ಅಪ್ಪನೊಬ್ಬನ ಕವನ

ವಾಸುದೇವ ನಾಡಿಗ್ 

ಇರಬೇಕಿತ್ತು ನೀನು
ನನ್ನೊಳಗಿನ ಅಂತಃಕರಣದ ಮೂರ್ತರೂಪದ ಹಾಗೆ
ಲೋಬಾನದ ಹಿತಕಂಪಿನಲಿ ನೆನೆದು
ಪವಡಿಸಿದ ಮಗುವಿನ ಹಾಗೆ
ಮುಂದೊಮ್ಮೆ ವೃದ್ದಾಪ್ಯದಲಿ ಬೀಳುವ
ಎವೆಹನಿಗೆ ನೀನಲ್ಲದೆ ಬೊಗಸೆ ಹಿಡಿಯುವವರಾರು
ಗಂಡಸಿನ ಜಗತ್ತಿನ ಹಳವಂಡಗಳ ಮಧ್ಯೆ
ನೀನಾದರೂ ಇರಬಾರದಿತ್ತೆ
ತರಬಾರದಿತ್ತೆ ದಂಡೆ ಹೂಗಳ ದಂಡೆ ಈ ಕಡಲಿಗೆ

ಎದೆಪದಕದ ಕೊರತೆ ತಾಕುತ್ತದೆ ಸದಾ
ಕಣ್ಣ ಬೆಳಕಿಗೆ ಬಣ್ಣಪಟ್ಟಕದ ಗೈರು ಧ್ಯಾನ
ಮಗಳ ಗೆಜ್ಜೆಪಾದಗಳ ಕಾಣದ ಈ ಮನೆ ಮನೆಯೆ?
ಎದೆಯಲಿ ಹಾಗೇ ಉಳಿದುಬಿಟ್ಟಿವೆ ಎಷ್ಟೋ ಅಕ್ಷರಗಳು
ನೀನೆಂಬ ಅರ್ಥದ ಸಖ್ಯವಿರದೆ
ಉಳಿದೇ ಬಿಟ್ಟಿದೆ ಆಚೆ ನೀನಿರದ ರೂಪಕದ ಬಯಲು
ದೀಪಾವಳಿಗಳಲಿ ಕಿರುಗುಡುವ ಶಬ್ದಗಳ ಮಧ್ಯೆ
ಹಚ್ಚಲು ನೀನಿರಬೇಕಿತ್ತು ಒಳಗೆ
ಕರುಳ ದೀಪ

ಬದುಕಿನ ಮುಕ್ಕಾಲುಪಾಲು ವಂಚಿತ ನಾನು
ನಮೆದು ಹೋಗುವ ಜೀವಕೆ ನಿನ್ನ ಬೆರಳು ಬೇಕಿತ್ತು
ನೋಡು ನನ್ನ ಈ ಕವನಗಳು ಹೇಗೆ ಕ್ಲೀಷೆ ಆಗುತ್ತಿದೆ
ಮಗಳಿರದ ಕವಿಯ ಜೀವ
ಬರೀ ಹುಸಿಯೆನಿಸುತ್ತಿದೆ…

‍ಲೇಖಕರು Admin

December 31, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಾವೆಂದರೆ ಹೀಗೆಯೇ..

ಸಾವೆಂದರೆ ಹೀಗೆಯೇ..

ಚಂದ್ರಶೇಖರ ಹೆಗಡೆ ಎಲ್ಲ ಇದ್ದೂ ಇಲ್ಲವಾಗುವುದೆ ? ಇಲ್ಲದಿರುವುದಕ್ಕೆ ಬೆನ್ನುಬಿದ್ದು  ಖಾಲಿಯಾಗುವುದೆ ? ಹಸಿರು ತುಂಬಿದ್ದರೂ...

ಆನಾ ಆಹ್ಮತೋವಾ ನೆನೆದು

ಆನಾ ಆಹ್ಮತೋವಾ ನೆನೆದು

    ಜಿ.ಪಿ.ಬಸವರಾಜು ನಡುಗುವ ಕೈಗಳಿಂದ ನಿನ್ನ ಎದೆಯ ಪದಗಳನು ಎತ್ತಿಕೊಂಡೆ: ಸೆರೆಮನೆಯ ಮಹಾ ಗೋಡೆಯ ಈಚೆ ನೀನೊಂದು...

ಪಟದ ಪಾಡು

ಪಟದ ಪಾಡು

ಡಾ ಪಿ ಬಿ ಪ್ರಸನ್ನ ಮೊನ್ನೆ ಎಲ್ಲರಂತೆ ನನಗೂ ಪಟ ಹೊಡೆಸಿಕೊಳ್ಳುವ ಉಮೇದು ಬಂದದ್ದೇ ನಡೆದೆ ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ...

2 ಪ್ರತಿಕ್ರಿಯೆಗಳು

  1. Suma

    Tumba tumba chennagide…..ella hennu makkala hettavarige hemme taruvante ide…,,,

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: