ಮದನಿಕೆಗೊಂದು ಬಿನ್ನವತ್ತಳೆ

jayashree_deshapandeಜಯಶ್ರೀ ದೇಶಪಾಂಡೆ 

ಮುನಿಸಿಕೊಂಡೆಯಾ ಮುಗುದೆ ?
ಅತ್ತ ಮೊಗದಿರುವಿಕೊಂಡೆಯಾ ?
ಮನದ ಮಾತಿಗೆ ಕವುಚಿ ಮೌನದ ಗವಸು,
ನಿಶ್ಶಬ್ದದ ಮೂಕದೆರೆಯಲಿ ಶಿಲೆಯಾಗಿ ಸ್ಥಿರಳಾದೆಯಾ ?
ಬಿಟ್ಟುಬಿಡು ತರಳೆ ಗಳಿತ-ಫಲಿತಗಳ, ಮರೆತುಬಿಡು ಮನದ ಕ್ಷತಿ.

she2ತಿರುಗೊಮ್ಮೆ ಇತ್ತ,
ನಿನ್ನ ಕಮಲವದನದೊಳಡಗಿರುವ ಭಾವವೇನೆಂಬ
ಹೊಳಹು  ಹೊರ ಚೆಲ್ಲಿಬಿಡೊಮ್ಮೆ…
ರಂಭೆ ಊವ೯ಶಿ ಮೇನಕೆಯರ ಅಣುವಣುಗಳು
ಮೈಯೊಳವತರಿಸಿದ ಕನ್ನಿಕೆ…ನೀ ಮದನಿಕೆ,
ಕಾಮಿತರ ಕಣ್ಣಕಮನೀಯ ಬೊಂಬೆ !

ಲಯ ಲಾವಣ್ಯ ಒನಪಿನೋಲಗವ
ಒಡಲಲ್ಲೇ ಹೊತ್ತು ಬಂದವಳು ನೀ…
ರತಿರೂಪಿಣಿ…ಲಂಬವೇಣಿ…,
ಮೃಗನಯನಿ…ಮಧುರರಾಗಾಲಾಪಿನಿ !
ರಸಿಕನೇತ್ರಕ್ಕೆ ಮೃಷ್ಟಾನ್ನ ಸ್ವರೂಪಿಣಿ…
ಕವಿ ಕಾವ್ಯದಂಕಣದಿ  ಸಾಲುಸಾಲಿನಕ್ಷರಗಳ
ತುಂಬಿ ಹರಿದು ಮತ್ತೇಭ -ಶಾರ್ದೂಲ ವಿಕ್ರೀಡಿತ ;
ಮಹಾಸೃಗ್ಧರಾ ವೃತ್ತಗಳಲಿ  ಮೂಡಿ ಬಂದ ಮಯೂರಿ ನೀ…

ಸಿಂಹಕಟಿಯ ಸುತ್ತುಬಳಸಿದ ಒಡ್ಯಾಣ
ಹೊರಲಾರದೆ ನಾಚಿತೇ ನಿನ್ನ ತುಂಬು ನಿತಂಬಗಳ ಮಾಂಸಲವ?
ಕಾಮನಾಡುಂಬೊಲದ ಜಘನಗಳ…

ಬಿಚ್ಚಿ ಹರವಿದರೆ ನಿನ್ನ ಬಿಳಿಬೆನ್ನ ಬಯಲಿಡೀ
ಹರಡಿ ಹಾಸುವ ಘನಕೇಶರಾಶಿಯದು
ಬೆರಳಬಳ್ಳಿಯೊಲು ಹೆಣೆದು ಹೆರಳಾಗಿ.
ಸಿರಿಮುಡಿಯ ಸೊಬಗು ಜಡೆಯಾಗಿ ಹರಿದು
ನಾಗನಾಟ್ಯಕೆ ಸಿಂಗಾರ ಬಿಲ್ಲೆ, ಮೊಲ್ಲೆ, ವಜ್ರಕುಚ್ಚುಗಳ ಸಡಗರ.

ಕಲ್ಲಾದರೇನಂತೆ ಶಿಲಾ ಸುಂದರಿ ನಿನ್ನ ಹೆರಳ ತುಂಬೆಲ್ಲ
ಹೂವ ಮುಡಿಸಬರುವವರಿಗಿಲ್ಲ ಕೊರತೆ.
ನಿಮ್ನ ನಿಮೀಲಿತ ನಿನ್ನ ನೇತ್ರಗಳಲಿ
ತಮ್ಮ ಕನಸುಗಳರರಸಿದವರೆಷ್ಟೋ ?

ನೀ ಜೀವ ತಳೆದುಬಿಡು..
ಹೆಜ್ಜೆಯರಳಿ ಘಲ್ ರಾಗಕ್ಕೆ ಮೊದಲಿಡುವ  ಗೆಜ್ಜೆಗೆ
ತಾನ ತಾಳಗಳ ಸಾಂಗತ್ಯವಿಟ್ಟು ನೀ ನವಿಲಾಗಿಬಿಡು..ಮತ್ತೆ…
ಏರಿಳಿವ ಮೇಘದೊಲು ಚಲಿಸಿ
ನಿನ್ನ ಬಳ್ಳಿದೋಳುಗಳ ಲಾಸ್ಯ, ಬಳುಕಿ ಹೊರಳಿ ಮರಳಿ
ಹಿಮ್ಮೇಳದ ಹಾಡಿಗೆ ಸವಾಲೆಸೆದು,
ನಿನ್ನ ಕಟಿ, ಕೊರಳು,ಪದಗಗತಿಗಳ
ಮೇರುಪ್ರದಶ೯ನ ತೋರಿಬಿಡು ಕೋಮಲೇ ! ನೀಳಕೇಶಿಯೇ..

ಬಾ ಇನ್ನು ಬಂದುಬಿಡು..ಮುನಿಸ ತೊರೆದು ಹೊರಳಿಬಿಡು,
ಶಿಲೆಯ ಸ್ತಬ್ಧ ಶೀತಲತೆಯೊಳಗಿಂದ ಹಾಡಾಗಿ ಹರಿದುಬಿಡು..
ಹನಿಯಾಗಿ ಇನಿದಾಗಿ ಶ್ರಾವಣದ ಸೊನೆಯಾಗಿ…ಗಂಗಾವತರಣವ
ನೀ ನತ೯ನದೆ ತುಂಬಿಬಿಡು…
ಬಾ ನಾಗವೇಣಿಯೇ ಬಾ.

‍ಲೇಖಕರು Admin

September 13, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This