ಮಲ್ಲಿಗೆ ಕಂಡಾಗಲೆಲ್ಲ ಅವಳನ್ನು ನೆನೆದವ

ಚಂದ್ರು ಎಂ ಹುಣಸೂರು

ನಾನು ತಾಯತ ಕಟ್ಟಿಕೊಂಡು
ಉಡುದಾರ ಬಿಗಿಸಿಕೊಂಡು
ತಲೆಯ ಬಳಸಿ ಕಿವಿಯ ಮುಟ್ಟಿ
ಕ್ರಾಪು ತೆಗೆಯುವ ಕಾಲಮಾನದಲ್ಲಿ
ನಮ್ಮ ಮನೆಯಲೊಬ್ಬ ಜೀತದಾಳು
ಕೆಲಸಕ್ಕೆ ಸೇರಿದ ದಿನ
ಒಂದೇ ಏಟಿಗೆ ಸೌದೆ ಪಕಡ ಮಾಡುತ್ತಿದ್ದ
ಯಾರೂ ಇಲ್ಲದಾಗ ನನ್ನ ಕರೆದು ಮುದ್ದಿಸುತ್ತಿದ್ದ
ಅವನ ತುಟಿಯ ಎಂಜಲ ಕರುಣೆಗೆ
ಹೊಲದಲ್ಲಿ ಹುಟ್ಟಿದ ಕರುವನ್ನು
ಹೆಗಲಲ್ಲಿ ಹೊತ್ತು ತರುವ ಭಾಗ್ಯ ಅವನಿಗೆ ಲಭಿಸಿತ್ತು

ಯಾವಾಗಲೋ ಅವನ ಅಪ್ಪ ಬರುವ
ದಿಢೀರನೆ ಸಾವು ಬರುವಂತೆ
ಒಡೆದ ಹಿಮ್ಮಡಿ ಕಂಡು
ಹರಿದ ಅಂಗಿಯ ನೋಡಿ
ಅವನ ಕರುಳು ಸಾಲ ಕೊಟ್ಟು ಪೀಡಿಸುವವರನ್ನು
“ಸೂಳೆಮಕ್ಕಳ” ಅಂದಿರಬಹುದು
ಇನ್ನು ಮೂರು ವರ್ಷ ಹೀಗೆ
ಜೀತ ಮಾಡಿಬಿಡು ಮಗ
ನಾನು ಸಾಯುವುದರೊಳಗೆ
ನಾನು ಮಾಡಿಕೊಂಡ ಋಣ ಅಳಿಯಲಿ

ಹಬ್ಬಕ್ಕೆಂದು ಅವಗೆ ಹೊಸ ಬಟ್ಟೆ ಕೊಟ್ಟರು
ತಣ್ಗೆಯ ತುಂಬಾ ಬಿಸಿ ಪಾಯಸ ಬಿಟ್ಟರು
ಅವ್ವ ಕಡೆವ ಬೆಣ್ಣೆಯಲ್ಲಿ
ಅವಗೂ ಒಂದು ಪಾಲು
ಅವನೆ ಕರೆವ ಕರೀ ಹಸುವ
ಬಿಗಿ ಮೊಲೆಯ ಹಾಲು
ಎಲ್ಲ ಇರುವರಂತೆ ಅವಗೆ
ಯಾವುದೋ ಅವನ ಊರು
ಹೊರಟ ಅವನ ಕಿಸೆಯ ಕಡೆಗೆ
ತಳ್ಳಿರಪ್ಪ ನೂರು
ಅವನಿಗೂ ಹಾದಿಯಲಿ ಸಂತೆ ಸಾವಿರಾರು

ಹುಲ್ಲಿನ ಹೊರೆಯಲಿ
ಹಾವನ್ನೆ ಹೊತ್ತು ತಂದು
ಕೊಟ್ಟಿಗೆಯಲಿ ಅದು ನರ್ತಿಸಿತು
ಮಂಕು ದೀಪದ ಬೆಳಕಲಿ
ದನ ಕಟ್ಟಿ
ಹಜಾರದ ಚಾಪೆಯಲಿ ಒರಗುತ್ತಿದ್ದ
ಯಾರೊ ಒಮ್ಮೆ ಆಳಿನದು ಊಟ ಆಯ್ತಾ? ಎಂದಾಗ
ಅವ್ವ ಕೋಣೆಯಿಂದ ಓಡಿಬಂದು
ಆಳು ಎನ್ನಬೇಡ ನೊಂದುಕೊಂಡಾನು
ಇಡೀ ದಿನ ಉತ್ತು ಬಂದರೂ
‘ಕಾಪಿ ಕೊಡಿ ಅವ್ವಾರೆ’ ಅಂದಾನು

ಹಸುವನ್ನೊಮೆ ಮೂವತ್ತು ಮೈಲಿ ನಡೆದೇ ಹೊಡೆದುಕೊಂಡು ಹೋದ ನೆಂಟರ ಮನೆಗೆ
ಅಲ್ಲಿನ ಉಪ್ಪೆಸರಿಗೆ ತುಸು ಹೆಚ್ಚೇ ಖಾರ ಹಾಕಿಸಿಕೊಂಡ
ಮದುವೆ ಆಗಬೇಕು ಎಂದು ಅಲ್ಲೆಲ್ಲ ಹೇಳಿ ಬಂದ
ಮಲ್ಲಿಗೆ ಕಂಡಾಗಲೆಲ್ಲ ಅವಳನ್ನೊಮ್ಮೆ ನೆನೆದ

ಎಲ್ಲಿರುವನೋ ಅವಡುಗಚ್ಚಿ ಹೊಲವ ಅಗೆದ ಭೂಪ
ಅವನ ನೆನಪ ಸಾಗರದಲ್ಲಿ ನನ್ನ ಹೃದಯ ದ್ವೀಪ

‍ಲೇಖಕರು Avadhi

January 15, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಐದು ಸಮಕಾಲೀನ ಗ್ರೀಕ್ ಕವನಗಳು

ಐದು ಸಮಕಾಲೀನ ಗ್ರೀಕ್ ಕವನಗಳು

ಕನ್ನಡಕ್ಕೆ: ಎಸ್ ಜಯಶ್ರೀನಿವಾಸ ರಾವ್ ಇಲ್ಲಿರುವ ಐದು ಕವನಗಳನ್ನು ೨೦೧೬ ರಲ್ಲಿ ಪ್ರಕಟವಾದ ಆಸ್ಟ್‌ರಿಟಿ ಮೆಶರ್ಸ್ (Austerity Measures; Ed....

ಭುವನಾ ಹಿರೇಮಠ ಹೊಸ ಕವಿತೆ- ರಾತ್ರಿ ಮತ್ತು ಕನ್ನಡಿ

ಭುವನಾ ಹಿರೇಮಠ ಹೊಸ ಕವಿತೆ- ರಾತ್ರಿ ಮತ್ತು ಕನ್ನಡಿ

ಭುವನಾ ಹಿರೇಮಠ ರಾತ್ರಿ ಕನ್ನಡಿ ನೋಡಬಾರದು'ರಾತ್ರಿ'ಯೂ ಒಂದು ಹೆಣ್ಣುಕನ್ನಡಿಯೂ ಕನ್ನಡಿ ಯಾವಾಗಲೂ ನನ್ನನ್ನೇ ತೋರಿಸದುಎಷ್ಟೋ ಬಾರಿ ನನಗೆ ನಾನೇ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This