ಮಹಿಳೆಯರ ದಿನ, ನಾನು

ಛಾಯಾ ಭಗವತಿ
sಹಠ ಹಿಡಿದು, ಪಟ್ಟು ಬಿದ್ದು ದುಡ್ಡು ಕೊಟ್ಟು ಕಳಿಸಿ
ಗೆಳತಿಯಿಂದ ಕೇರಳದ ಕಾಟನ್ ಸೀರೆ ತರಿಸಿ, ಧರಿಸಿ,
ತುರುಬನೆತ್ತಿ ಕಟ್ಟಿಕೊಂಡು, ದೊಡ್ಡ ಮಣಿಯಸರವ ಕೊರಳಿಗಿಟ್ಟು
ಅಪ್ಪಟ ಸಮಾಜಸೇವಕಿಯಾಗಿ
ಕೊಳಗೇರಿಯ ಮಕ್ಕಳಿಗೆ ಸ್ನಾನ ಮಾಡಿಸಲು ಹೋದೆ
ಮನೆಯಲ್ಲಿ ಗ್ಯಾಸ್ ಗೀಜರನ್ನು ಬಳಸುವುದಷ್ಟೇ ಬಂತು
ಖಾಲಿಯಾದ ಸಿಲಿಂಡರನ್ನು ಬುಕ್ಕು ಮಾಡಿಸದೇ
ಎರಡು ದಿನ ಸ್ನಾನ ಇಲ್ಲ ಅಂತ ಇವರು ಚಂಡೆ ಬಾರಿಸುತಿದ್ದರು!
ಸಂಗೀತ ಕಲಿಯಲೆಂದು ಹೋಗಿ ಕೂತು
ಗುರುಗಳಿಗೆ ವಂದಿಸಿಯೂ ಆಗಿರಲಿಲ್ಲ
ಮೌನದ ಮೋಡಿಗೆ ಇಟ್ಟರೂ ಮೊಬೈಲು
ಬೇಡದ ಹಾಡು ಒದರಿ ಜೊತೆಗೆ ಮಕ್ಕಳ ತೋಡೀ ರಾಗವು ಕೇಳಿ,
ಒಟ್ಟಿಗೇ ಅಡಿಗೆ ಮನೆಯ ಪಾತ್ರೆಗಳ ಭರ್ಜರಿ ಸಾಥ್ ನುಡಿಸುತ್ತಿದ್ದರು!
‘ಹಿತ್ತಿಲ ಗಿಡ ಮದ್ದಲ್ಲ’ ನೋಡಿ ಬೇರು ಜಜ್ಜಿ, ಗರಿಕೆ ಹಿರಿದು
ಕಾಚು, ಬಜಿ, ತೊಪ್ಪಲು ಬಳ್ಳಿಗಳ ರಸ ಹಿಂಡಿ
ನೋವಿದೆ ಎಂದಲ್ಲಿಗೆಲ್ಲ ಬಳಿದು, ಬಿಟ್ಟು
ಬಲವಂತವಾಗಿ ಮಲಗಿಸಿ ಮನೆವೈದ್ಯ ಮಾಡಿದ್ದೇ ಖರೇವು
ತುರಿಕೆ, ಕೆರೆತ, ಕುರುವನೊತ್ತಿ ಹಿಡಿದು ಹೋಗಿ
ಚಪ್ಪಿಗೆ ಚುಚ್ಚಿಸಿಕೊಳುವುದು ತಪ್ಪಲಿಲ್ಲ ಎಂದೆಲ್ಲ
ಮನೆ ಸೇರುವತನಕ ಮಾತಲ್ಲೇ ಚಚ್ಚುತಿದ್ದರು
ಸತ್ಸಂಗದ ಗುಂಪೊಳು ನನ್ನದೇ ದನಿ ಏರಿಸಿ ಹಾಡಿಕೊಂಡೆ
ಇರುವ ಶಾಂತಿಯೆಲ್ಲ ಕದಡಿ, ತಲೆಗೊಂಡು ಮಾತು ಬಂದು
ಗುರುಗಳು ಮೌನದಿಂದ ಮನೆಗೆ ಹೋಗೆಂದು ಅಪ್ಪಣೆ ಕೊಡಿಸಿ
ಕಣ್ಣೀರು ತೊಡೆಯುತ್ತಲೇ ಹೊಸಿಲು ದಾಟಿ ಅಡಿಯಿಟ್ಟೊಳ ಬಂದರೆ
ಇದು ಯಾವ ಸೀಮೆಯ ತಪವಾಯಿತೆಂದು
ಕೀಲಿಮಣೆ ಕುಟ್ಟುತ್ತ, ಕಿವಿಗೆ ಶಾಂತವಾಗಿರಿಸುವ ಸಂಗೀತ ಕೇಳುತ್ತ
ಕೂತಿದ್ದ ಅಣ್ಣನ ಮಕ್ಕಳು ಕಣ್ಣು ಮಿಟುಕಿಸುತ್ತಿದ್ದರು
ನಾನು ನಿರಿಗೆ ಹಿಡಿದು ಅಡಿಗೆಮನೆಗೆ ಹೊರಟೆ
ಅಮ್ಮಾ, ಇವತ್ತು ಹೋಳಿಗೆಯಾ? ಅತ್ತೆ, ರೊಟ್ಟಿ ಎಣಗಾಯಿಯಾ?
ಅಂತ ಚಿಳ್ಳೆ ಪಿಳ್ಳೆಗಳೆಲ್ಲ ಬೆನ್ನಿಗಾತುಕೊಂಡವು
ಮೊನ್ನೆಯಷ್ಟೇ ಮುಗಿದು ಹೋದ, ಸ್ಕೆಚ್ಚು ಪೆನ್ನಿನಿಂದ
ರೌಂಡು ಹಾಕಿಸಿಕೊಂಡಿದ್ದ ಮಹಿಳಾ ದಿನ
ಕ್ಯಾಲೆಂಡರಿನಲ್ಲಿ ಕೆಂಪು ಕೆಂಪಾಗಿ ನಗುತ್ತಿತ್ತು.

‍ಲೇಖಕರು avadhi

April 10, 2009

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಉಂಡು ಮರೆತ ಒಡಲ ಕನಸು

ಉಂಡು ಮರೆತ ಒಡಲ ಕನಸು

ಪ್ರೊ. ಚಂದ್ರಶೇಖರ ಹೆಗಡೆ ಪಲವಿನ್ನೂ ಹಸಿ ಹಸಿಯಾಗಿದೆಬನ್ನಿ ಗಿರಾಕಿಗಳೇ ಮುಖವಿಟ್ಟು ಆಸ್ವಾದಿಸಿಬಿಡಿ ಖಾಲಿಯಾಗಿರುವ ಎದೆಯ...

ನೆನಪಿನ ಘಮಲು…

ನೆನಪಿನ ಘಮಲು…

ಸೌಜನ್ಯ ನಾಯಕ ಬೆಳಗಿರುವೆ ನಾನೊಂದುಪುಟ್ಟ ಹಣತೆಯಅಂಧಕಾರವನ್ನ ಹೊಡೆದೊಡಿಸಲುಉರಿಯುವ ದೀಪದ ಬೆಳಕಲಿಬೆಸೆಯುವ ಪ್ರೀತಿಯ ಬೆಳಗಿಸಲು… ಹಾಗೆಂದುನಾ...

ಪಿಳ್ಳೆ ನೆವ

ಪಿಳ್ಳೆ ನೆವ

ಸಂಗಮೇಶ ಸಜ್ಜನ ಅಮ್ಮ ನನ್ನ ಬಯ್ಯಬೇಡಮ್ಮ ನನ್ನದೇನು ತಪ್ಪು ಇಲ್ಲಮ್ಮ ಬೇಕು ಅಂತ ಮಾಡಿಲ್ಲ ಮನ ಬೆಕ್ಕು ಅಡ್ಡಿ ಬಂದಿತ್ತು...

2 ಪ್ರತಿಕ್ರಿಯೆಗಳು

  1. maheshchandra

    chennagide, odisikonditu. adare kelavede kaagunita dhosha, angtya pada, bekillada todi deerga…
    ತಲೆಗೊಂಡು
    ತೋಡೀ
    ಬಳಿದು,ಬಿಟ್ಟು..
    yene irali aparupakke badukige hattiravada kavite khushi kottitu.
    abhinandane

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: