ಮಾಲಾಅಕ್ಕಿಶೆಟ್ಟಿ ಕವಿತೆ ‘ರೆಕ್ಕೆ ಸುಟ್ಟ ಹಕ್ಕಿ’

ಮಾಲಾ ಅಕ್ಕಿಶೆಟ್ಟಿ

ನೀಲಿ ನೀಲಿ ನೀಲಿ
ಸಮುದ್ರದಂತೆ ಆಕಾಶ
ಸಂಜೆ ಇಳಿ ಹೊತ್ತಲಿ
ಚಲಿಸುವ ಬೆಣ್ಣೆಯಂಥ
ಮೋಡಗಳು ಎಲ್ಲೆಲ್ಲೂ
ಸ್ಪಟಿಕದ ಸ್ಪಷ್ಟತೆ ಆಕಾಶದಲ್ಲೂ
ದೇಹದಲ್ಲೂ ಮನದಲ್ಲೂ

ಅಲ್ಲೊಂದು ಹಕ್ಕಿಗಳ
ಗುಂಪು ಹಾರುತ್ತ ಹಾರುತ್ತ
ಪೂರ್ವದ ಕಡೆಗೆ ಮತ್ತೆ ಅದೇ
ದಿಕ್ಕಿನಿಂದ ಬಹುಶಃ ನಾಳೆಯ
ಹಾರಾಟ, ಛೇ! ಒಂದು ಕಪ್ಪು
ಬಿಳುಪಿನ ಹಕ್ಕಿ ಹಿಂದುಳಿದೇ
ಬಿಟ್ಟಿತು ಗುಂಪನ್ನು ತಪ್ಪಿಸಿಕೊಂಡ
ಆಡಿನ ಮರಿಯಂತೆ, ಕರುವಿನಂತೆ
ಸೋತ ರೆಕ್ಕೆಗಳ ಕಾರಣ

ಗುಂಪಿನಲ್ಲೇ ಇರಬೇಕು
ಪ್ರಯತ್ನ ಸದಾ ಒಂಟಿ ಹಕ್ಕಿ
ಹೊಡೆತದ ಮೇಲೆ ಹೊಡೆತ
ಬಿಟ್ಟ ಬಿರುಗಾಳಿ, ಸುರಿದ ದೊಡ್ಡ
ಹನಿ ಮಳೆ, ದೇಹ ಸುಡುವ
ಉರಿ ಬಿಸಿಲು, ಕಿತ್ತೇ ಬಿಟ್ಟವು
ಚೆಂದದ ಹಕ್ಕಿಯ ರೆಕ್ಕೆಗಳ
ಸ್ತಬ್ಧಗೊಂಡ ಚಲಿಸುವ ಮೋಡಗಳು

ಅಂತಿಮ ಕರ್ತವ್ಯಗಳು
ಹೂತ ರೆಕ್ಕೆಗಳು ಮಣ್ಣಲ್ಲಿ
ಆತ್ಮೀಯ ಕಣ್ಣೀರ ನದಿ, ಹೂಗಳ ರಾಶಿ
ನೈವೇದ್ಯಕ್ಕಿಟ್ಟ ಯಾವ ರುಚಿಗಳೂ
ಸಂತೈಸಲ್ಲ ರೆಕ್ಕೆಯ ರೋಧಿಸುವ
ಮತ್ತೆ ಮತ್ತೆ ಬಿಕ್ಕುವ ಆತ್ಮವ

‍ಲೇಖಕರು Avadhi

February 21, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬೊಗಸೆಗೆ ಸಿಗದ ಮಳೆಯಂತೆ…

ಬೊಗಸೆಗೆ ಸಿಗದ ಮಳೆಯಂತೆ…

ಅಶ್ಫಾಕ್ ಪೀರಜಾದೆ ತುಳಿದಿದ್ದು ಸಾಕಷ್ಟು ದಾರಿಕ್ರಮಿಸಿದ್ದು ಸಾವಿರಾರು ಮೈಲಿಹಿಂದಿರುಗಿ ನೋಡಿದರೆ ಅನಾಥಮಕ್ಕಳಂತೆ ಮರಳಿನ ಮೇಲೆಮಲಗಿದ ಅನಾಮಿಕ...

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಹೊಸ ಕವಿತೆ- ಒಂದೇ ಒಂದು ಕರೆಗಂಟೆ ಸದ್ದಿಗಾಗಿ…

ಬಿದಲೋಟಿ ರಂಗನಾಥ್ ಮನಸ ಮಲ್ಲಿಗಂಟಿಯ ಮೇಲೆಗುಬ್ಬಿಯೊಂದು ಗೂಡುಕಟ್ಟಿಗುಲಗಂಜಿ ಗಾತ್ರದ ಪ್ರೀತಿ ಹರಸಿಮೊಗದ ಕನ್ನಡಿಯ ಮೌನವಾಗಿಸಿನೆಲ ತಬ್ಬಿದ...

3 ಪ್ರತಿಕ್ರಿಯೆಗಳು

  1. ಮಲ್ಲಿಕಾರ್ಜುನ ಎಸ್ ಇಂಚಲ

    “ರೆಕ್ಕೆ ಸುಟ್ಟ ಹಕ್ಕಿ”
    ಕವಿತೆ ಅದ್ಭತವಾಗಿದೆ.
    ಬದುಕಿನ ಹೋರಾಟದಲ್ಲಿ ಸಿಕ್ಕು ಅನೇಕ ಏಳು ಬೀಳುಗಳನ್ನು ಕಂಡು ಕೊನೆಗೆ ಯಾವುದೂ ಶಾಶ್ವತವಲ್ಲ ಅನ್ನುವ ಏಕಮಾತ್ರ ಮೌಲ್ಯವನ್ನು ಕವಿತೆ ಧ್ವನಿಸಿದೆ.
    ವಾಚ್ಯಾರ್ಥದಲ್ಲಿ ನಿಮ್ಮ ಕವಿತೆ ತೀರ ಸರಳ ಅನ್ನಿಸಿದರೂ ಆ ಕವಿತೆಯ ಒಳಹೊಕ್ಕಾಗ ವೇದ್ಯವಾಗುವ ಅಂಶಗಳೆ ಬೇರೆ.
    ಕೆಲವು ಸಲ ನಿಮ್ಮ ಕವಿತೆಗಳನ್ನು ಎರಡೆರಡು ಬಾರಿ ಓದಿ ಅರ್ಥೈಸಿಕೊಳ್ಳಲು ನಾನು ಪ್ರಯತ್ನಿಸಿದ್ದಿದೆ.
    ಒಂದು ರೀತಿಯಲ್ಲಿ ಬೇಂದ್ರೆ ಅವರು ಹೇಳುವ ಹಾಗೆ
    “ಕವಿತೆ ಅನ್ನುವುದು ಅಮೃತಕ್ಕೆ ಹಾರುವ ಗರುಡ”
    ಅದು ಸುಲಭದಲ್ಲಿ ಅರ್ಥವಾಗಲಾರದು.
    ಕವಿತೆಯೇ ನಾವಾದಾಗ ಮಾತ್ರ ಅದರ ರಸಸ್ವಾದನೆ ಸಾಧ್ಯ.
    ಅಭಿನಂದನೆಗಳು ಮೆಡಮ್.
    ಅವಧಿಗೂ ಕೃತಜ್ಞತೆ.

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: