ಮೊದಲು ಕೆಲಸ ಮಾಡುವೆ

-ಸಿಸು ಸಂಗಮೇಶ 

40ಚಿತ್ರ: ಪ ಸ ಕುಮಾರ್

ಮಗು;- ಇರುವೆ ಇರುವೆ ಕರಿಯ ಇರುವೆ

         ನಾನು ಜೊತೆಗೆ ಬರುವೆ.

         ಆಡಲಿಕ್ಕೆ ಅಮ್ಮನಿಂದ ಕರಣಿ  ಬೆಲ್ಲ ತರುವೆ

 

ಇರುವೆ: ಮಳೆಯ ಕಾಲ ಬರುತಲಿಹುದು

            ನನಗೆ ಸಮಯವಿಲ್ಲ.

            ಅನ್ನ ಕೂಡಿ ಹಾಕಿ ಇಟ್ಟು ಕರೆಯ

            ಬರುವೆನಲ್ಲ


ಮಗು:  ನಾಯಿಮರಿ ನಾಯಿಮರಿ

           ನಿನ್ನ ಜೊತೆಗೆ ಆಡುವೆ.

           ಕುಂಯ್ ಕುಂಯ್ ರಾಗ ಕಲಿಸು ನಿನ್ನ

           ಹಾಗೆ ಹಾಡುವೆ.

ನಾಯಿ: ಆಡಲಿಕ್ಕೆ ಹಾಡಲಿಕ್ಕೆ

             ನನಗೆ ಸಮಯವಿಲ್ಲ.

             ಅನ್ನ ಹಾಕಿದವನ ಮನೆಯ

             ಕಾಯುತಿರುವೆನಲ್ಲ

 

ಮಗು:  ಜೇನು ಹುಳುವೆ ಜೇನು ಹುಳುವೆ 

           ಎಲ್ಲಿ ಹೋಗುತಿರುವೆ.

           ಕರೆದುಕೊಂಡು ಹೋಗು ನನ್ನ

           ನಿನ್ನ ಜೊತೆಗೆ ಬರುವೆ.

 

ಜೇನುಹುಳು : ಬನವ ಸುತ್ತಿ ಸುಳಿದು ನಾನು

                        ಜೇನನರಸಿ ತರುವೆ

                       ಈಗ ಬೇಡ ಚೈತ್ರ ಬರಲಿ

                       ಆಗ ನಾನು ಕರೆವೆ 


ಮಗು: ಕೂಹೂ ಕೂಹೂ ಕೂಗುತಿರುವ

           ಮಧುರ ಕಂಠ ಕೋಗಿಲೆ

           ಎಲೆಯ ಬಲೆಯ ನೆಲೆಯೊಳಿರಲು

           ನಾನು ಜೊತೆಗೆ ಬರುವೆ        

 

ಕೋಗಿಲೆ: ಕಾಕದೃಷ್ಟಿ ತಪ್ಪಿಸಲ್ಕೆ

                 ಹೊಂಚಿನಲ್ಲಿ ಇರುವೆ

                 ಚೈತ್ರ ಕಳೆಯೆ ಒಂಟಿ ಇರುವೆ

                 ಆಗ ಕರೆಯ ಬರುವೆ

 

ಮಗು: ಯಾರೂ ಇವರು ನನ್ನ ಕೂಡ

ಆಡಲಿಕ್ಕೆ ಒಲ್ಲರು

ತಮ್ಮ ತಮ್ಮ ಕೆಲಸದಲ್ಲಿ ವೇಳೆ

ಕಳೆವರೆಲ್ಲರು

ಅವರ ಹಾಗೆ ಮೊದಲು ನನ್ನ ಕೆಲಸ ನಾನು

ಮಾಡುವೆ

ಓದು ಬರಹ ಮುಗಿಸಿಕೊಂಡು ಸಮಯ

ಉಳಿಯೇ ಆಡುವೆ.

‍ಲೇಖಕರು avadhi

January 17, 2009

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ಅವಿವಾಹಿತನ ವೈವಾಹಿಕ ಕಲ್ಪನೆಗಳು

ವಿಶ್ವನಾಥ ಎನ್. ನೇರಳಕಟ್ಟೆ ನನ್ನವಳು ‘ಊಟದಲ್ಲಿದ್ದಂತೆ ಹೋಳಿಗೆನೀನು ನನ್ನ ಬಾಳಿಗೆ’ಎನ್ನದಿದ್ದರೆ ಮಾಡಿಟ್ಟ ಹೋಳಿಗೆಹಾಕುವುದೇಇಲ್ಲ ನನ್ನ...

ಚೈತ್ರಚೇತನ ಕೊನರಿ…

ಚೈತ್ರಚೇತನ ಕೊನರಿ…

ಅರ್ಚನಾ ಎಚ್ ಹೆಡೆಯರಳಿ ಬುಸುಗುಟ್ಟಿಕೋಪದುರಿಬುಗ್ಗೆಗಳ ಎಸರು..ತಿಳಿಬಾನಿಗೆರಚಿ ಕೆಸರು..!!ರಾಡಿಕೊಳದಲಿ ಕಂಡದ್ದು ಭಗ್ನ...

ಮಣ್ಣ ಕಾಯಕ ಕಾಯುವುದಷ್ಟೇ…

ಮಣ್ಣ ಕಾಯಕ ಕಾಯುವುದಷ್ಟೇ…

ಸಂತೆಬೆನ್ನೂರು ಫೈಜ್ನಟ್ರಾಜ್ ಎಷ್ಟೇ ಬಿಡಿಸಿದರೂ ಅಲ್ಲೊಂದು ಇಲ್ಲೊಂದು ಮೊಗ್ಗು ಬಳ್ಳಿಯಲೇ ಉಳಿದಂತೆ ಅಗೋ ಉಳಿದಿವೆ ನೋಡು ಆಡದ ಎಷ್ಟೋ...

4 ಪ್ರತಿಕ್ರಿಯೆಗಳು

  1. ಸುಬ್ರಮಣಿ

    ಬಾಲ್ಯ ನೆನಪಿಸಿದಕ್ಕೆ ಥ್ಯಾಂಕೂ…

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: