ಮೌನ ತಪಸ್ವಿಯೊಡನೆ ಸಂವಾದ

 

 na divakarನಾ ದಿವಾಕರ

ಏನು ಮಾತನಾಡುವೆ

ಈ ಮಂದಸ್ಮಿತ ಮೌನ ತಪಸ್ವಿಯೊಡನೆ

ಇವ ಮೌನಿ ;

ಹೌದು ಶತಮಾನಗಳಿಂದ

ತನ್ನೊಡಲಾಳದ ಬೇಗುದಿಗಳ

ಹುಗಿದು

ಕಣ್ಣಾವೆಗಳ ಮುಚ್ಚಿ

ನೆನೆದುದೆಲ್ಲವನೂ ಮರೆತು

ಸಂತೆಯಲಿ ನಿಂತ ಕಬೀರನೊಡನೆ

ಎನಿತು ಸಂವಾದ ?

frog

 

ಒಂದು ಹನಿ ಮಳೆಗೆ

ವಟಗುಟ್ಟುವ ನಿನಗೆ ಮೌನದ

ಅರ್ಥವೇ ತಿಳಿಯದಲ್ಲವೇ ?

ನೀ ಕಂಡ ಜಗವೇ ಸ್ವರ್ಗ

ನೀನಾಡುವ ನುಡಿಯೇ ಮಧುರ

ಎಂದೆಣಿಸುವ ನಿನಗೆ

ಮುಗಿಲೆತ್ತರಕೆ ನಿಂತ

ಮೌನಿಯ ಮನದಾಳದ ಮಾತು

ಅರಿವಾಗುವುದೆಂತು !

 

ಏಕೀ ಮೌನ ?

ವಿಕೃತಿಯೋ ವಿಸ್ಮೃತಿಯೋ

ಬೃಹಸ್ಪತಿಗಳ ಲೋಕದ

ಅನುಭೂತಿಯೋ

ಎಲ್ಲವೂ ಸಂಕೀರ್ಣ ;

ಎತ್ತರದಿ ಕುಳಿತಿರುವೆ

ಅಚ್ಚರಿಯ ನೋಟದಲಿ

ದನಿಯಡಗಿಸಿ ಸುತ್ತ

ದೃಷ್ಟಿ ಹಾಯಿಸು

ಮೌನದ ನೆಲೆ ಕಾಣುತ್ತದೆ !

 

ಏನು ತಾನೇ ಮಾಡಿಯಾನು

ದನಿಗೆ ದನಿಯಾದರೆ

ದಮನ

ಭುಜಕೆ ಭುಜ ನೀಡಿದರೆ

ಹರಣ

ಕಣ್ಣಿಗೆ ಕಣ್ಣೆನುವ ದ್ವೇಷಾಗ್ನಿಯಲಿ

ಎತ್ತೆತ್ತಲೂ ಕಗ್ಗತ್ತಲೆಯೇ

ಸುತ್ತ ಬಂಧನದ ಸೆಲೆಯೇ !

 

ಶಿಲೆಯಲ್ಲ ಇವ

ಕಲೆಯಲ್ಲರಳಿದ ಶಿವ

ಎದೆಬಡಿತದಲಿ ಆಲಿಸು

ಮೌನಿಯ ಮಾತುಗಳನು ;

ಜಗವರಿಯದವ ನೀನು

ಕೂಪದಿಂ ಜಿಗಿದು

ಶಿಖರ ಏರಿರುವೆ

ಮೌನಿಯಾಗಿಬಿಡು

ಮತ್ತೊಂದು ಹನಿಮಳೆಯ

ಗುಂಗಿನಲಿ !

‍ಲೇಖಕರು Admin

September 27, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: