ಯುದ್ಧ ಶಪಿಸುವ ದೇಶದ್ರೋಹಿ ನಾನು..

manjula hulikunte

ಮಂಜುಳಾ ಹುಲಿಕುಂಟೆ 

ನೀವೇನೇ ಹೇಳಿ
ಯುದ್ಧ – ಶತೃತ್ವದ ಕುರಿತು
ನನಗಷ್ಟು ಮೋಹವಿಲ್ಲ ..
ಯುದ್ಧವನ್ನೇ ಶಪಿಸುವವಳ
ದೇಶದ್ರೋಹಿ ಅನ್ನುವುದಾದರೇ
ನನ್ನ ಅಭ್ಯಂತರವೂ ಇಲ್ಲ…

no-warಅಲ್ಲಿ ಗಡಿಯಲ್ಲೊಬ್ಬ
ಗೆಳೆಯನಿದ್ದಾನೆ
ಕೂಡು ಕುಟುಂಬದ ಹಸಿವ ತಣಿಸಲು
ಹಸಿ ಬದುಕನ್ನೆ ಬಲಿಗೊಟ್ಟು
ಬೆನ್ನಿಗೆ ಬಂದೂಕು ಕಟ್ಟಿಕೊಂಡು
ಮಳೆ-ಚಳಿ-ಗಾಳಿಯಲ್ಲಿ
ಸಣ್ಣಗೆ ಉರಿಯುತ್ತಾನೆ
ಯುದ್ಧವೆಂದರೆ ಅವನ ನೆನಪು ಆತಂಕ
ಏನೋ ಭಯ..
ಸಣ್ಣ ತಂಗಿ ಓದುತ್ತಿದ್ದಾಳಂತೆ
ಅಮ್ಮಾ ನಿತ್ಯ ದಾರಿಕಾಯುತ್ತಾಳೆನ್ನುವುದೇ
ಅವನ ನೋವು ..

ನೀವೇನೇ ಹೇಳಿ
ದಿನದ ಅನ್ನಕ್ಕಾಗಿ
ಪರಿತಪಿಸುವ ನನ್ನ ಕೇರಿಯ
ಅದೆಷ್ಟೋ ಮಂದಿಗೆ
ಈ ಗಡಿಗಳ ಕುರಿತು
ಏನೊಂದೂ ತಿಳಿದಿಲ್ಲ..

ಮೊನ್ನೆಯಷ್ಟೇ ಸತ್ತ ಯೋಧನ ಪತ್ನಿ
ಪರಿತಪಿಸಿದ್ದು
ಮತ್ತಾವ ಹೆಣ್ಣಿಗೂ
ಈ ನೋವು ಬೇಡವೆಂದಷ್ಟೇ
ಬಹುಷಃ …
ಯುದ್ಧೋನ್ಮಾದದಲ್ಲಿ ಅಬ್ಬರಿಸುವ
ಯಾರ ಮನೆಯ ಮಗನೂ ಗಡಿಯಲಿಲ್ಲ…

ಅಲ್ಲಿ ಸತ್ತವನ
ಇಲ್ಲಿ ಸತ್ತವನ
ಇನ್ನೇಲ್ಲೋ ಸತ್ತವನ
ಮಡದಿಯರ ಒಡೆದ ಕೈಬಳೆಗಳ
ಸದ್ದ ಸುಖಿಸುವ ಸಂಕುಚಿತನೊಬ್ಬನ
ನೀಚ ಹಾಡಿಗೆ
ಉಧೋ ಎಂದ
ಹೆಣ್ತನ ಸತ್ತವರ
ಕುರಿತು ಕನಿಕರ ಪಡಬೇಕೆ
ಇಲ್ಲ ಇನ್ನಷ್ಟು ..
ಯುದ್ಧ-ಯುದ್ಧವೆಂದಷ್ಟೇ
ಹಪಹಪಿಸಬೇಕೆ ತಿಳಿದಿಲ್ಲ …

ಯಾರದೋ ಸಾವು
ಹಬ್ಬವಾದ ದಿನಗಳಲ್ಲಿ
ಸತ್ತ ಅವರ ಅಂತಃಕರಣದ ಕುರಿತು
ಯೋಚಿಸುತ್ತೇನೆ …

ಯಾವ ಯುದ್ಧದಲ್ಲೂ
ಉಳ್ಳವರ ಮನೆಯ ಬಲಿತ ಹೆಣಗಳು ಬಿದ್ದಿಲ್ಲ
ರಕ್ತಮೋಹಿ ನಾಯಕರೂ ಸತ್ತಿಲ್ಲ
ಯುದ್ಧ ವೆಂದರೇ …
ತಿಂದು ತೇಗುವವರ
ಸಂತೋಷಕ್ಕಾಗಿ ನಡೆವ
ಬಡವರ ಮಕ್ಕಳ ಸಾವಿನ ವೈಭವವಷ್ಟೇ …

‍ಲೇಖಕರು Admin

September 30, 2016

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಯಾವ ‘ಮೋಹನ’ ಮುರಲಿ ಕರೆಯಿತೋ…

ಸಂಗೀತ ರವಿರಾಜ್ ನನ್ನನ್ನು ಅತಿಯಾಗಿ ಕಾಡಿದ ಅಗಲಿಕೆಗಳಲ್ಲಿ ಇದೂ ಒಂದು. ನಿರಂತರ ಒಡನಾಟದಲ್ಲಿ, ಮಾತುಕತೆಯಲ್ಲಿ ಇಲ್ಲದೆ ಇದ್ದರು ಕೆಲವುಸಾವು...

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ನರೇಂದ್ರ ಪೈ ಅವರ “ಕನಸುಗಳು ಖಾಸಗಿ”

ಕಮಲಾಕರ ಕಡವೆ ಕತೆಯಿರುವುದು ಕಣ್ಣಲ್ಲಿ. ಕತೆಗಾರರ ಕಣ್ಣು ಕಾಣಲು ನಿರ್ಧರಿಸುವ ಜಗತ್ತು ಅವರ ಸುತ್ತಲಿನದೋ, ಒಳಗಿನದೋ, ಹಿಂದೆಂದಿನದೋ,...

ಅಂದಿನಿಂದಿಂದಿಗೆ

ಅಂದಿನಿಂದಿಂದಿಗೆ

ಶ್ಯಾಮಲಾ ಮಾಧವ ಮೊರೆಯುವ ಕಡಲು. ವಿಶಾಲ ಮರಳ ಹಾಸು. ಗಾಳಿಯಲೆಯಾಡುವ ಸುವಿಶಾಲ ಚಬುಕಿನ ತೋಪು. ಅದರ ನಡುವೆ ವೃತ್ತಾಕಾರದ, ಕಟ್ಟೆಯಿರದ, ಇಳಿಯಲು...

2 ಪ್ರತಿಕ್ರಿಯೆಗಳು

  1. ಹರೀಶ್ ಬೇದ್ರೆ

    ನೀವು ಹೇಳಿದ್ದು ಸತ್ಯ. ನಿಮ್ಮಂತ ದೇಶ ದ್ರೋಹಿಯೊಂದಿಗೆ ನಾನು ಇದ್ದೇನೆ.

    ಪ್ರತಿಕ್ರಿಯೆ
  2. ಸಚಿನ್ ಕುಮಾರ

    ಕಾಲು ಕೆರೆದುಕೊಂಡು ಯುದ್ಧಕ್ಕೆ ಬರುವವರೊಂದಿಗೆ ಸರಸವಾಡಬೇಕೆ?

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: