ಲೀಲಾ ಅಪ್ಪಾಜಿ ಕಂಡಂತೆ ’ಬುದ್ಧ ಮತ್ತು ಗಾಂಧಿ’

ಲೀಲಾ ಅಪ್ಪಾಜಿ

(ಹುಸೇನ್ ರಚಿಸಿದ ಬುದ್ಧ ಹಾಗೂ ಗಾಂಧಿ ವರ್ಣಚಿತ್ರ)

ಅವನು ಬದ್ಧ ಹಾಗೂ ಬುದ್ಧ
ಸಿದ್ಧಾರ್ಥನಾಗಿದ್ದವ
ಅರ್ಥಕ್ಕೆ ಸೀಮಿತವಾದರೆ ಅನರ್ಥ
ಎನ್ನುವುದನ್ನರಿತ.
ಮೋಹದ ಬಲೆಯಿಂದ ಪಾರಾಗಲು
ನಡುರಾತ್ರಿಯಲ್ಲಿ ಬೆಳಕ ಅರಸಿ
ಅರಸಿಯ ತೊರೆದು ಹೊರಟೇಬಿಟ್ಟ
ಅಣೋರಣಿಯಾನ್ ಮಹತೋಮಹೀಯಾನ್
ಶೂನ್ಯದ ಹಾದಿಯನು ಹಿಡಿದವ
ಮತ್ತೆ ಜಗದ ಬಾಗಿಲಿಗೆ
ಬೆಳಕಿನೊಡನೆ ಬಂದ
ಬಳಿಗೆ ಬಂದವರಿಗೆ
ಬೆಳಕ ಝಳಕ ಮಾಡಿಸಿದ
ಇವನು ಗಾಂಧಿ ಮತ್ತು ಅಪ್ಪ
ಬ್ಯಾರಿಸ್ಟರ್ ಗಾಂಧಿ
ಕೋರ್ಟಿನ ಕಟ್ಟಳೆಗೆ ವಾದಿಸುತ್ತಾ
ಜನರೊಡನೆ ಸಂವಾದಿಸುತ್ತಾ
ಪ್ರಯೋಗಗಳಿಗೆ ಒಡ್ಡಿಕೊಂಡ
ಬಾ ಎಂದ, ಬಾಗು ಎಂದ, ಬಾ..ಗೆ
ಹೆತ್ತ ನಾಲ್ವರಿಗೆ ಲೋಕ ಬಯಸಿದಂತೆ
ಅಪ್ಪನಾಗಲಿಲ್ಲ ನಿಜ…
ನಡುರಾತ್ರಿಯಲಿ ಗಡಿ ದಾಟುವಂತೆ ಮಾಡಿ
ಸ್ವಾತಂತ್ರ್ಯದ ಬೆಳಕ ನೀಡಿ
ದೇಶಕ್ಕೆ ಅಪ್ಪನಾದ..
ಹಾಲಾಹಲವನಿತ್ತವರಿಗೂ
ಶಾಂತಿಯಮೃತವನಿತ್ತ.
ಇಬ್ಬರೂ ತಿರುತಿರುಗಿ ತಿರುಗಿದರು
ಲೋಕ ಕೊಟ್ಟುದ ಲೋಕಕಿತ್ತವರು.
ಅವನೋ ಅಹಿಂಸೆಯೇ ಪರಮ ಧರ್ಮ ಎಂದ
ಇವನೋ ಅಹಿಂಸೆಯೇ ನನಗೂ ಧರ್ಮವೆಂದ
ಅವನೂ ಧ್ಯಾನ ಮಾಡಿ ಬೆಳಕು ಪಡೆದ
ಇವನೂ ಧ್ಯಾನ ಮಾಡಿ ಬೆಳಕು ನೀಡಿದ
ಬುದ್ಧ…. ಬೇರೆಯಲ್ಲ; ಗಾಂಧಿಯೂ… ಬೇರೆಯಲ್ಲ.

‍ಲೇಖಕರು G

October 4, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮನ ಹರಿವ ನೀರು

ಮನ ಹರಿವ ನೀರು

ಅರುಣ ರಾವ್ ಮನವು ಹರಿವ ಸಲಿಲಓಡುವುದು ಸತತ ತಿನ್ನುವಾಗಲೂಕುಡಿಯುವಾಗಲೂಸ್ನಾನ ಜಪತಪಮಾಡುವಾಗಲೂ ಪೂಜೆ ಪುನಸ್ಕಾರಅಥಿತಿ ಸತ್ಕಾರಪಾಠ...

ರೆಕ್ಕೆ ಕಳಚಿದ ಸಂಕ್ರಮಣದ ಹಕ್ಕಿ

ರೆಕ್ಕೆ ಕಳಚಿದ ಸಂಕ್ರಮಣದ ಹಕ್ಕಿ

ಬಿದಲೋಟಿ ರಂಗನಾಥ್ ಬದಲಾಗದ ಬದುಕಿನೆದುರುಮಂಡಿಯೂರಿ ಕೂತುಬೆವೆತ ಕರುಳು ಕೂಗುವ ಸದ್ದಿಗೆಸುರಿವ ಕೆಂಡದ ಮಳೆಯಲಿ ತೊಯ್ದವನಿಗೆಯಾವ ಸಂಕ್ರಮಣ?...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: