ಲೋಕದ ಕಣ್ಣು ಮರುಗಲೂಬಹುದು!

ಕೆ.ಜೆ.ಕೊಟ್ರಗೌಡ ತೂಲಹಳ್ಳಿ

ಊರ ಬಯಲಿನ ದಿಬ್ಬದ ಮೇಲೆ
ಈ ಮಳೆಗಾಲಕ್ಕೆ
ಚಿಗುರೊಡೆದ ಹುಲ್ಲು ಗಂಬಳಿಯ
ಹಾಸಿನಲಿ
ನಾವಿಬ್ಬರೇ ಸಾನಿಧ್ಯವಹಿಸೋಣ
ಅದೆಷ್ಟು ಖಾಸಗೀ ಮಾತುಗಳು
ಬಾಕಿ ಉಳಿದಿವೆ!
ನಮ್ಮಿಬ್ಬರ ಮಧ್ಯೆ…

ಪ್ರತಿ ಗಾಳಿಯ ತಿಳಿ ಸ್ಪರ್ಶಕ್ಕೆ
ನಿನ್ನ ಅಂಗೈ
ನನ್ನ ನೆತ್ತಿಯ ನೇವರಿಸಲಿ
ನಿನ್ನ ಮಡಿಲು
ನನ್ನ ತೊಟ್ಟಿಲಾಗಿರಲಿ!

ಸಂಜೆಯಸೂರ್ಯ ಮಸುಕಾಗುವ
ಹೊತ್ತಿಗೆ
ನಿನ್ನ ಹಣೆಗೊಂದು
ಮುತ್ತು ಚುಂಬಿಸುವೆ
ಪ್ರೇಮದ ಮುದ್ರೆ
ಬಿಗಿಯಾಗಲು!
ಪ್ರಣಯದ ಸುಖ
ನಮಗೆಂದೂ ಅಪರೂಪ
ಆದ್ದರಿಂದ…

ಪ್ರೀತಿಯ ಸಖೀ…
ಪ್ರೇಮದ ಭಾಷೆ
ನಮ್ಮಿಬ್ಬರಿಗೆ ಮಾತ್ರ
ಸೀಮಿತ
ನಾವೋ
ಲೋಕದ ಕಣ್ಣಿಗೆ
ವಿರಹಿಗಳಾಗಿ
ಹೃದಯ ಬಾಗಿಲಿಗೆ
ಪ್ರೇಮದ ನಿಧಿಯಾಗಿರುವೆವು!

ಬಾ..
ಇದೋ
ಈ ಸಂಜೆಗೆ
ನಮ್ಮಿಬ್ಬರ ಪ್ರಣಯದ
ಓಟ ಸಾಕ್ಷಿಯಾಗಲಿ..

ಬಿಗಿದಪ್ಪಿ ಅತ್ತುಬಿಡೋಣ
ನಮ್ಮಿಬ್ಬರ ವಿರಹದ ಕೂಪ
ತಣ್ಣಗಾಗಿ
ಪರಪ ಪವಿತ್ರ ಪ್ರೇಮಿಗಳಾಗಿಬಿಡೋಣ..
ಲೋಕದ ಕಣ್ಣು
ಮರುಗಲೂಬಹುದು!

ಆಗಲಾದರೂ….

‍ಲೇಖಕರು Avadhi

September 19, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಾವೆಂದರೆ ಹೀಗೆಯೇ..

ಸಾವೆಂದರೆ ಹೀಗೆಯೇ..

ಚಂದ್ರಶೇಖರ ಹೆಗಡೆ ಎಲ್ಲ ಇದ್ದೂ ಇಲ್ಲವಾಗುವುದೆ ? ಇಲ್ಲದಿರುವುದಕ್ಕೆ ಬೆನ್ನುಬಿದ್ದು  ಖಾಲಿಯಾಗುವುದೆ ? ಹಸಿರು ತುಂಬಿದ್ದರೂ...

ಆನಾ ಆಹ್ಮತೋವಾ ನೆನೆದು

ಆನಾ ಆಹ್ಮತೋವಾ ನೆನೆದು

    ಜಿ.ಪಿ.ಬಸವರಾಜು ನಡುಗುವ ಕೈಗಳಿಂದ ನಿನ್ನ ಎದೆಯ ಪದಗಳನು ಎತ್ತಿಕೊಂಡೆ: ಸೆರೆಮನೆಯ ಮಹಾ ಗೋಡೆಯ ಈಚೆ ನೀನೊಂದು...

ಪಟದ ಪಾಡು

ಪಟದ ಪಾಡು

ಡಾ ಪಿ ಬಿ ಪ್ರಸನ್ನ ಮೊನ್ನೆ ಎಲ್ಲರಂತೆ ನನಗೂ ಪಟ ಹೊಡೆಸಿಕೊಳ್ಳುವ ಉಮೇದು ಬಂದದ್ದೇ ನಡೆದೆ ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This