ವಿಭಾ ಪುರೋಹಿತ್ ಕವಿತೆ- ವಾಗರ್ಥ

ವಿಭಾ ಪುರೋಹಿತ್

ಭೂಮ್ಯಾಕಾಶದ ತಾದಾತ್ಮ್ಯ
ಬಯಲಬಸಿರಲ್ಲೇ ಹಡೆದ
ಮೂಲ ಮೂರುಗಳು
ಗಾಳಿಯಾಗಿ ಉಸಿರಲ್ಲಿ ಉಳಿದು
ಅಗ್ನಿಯಾಗಿ ಉದರದಲ್ಲಿ ಉರಿದು
ಜಲವಾಗಿ ಕರ್ಣದಲಿ ಕೂತು
ಸರ್ವಸ್ವವನ್ನಾವರಿಸಿದೆ

ಔನ್ನತ್ಯದಲ್ಲಿದ್ದರೂ ಅವಳು
ಸತತ ಅವನದೇ ಸಾಂಗತ್ಯ
ಎಲ್ಲಿ ಅವನಿಲ್ಲವೋ ಅಲ್ಲಿಯೂ
ಹಿಡಿದಿಡುತ್ತಾಳೆ
ಜೀವ ತೇಯುವಳು
ಸದಾ ಧೇನಿಸುವುದು
ತನ್ನ ಜಗತ್ತನ್ನಲ್ಲ!

ಅವನೇ ಅವಳ ಜಗತ್ತು
ನೋಟದಲ್ಲಿಲ್ಲದಿದ್ದರೂ ದೃಷ್ಟಿಯಲ್ಲಿ
ಧ್ವನಿಸದಿದ್ದರೂ ಎದೆಬಡಿತದಲ್ಲಿ
ಘ್ರಾಣಿಸಲಾರದ ಅವನಿರುವಿಕೆ
ವ್ಯಾಪಕವೆನಿಸುವುದೇ ಆಪ್ತ ಅವಳಿಗೆ

ಸಭೆಯಲ್ಲಿದ್ದಾಗ ರಸ್ತೆಯಲ್ಲಿದ್ದಾಗ
ಏನೋ ಹೊಸತು ನೆನಪಾಗಿ
ಅವನಿಗರುಹಬೇಕೆನಿಸುತ್ತದೆ
ಜನ ನಿಬಿಡತೆಯಲ್ಲೂ ಅವಳ
ಮನದೇಕಾಂತ ಭಂಗವಾಗದು
ಸಾವಿರ ಗಾವುದ ದೂರವಿದ್ದವನನ್ನ
ತನ್ನೆದುರಲ್ಲೇ ತರುತ್ತಾಳೆ
ಅಭಿಜಾತ, ಕಲಿತ ಕಲೆಯಲ್ಲ
ಅವಳಿಗೇ ಗೊತ್ತಿರದ ತಪಸಿ
ಅವಳೊಳಗಿದ್ದಾಳೆ ಧ್ಯಾನಸ್ಥೆ
ಏಕೋಭಾವ ಲೀಲಾಜಾಲ

ದಟ್ಟಿರುಳು ದುರುಗುಟ್ಟಿದರೂ
ಅವನು ಮಾತ್ರ ಉತ್ಸವಮೂರ್ತಿ
ಮೀರಾಳ ಮಾಧವ, ಅಕ್ಕನ ಮಲ್ಲಿಕಾರ್ಜುನನಂಥ
ಅದಮ್ಯ ಆತ್ಮಸಾಂಗತ್ಯ
ಏನೂ ಇಲ್ಲದೆಡೆ
ಏನೆಲ್ಲಾ ಇದೆಯೆಂದು
ಎಲ್ಲವೂ ಇದೆಯಾದರೂ
ಅವನ ಸಾನಿಧ್ಯ ಸಾಕೆಂದವಳು
ಗಮ್ಯಗಳೆಲ್ಲ ಅವನೆದುರಿಗೆ
ಬಂದು ನಿಲ್ಲುವ ಸಾಮ್ಯ
ಲೌಕಿಕದ ಅಲೌಕಿಕತೆ ಅವಳ ಪ್ರೇಮ
ಅವನದ್ದೂ ಬೇಷರತ್ತಾಗಿ ಬೆರೆತರಷ್ಟೇ
ಹಾರ್ದ ವಾಗರ್ಥ

‍ಲೇಖಕರು Avadhi

February 19, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಭೂತಕಾಲದ ಗುಳಿಕೆನ್ನೆ

ಭೂತಕಾಲದ ಗುಳಿಕೆನ್ನೆ

ರಾಘವೇಂದ್ರ ದೇಶಪಾಂಡೆ ಹುಡುಕುವೆ ನನ್ನನು ಅವರಿವರಲ್ಲಿಸಿಗಬಹುದು ಹೂವಿನ ಗುಚ್ಛಬರುವದೋ...! ನೆನಪುಉಕ್ಕಿ ಹರಿಯುವದು ಸಾಗರ ಅಕ್ಷಿಯಂಗಳದಲಿ...

ಜೇನು ಸೈನ್ಯ ಮತ್ತು ನಾನು

ಜೇನು ಸೈನ್ಯ ಮತ್ತು ನಾನು

ಸಾವಿತ್ರಿ ಹಟ್ಟಿ ಶಾಲೆ ಮುಗಿಸಿ ಮನೆಗೆ ಬಂದೆ!ದರುಶನಾರ್ಥಿಗಳು ಕಾಯ್ದು ಸಾಲಾಗಿ ನಿಂತಿದ್ರು!ಕೆಲವರು ಕಿಟಕಿ ಸರಳುಗಳ ಮೇಲೆ!ಕೆಲವರು ಅಡುಗೆಮನೆಯ...

ನೆನಪಿನ ಹೂಜಿ ಜಾರಿ ಬೀಳಲಿ…

ನೆನಪಿನ ಹೂಜಿ ಜಾರಿ ಬೀಳಲಿ…

ಸದಾಶಿವ್ ಸೊರಟೂರು ಪ್ರತಿ ಕನಸಿನಲ್ಲೂ ಮೂಡುವಚಿತ್ರಗಳ ಮೂಲೆಯಲ್ಲಿಢಾಳಾಗಿ ಕಾಣುವವೃತ್ತಾಕಾರದ ಸೀಲುನಿನ್ನದಾ? ನಿನ್ನದೇ ಇರಬೇಕುಯಾರ-ಯಾರದೊ...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: