ಶಾನುಭೋಗರ ಮಗಳು

ರಜನಿ ಅಮ್ಮೆಂಬಳ

ಕೆ.ಎಸ್.ನರಸಿಂಹಸ್ವಾಮಿಯವರ “ಶಾನುಭೋಗರ ಮಗಳು” ಕವನದಲ್ಲಿ ಚಿತ್ರಣಗೊಂಡಿರುವ ಹುಡುಗಿ ನಮಗೆ ಬಲು ಗುರ್ತಿನವಳು. ತನ್ನ ಸಂಕೋಚದಿಂದ, ಕಡಿಮೆ ಮಾತುಗಳಿಂದ ಮತ್ತು ಇಷ್ಟವಿಲ್ಲದ್ದನ್ನು ಒಲ್ಲೆನೆಂಬ ನೇರವಂತಿಕೆಯಿಂದಲೇ ಮನಸ್ಸು ಗೆಲ್ಲುವ ಹುಡುಗಿ ಆಕೆ.

ತಾಯಿಯಿಲ್ಲದ ಆ ಹುಡುಗಿಯ ಬಗ್ಗೆ ಅಕ್ಕರೆಯಿಂದ ವರ್ಣಿಸುವ ಕವಿ, ತಾವರೆಕೆರೆಯ ಜೋಯಿಸರ ಮೊಮ್ಮಗ ಆಕೆಯನ್ನು ನೋಡಲು ಅವರ ಮನೆಗೆ ಬಂದಾಗಿನ ಪ್ರಸಂಗವನ್ನು ಹೇಳುತ್ತಾರೆ. ಆಕೆ ಕೋಣೆಯೊಳಗಿಂದಲೇ “ವೈದಿಕರ ಮನೆಯಲ್ಲಿ ಊಟ ಹೊತ್ತಾಗುತ್ತೆ, ಒಲ್ಲೆ” ಎಂದುಬಿಡುತ್ತಾಳೆ.

ಆದರೆ ನಿಜವಾಗಿಯೂ ಅವಳು ಈ ಸಂಬಂಧ ನಿರಾಕರಿಸಲು ಕಾರಣ ಅದಾಗಿರುವುದಿಲ್ಲ. ತನ್ನನ್ನು ನೋಡಲು ಬಂದಿದ್ದ ಆ ಗಂಡು, ಕೂದಲಿಗಿಂತ ಕಪ್ಪು ಎಂಬ ಕಾರಣದಿಂದಾಗಿ ಅವನನ್ನು ತಿರಸ್ಕರಿಸುತ್ತಾಳೆ. ಆದರೆ ಯಾರಿಗೂ ನೋವಾಗದಂಥ ಕಾರಣ ಹೇಳುವ ಜಾಣತನವನ್ನು ತೋರಿಸುತ್ತಾಳೆ.

ಈ ಹುಡುಗಿಯ ತಂದೆ ಶಾನುಭೋಗರು ಕೂಡ ಮಗಳ ಬಗ್ಗೆ ಬಲು ವಾತ್ಸಲ್ಯವುಳ್ಳವರು. ಅದಕ್ಕಿಂತ ಹೆಚ್ಚಾಗಿ ಅವಳ ಭಾವನೆಗಳ ಬೆಲೆಯನ್ನರಿತವರು. ಕವಿ ಹೇಳುತ್ತಾರೆ- “ಮಗಳ ಮಾತನು ಕೇಳಿ ನಕ್ಕುಬಿಟ್ಟರು ತಂದೆ.” ಅಲ್ಲಿಗೆ, ಅವಳ ಮಾತೇ ಅಂತಿಮ, ತಾನು ಮತ್ತೆ ಹೇಳುವುದಕ್ಕೆ ಏನೂ ಇಲ್ಲ ಎಂತಲೇ ಅವರ ಸೂಚನೆ.

ಹುಡುಗಿಯ ಇಷ್ಟ ಮತ್ತು ಇಂಗಿತವನ್ನು ಅರಿವ, ಪರಿಗಣಿಸುವ ಅಪ್ಪ-ಅಮ್ಮಂದಿರಿದ್ದರೆ ಮದುವೆಗಳು ವ್ಯವಹಾರವಾಗುವುದು ತಪ್ಪೀತು. ನಿಜ ಒಲವಿನ ಸಾಕ್ಷಿಯಲ್ಲಿ ಅಕ್ಷತೆಗಳು ಹೂವಾದಾವು. ಶಾನುಭೋಗರ ಮಗಳಂತೆ ಎಲ್ಲ ಹುಡುಗಿಯರೂ, ಸರಿಯಾದ ಗಂಡೊದಗಿ ಸುಖವಾಗಿರಲಿ. ಕವಿಯೇ ಆಶಿಸುವಂತೆ, ತಡವಾದರೂ ನಷ್ಟವಿಲ್ಲ.

‍ಲೇಖಕರು avadhi

March 26, 2008

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಬರವಣಿಗೆ ಎಂಬ ಭಾವಲಹರಿ

ಬರವಣಿಗೆ ಎಂಬ ಭಾವಲಹರಿ

ಗೌರಿ ಚಂದ್ರಕೇಸರಿ ಬರೆಯುವ ಲಹರಿಯಲ್ಲೊಮ್ಮೆ ಬಂಧಿಯಾಗಿಬಿಟ್ಟರೆ ಅದರಿಂದ ಬಿಡುಗಡೆ ಹೊಂದುವುದು ಕಷ್ಟ. ಬಾಲ್ಯದ ಎಳಕಿನಲ್ಲಿಯೋ, ಹುಚ್ಚು...

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕತೆ ಬರೆಯುವವರ ಕೈಪಿಡಿ  ಮಹಾಂತೇಶ ನವಲಕಲ್ ಈವತ್ತು ಕನ್ನಡ ಕಥಾ ಜಗತ್ತು ತುಂಬಾ ಪ್ರಜ್ವಲವಾದ ಸ್ಥಿತಿಯಲ್ಲಿದ್ದರೂ ಮತ್ತು ಸಾಹಿತ್ಯ...

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕಥೆಯೂ ಅದರ ಇತಿಹಾಸ ಪುರಾಣವೂ..

ಕತೆ ಬರೆಯುವವರ ಕೈಪಿಡಿ  ಮಹಾಂತೇಶ ನವಲಕಲ್ ಈವತ್ತು ಕನ್ನಡ ಕಥಾ ಜಗತ್ತು ತುಂಬಾ ಪ್ರಜ್ವಲವಾದ ಸ್ಥಿತಿಯಲ್ಲಿದ್ದರೂ ಮತ್ತು ಸಾಹಿತ್ಯ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This