ಶುರುವೇ ಆಗದ ಪ್ರೇಮಗಾಥೆ

chetana2.jpg

 “ಭಾಮಿನಿ ಷಟ್ಪದಿ”

ಚೇತನಾ ತೀರ್ಥಹಳ್ಳಿ 

ಸುಂದರಿ….

ಅವಳ ಸವಿಗೆ ದುಂಬಿ ದಂಡು. ದಂಡಿನಲ್ಲೊಬ್ಬ ಪ್ರೇಮ ಪೂಜಾರಿ. ಹಗಲಿರುಳೂ ಅವನದೇ ಸುತ್ತ ಮುತ್ತ.

ಆದರವನ ಪ್ರೇಮಕ್ಕೆ ಬೆಲೆಯೇ ಇಲ್ಲ ಅವಳಲ್ಲಿ. ಅಸಲು, ಪ್ರೀತಿಯೆಂಬುದರ ಅರಿವೇ ಇಲ್ಲ ಅವಳಿಗೆ. ಒಳಗಿಂದೊಳಗೇ ಎಂಥದೋ ತಿರಸ್ಕಾರ. ಅವನ ಬಳಿ ಬೈಕೂ ಇಲ್ಲವಲ್ಲ!

ಹೀಗಿರುವಾಗೊಮ್ಮೆ ಸುಂದರಿಯ ಮದುವೆ.

ಈಗವಳು ಗಂಡನ ಹಿಂದೆ ಮುಂದೆ.  ಅವನೋ!? ಒಣ ಕಾಗದದ ಚೂರುಗಳ ಹಿಂದೆ ಹಿಂದೆ…. ಬರಡು ಬೆಂಚು, ಟೇಬಲ್ಲುಗಳನಪ್ಪಿ, ಕಪಾಟಿನೆದುರೇ ಸಪಾಟು ಮಲಗುವನಾತ! ದುಡ್ಡುಬಾಕ!!

ರಂಭೆ ರೂಪದವಳ ಕಡೆಗಣ್ಣಲೂ ಹೀರದವನ ಅರಸಿಕತೆಗೆ, ಉಪೇಕ್ಷೆಗೆ ಮರುಗುತ್ತಾಳವಳು. ಭಾವನೆಗಳೇ ಇಲ್ಲದ ರಾತ್ರಿಗಳಲ್ಲಿ ರಬ್ಬರಿನಂತಾಗುತ್ತಾಳೆ. ಕಚ್ಚಿಕೋ ಅನ್ನುತ್ತಾಳೆ. ಹೆಣದಂತೆ ಮಲಗುತ್ತಾಳೆ.

ಅವನ ನೆನಪಾಗುತ್ತದೆ. ಅವನ ಪ್ರೀತಿಯ ಹೊಳಪು ಕಣ್ ಚುಚ್ಚುತ್ತದೆ. ಮಗ್ಗುಲಾಗಿ ಮುಲುಗುತ್ತಾಳೆ…. “ಹುಡುಗಾ! ನನ್ನ ಜೀವನವಿಂದು ನೀನಿತ್ತ ಶಾಪ!!”  ಬಿಕ್ಕುತ್ತಾಳೆ.

ಅಲ್ಲೆಲ್ಲೋ ಆ ಹುಡುಗನ ಹೃದಯ ಹಿಂಡುತ್ತಿರುತ್ತದೆ.

jeeva.jpgಶುರುವೇ ಆಗದ ಪ್ರೇಮಗಾಥೆ ಮುಗಿದೂ ಹೋಗುತ್ತದೆ!

jeeva.jpgjeeva.jpg*

ಅತಿ ಚಿಕ್ಕ ಪ್ರೇಮಕಥೆ

ವಳು ಪೀಡಿಸಿದಳು:
‘ಜಗತ್ತಿನ ಅತಿ ಚಿಕ್ಕ ಪ್ರೇಮ ಕಥೆ ಬರಿ’
ಅಂವ ನಸುನಗುತ್ತ, ಅವಳ ಹಣೆ ಮೇಲೊಂದು ಸಿಂಧೂರ ಬಿಂದುವಿಟ್ಟ.
ಕಥೆ….ಶುರುವಾದಲ್ಲೇ ಮುಗಿದೂ ಹೋಯ್ತು!!

( ಇದು ಖಂಡಿತಾ ಎಸ್ ಎಂ ಎಸ್ ಕಥೆಯಲ್ಲ)

‍ಲೇಖಕರು avadhi

August 21, 2007

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಚೇತನಾ ಎಂಬ ‘ಗಾನಾ ಜೋಯ್ಸ್

ಚೇತನಾ ಎಂಬ ‘ಗಾನಾ ಜೋಯ್ಸ್

' ಕನಸುಗಾರ ವೆಂಕಟ್ರಮಣ ಗೌಡರು 'ಹಂಗಾಮ' ಆರಂಭಿಸಿದಾಗ ಮೂಡಿ ಬಂದ ವಿಶಿಷ್ಟ ಲೇಖಕಿ ಗಾನಾ ಜೋಯ್ಸ್. ಈಗ ಈಕೆ ಚೇತನಾ ತೀರ್ಥಹಳ್ಳಿ. ಈಗಾಗಲೇ...

ಪ್ರೀತಿಯಿಂದ, ಚೇತನಾ ತೀರ್ಥಹಳ್ಳಿ

ಪ್ರೀತಿಯಿಂದ, ಚೇತನಾ ತೀರ್ಥಹಳ್ಳಿ

ಹಳೆಯ ನೆನಪು ಮತ್ತು ಒಂದು ಹೊಸ ಪುಸ್ತಕ ಈಗ ಅದೆಲ್ಲ ಮಜಾ ಅನಿಸತ್ತೆ. ನಾನು ಒಂದನೇ ಕ್ಲಾಸಿಂದ ಫಸ್ಟ್ ಬಿಎಸ್ಸಿ ವರೆಗೂ ಒಂದೇ ಒಂದು ನೋಟ್ಸೂ...

ಭಾಮಿನಿ ಷಟ್ಪದಿ ಎಂಬ “ಅಂಕಣ ಕಾದಂಬರಿ”

ಭಾಮಿನಿ ಷಟ್ಪದಿ ಎಂಬ “ಅಂಕಣ ಕಾದಂಬರಿ”

-ನಟರಾಜ್ ಹುಳಿಯಾರ್ 'ಕಾಲಲಿ ಕಟ್ಟಿದ ಗುಂಡು, ಕೊರಳಲಿ ಕಟ್ಟಿದ ಬೆಂಡಿ'ನ ಸ್ಥಿತಿಯನ್ನು ನಿಷ್ಠುರ ಸ್ತ್ರೀವಾದಿ ದೃಷ್ಟಿಕೋನದಿಂದ ಗ್ರಹಿಸಿ ಚೇತನಾ...

2 ಪ್ರತಿಕ್ರಿಯೆಗಳು

  1. ಸತೀಶ್ ಪಾಗಾದ್

    ಹಂಗೇಲ್ಲ ಅನ್ಬಾರದು.
    ಅಸಲು ಭೂಮಿಯಲ್ಲಿ ಇನ್ನೂ ಮೊಳಕೆಯೊಡೆಯದೇ ಸತ್ತ ಪ್ರೀತಿಗೆ ಮಗ್ಲಲು ಬದಲಿಸಬೇಕಿಲ್ಲ.ಹುಟ್ಚದೇ ಇದ್ದ ಪ್ರೀತಿಗೆ ಇದ್ದರೆನು ಸತ್ತರೆನು? ಬದುಕಲು ಅವನ ಕಣ್ ಹೊಳಪೊಂದು ಸಾಕಲ್ಲವೆ

    ಪ್ರತಿಕ್ರಿಯೆ
  2. shashi sampalli

    ಅತ್ಯಂತ ಸಣ್ಣ ಕಥೆ ಚೆನ್ನಾಗಿದೆ. ಅದಕ್ಕಿಂತ ಸಣ್ಣ ಪ್ರೇಮಕಥೆ ಇಲ್ಲಿದೆ:

    ನಾಲ್ಕೂ ಕಣ್ಣುಗಳು ಕೂಡಿದವು,….

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: