ಶ್ರೀದೇವಿ ಕೆರೆಮನೆ ಹೊಸ ಕವಿತೆ-ಧರಿಸಬೇಡ ಮುಖವಾಡ

ಶ್ರೀದೇವಿ ಕೆರೆಮನೆ 

ಕಳೆದು ಹೋಗಿರುವ ನಂಬಿಕೆ ಮತ್ತೆ ಮರಳುವುದಿಲ್ಲ ಧರಿಸಬೇಡ ಮುಖವಾಡ 
ದೂರ ತಳ್ಳಿದ ಮೇಲೆ ಪ್ರೀತಿ ಮತ್ತೆ ಸಿಗುವುದಿಲ್ಲ ಧರಿಸಬೇಡ ಮುಖವಾಡ 

ಮೊದಲೆ ಅರ್ಥೈಸಿಕೊಳ್ಳಬೇಕಿತ್ತು  ಬಳಸಿ ಬಿಸಾಡಿ ಬಿಡುವ ನಿನ್ನ ಗುಣವನ್ನು 
ಉಂಡೆಸೆದ ಕುಡಿ ಬಾಳೆ ಎಲೆಯ ಮತ್ತೆ ಬಳಸುವುದಿಲ್ಲ ಧರಿಸಬೇಡ ಮುಖವಾಡ 

ಕತ್ತಲಾಗಸದಲಿ ನೂರಾರು ಚುಕ್ಕೆಗಳು ಮಿನುಗಿವೆ ನಿನ್ನೆದೆಯಲ್ಲಿರುವಂತೆ 
ಪಂಚಮಿಯ ಮರುದಿನ ಮತ್ತೆ ಹುಣ್ಣಿಮೆಯಾಗುವುದಿಲ್ಲ ಧರಿಸಬೇಡ ಮುಖವಾಡ 

ಒಂದಾದ ಮೇಲೊಂದು ಹೂಜಿಯೆತ್ತಿ ಗಂಟಲಿಗೆ ಶರಾಬು ಸುರಿಯುವ ರೂಢಿ ಬಿಡು  
ಮಜ್ಜಿಗೆ ಕುಡಿದ  ನಂತರ ಮತ್ತೆ ನಶೆಯೇರುವುದಿಲ್ಲ ಧರಿಸಬೇಡ ಮುಖವಾಡ 

ಗೊತ್ತಿದೆ ಎಲ್ಲರಿಗೂ ಕಾಲಡಿಯಲ್ಲಿ ಬಿದ್ದ ಮೊಗ್ಗು ಹೊಸಕಿದ್ದು ನೀನೆ ಎಂದು 
ನೀರೆರೆದರೂ ಬಾಡಿದ ಹೂ ಮತ್ತೆ ಅರಳುವುದಿಲ್ಲ ಧರಿಸಬೇಡ ಮುಖವಾಡ 

ಸನಿಹ ಹಾದು ಹೋದ ನಾಗರಹಾವು ಮಾಮರದ ಚಿಗುರಿಗೆ ವಿಷ ಸುರಿಯಲಾಗದು
ಕತ್ತು ಮುರಿದು ಕೊಂಡ ಕೋಗಿಲೆ ಮತ್ತೆ ಹಾಡುವುದಿಲ್ಲ ಧರಿಸಬೇಡ ಮುಖವಾಡ 

ತಿಳಿನೀರ ಕೊಳಕೆ ಪಾತಾಳಗರಡಿಯನಿಟ್ಟು  ತಿರುವಿದವರ ಹೆಸರು ಬೇಕಿಲ್ಲ 
ಒಡೆದ ಕನ್ನಡಿಯೊಳಗೆ ಬಿಂಬ ಮತ್ತೆ ಕಾಣುವುದಿಲ್ಲ ಧರಿಸಬೇಡ ಮುಖವಾಡ 

ನೀಲಿಗಟ್ಟಿದೆ ಸಿರಿ, ಕಡಲದಂಡೆಯಲಿ  ಬಲೆಗೆ ಸಿಲುಕದೆಯು ಸತ್ತು ಬಿದ್ದ ಮೀನು 
ದೂರ ತಳ್ಳಿದ ಮನಸ್ಸು ಮತ್ತೆ  ಒಂದಾಗುವುದಿಲ್ಲ ಧರಿಸಬೇಡ ಮುಖವಾಡ

‍ಲೇಖಕರು Avadhi

February 11, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ನೆನಪೇ ನೀನದೆಷ್ಟು ಸುಂದರ

ನೆನಪೇ ನೀನದೆಷ್ಟು ಸುಂದರ

ಸರೋಜಿನಿ ಪಡಸಲಗಿ ತಲೆ ತುಂಬ ಗೋಜಲು ಗೊಂದಲಎದೆ ತುಂಬ ನೆನಪುಗಳ ನೆರವಿ||ಕಣ್ಣಂಚಲಿ ಕಂಡೂ ಕಾಣದ ತೇವುತುಟಿಯಂಚಲೊಂದು ಹೂ ನಗು||ಮನದಿ ಮೌನ ರಾಗದ...

ನಾಗರಾಜ್ ಹರಪನಹಳ್ಳಿ ಹೊಸ ಕವಿತೆಗಳು- ಧ್ಯಾನ ಮತ್ತು ಪ್ರೀತಿ

ನಾಗರಾಜ್ ಹರಪನಹಳ್ಳಿ ಹೊಸ ಕವಿತೆಗಳು- ಧ್ಯಾನ ಮತ್ತು ಪ್ರೀತಿ

ನಾಗರಾಜ್ ಹರಪನಹಳ್ಳಿ ೧ ಧ್ಯಾನ ಧ್ಯಾನಿಸುವುದು ಎಂದರೆಅದು ನಿನ್ನೆದುರು ಕುಳಿತಂತೆ ಮುಗಿಲ ಕಡೆ ದಿಟ್ಟಿ ನೆಡುವುದೆಂದರೆಅದು ನಿನ್ನೆದೆಯ...

ಹಳೆಯ ಮೌನ…

ಹಳೆಯ ಮೌನ…

ಸೌಜನ್ಯ ನಾಯಕ ಅಮ್ಮ, ಉಪ್ಪಿಟ್ಟು ಬೇಕುಎಂದು ಆಕೆ ಕೇಳಿದಾಗಲೆಲ್ಲನಿನ್ನದೆ ನೆನಪಾದರೂಉಣ ಬಡಿಸುತ್ತೇನೆ ಖುಷಿಯಿಂದಲೇಅವಳು ಇಷ್ಟಪಟ್ಟಿದೆಲ್ಲವನ್ನು...

2 ಪ್ರತಿಕ್ರಿಯೆಗಳು

  1. ಶುಭಲಕ್ಷ್ಮಿ ಆರ್ ನಾಯಕ

    ಸುಂದರ ಸಂದೇಶ ಶ್ರೀ …

    ಪ್ರತಿಕ್ರಿಯೆ
  2. Leeladhar Narayan Moger

    ಅಭಿನಂದನೆಗಳು ಮೇಡಂ….

    ಉತ್ತಮ ಕವನ….

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: