ಸತೀಶ್ ಶೃಂಗೇರಿ ನಮ್ಮನ್ನೆಲ್ಲ ಅಗಲಿದ್ದಾರೆ.

ಗೋಪಾಲ ವಾಜಪೇಯಿ

ನಮ್ಮೆಲ್ಲರ ಮೆಚ್ಚಿನ ವ್ಯಂಗ್ಯ ಚಿತ್ರಕಾರ ಮತ್ತು ಆಯುರ್ವೇದ ವೈದ್ಯ ಡಾ. ಸತೀಶ್ ಶೃಂಗೇರಿ ಇಂದು ಬೆಳಿಗ್ಗೆ ಬೆಂಗಳೂರಿನಲ್ಲಿ ನಮ್ಮನ್ನೆಲ್ಲ ಅಗಲಿದ್ದಾರೆ.

ಕೆಲವು ವರ್ಷಗಳಿಂದ ಶ್ವಾಸಕೋಶದ ತೊಂದರೆಯಿಂದ ಬಳಲುತ್ತಿದ್ದರೂ ಸದಾ ನಗುನಗುತ್ತ, ಪ್ರಚಲಿತ ವಿದ್ಯಮಾನಗಳನ್ನು ತಮ್ಮ ಮೊನಚಾದ ಪೆನ್ನಿನಿಂದ ‘ಚುಚ್ಚು’ತ್ತ ‘ಚಚ್ಚು’ತ್ತ, ಸದಾ ನಗುತ್ತ, ನಗಿಸುತ್ತ ಇದ್ದವರು.

ಸತೀಶ್ ಬರೆಯುತ್ತಿದ್ದ ವ್ಯಂಗ್ಯಚಿತ್ರಗಳು ಅವರ ಸಾಮಾಜಿಕ ಕಳಕಳಿಯ ಪ್ರತೀಕಗಳಾಗಿ ಹೊಮ್ಮುತ್ತಿದ್ದವು. ರಾಷ್ಟ್ರೀಯ ಅಂತಾರಾಷ್ಟ್ರೀಯ ಮಟ್ಟದ ಅನೇಕ ವ್ಯಂಗ್ಯಚಿತ್ರ ಸ್ಪರ್ಧೆಗಳಲ್ಲಿ ಪ್ರಶಸ್ತಿ ಪಡೆದಿದ್ದ ಸತೀಶ್ ಕರ್ನಾಟಕ ರಾಜ್ಯ ವ್ಯಂಗ್ಯಚಿತ್ರಕಾರರ ಸಂಘದ ಕಾರ್ಯದರ್ಶಿಯೂ ಆಗಿದ್ದರು.

ಇನ್ನೂ ಕೇವಲ 44 ರ ವಯಸ್ಸಿನ ಸತೀಶ್ ನನಗೆ ಕಳೆದ ಇಪ್ಪತ್ತು ವರ್ಷಗಳಿಂದ ಪರಿಚಿತರು. ಗದಗಿನಲ್ಲಿ ಕೆಲವು ವರ್ಷವಿದ್ದ ಅವರಿಗೆ ಉತ್ತರ ಕರ್ನಾಟಕದ ಭಾಷೆಯ ಸೊಗಡು ಮತ್ತು ಜನಜೀವನದ ಬಗ್ಗೆ ತುಂಬ ಆಸಕ್ತಿಯಿತ್ತು. ನಾನು ‘ಕರ್ಮವೀರ’ವನ್ನು ಸಂಪಾದಿಸುತ್ತಿದ್ದಾಗ ‘ವಾರದಾಗ ಮೂರು ಸಾರೆ’ ನಮ್ಮ ಕಚೇರಿಗೆ ಬಂದು ಹೋಗುತ್ತಿದ್ದರು. ಅವರಿಂದ ನಾನು ಹರಟೆ, ಹಾಸ್ಯಲೇಖನಗಳು, ವಿಡಂಬನೆಗಳಿಗೆ ಚಿತ್ರ ಬರೆಯಿಸುತ್ತಿದ್ದೆ.

ಬೆಂಗಳೂರಿನಲ್ಲಿಯೇ ಸ್ವಂತ ಆಯುರ್ವೇದ ಚಿಕಿತ್ಸಾಲಯ ನಡೆಸುತಿದ್ದ ಅವರು ಮೂಡುಬಿದ್ರೆಯ ಆಳ್ವಾ’ಸ್ ಆಯುರ್ವೇದಿಕ್ ಕಾಲೇಜಿನ ಸಂದರ್ಶಕ ಪ್ರಾಧ್ಯಾಪಕರೂ ಆಗಿದ್ದರು.

ಕೆಲ ದಿನಗಳ ಹಿಂದೆ ಅವರನ್ನು ಬೆಂಗಳೂರಿನ ಸೇಂಟ್ ಫಿಲೋಮಿನಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಸೇರಿಸಲಾಗಿತ್ತು. ಪರಿಸ್ಥಿತಿ ತುಂಬ ಗಂಭೀರ ಎಂದು ಗೊತ್ತಾಗಿ ನಿನ್ನೆಯಷ್ಟೇ ಬೆಂಗಳೂರಿನ ವ್ಯಂಗ್ಯಚಿತ್ರಕಾರ ಮಿತ್ರರೆಲ್ಲ ಅವರನ್ನು ಕಂಡು ಬಂದಿದ್ದರು.

ಡಾ. ಸತೀಶ್ ಶೃಂಗೇರಿ ಅವರ ನಿಧನದಿಂದಾಗಿ ಕರ್ನಾಟಕ ನಿಜಕ್ಕೂ ಒಬ್ಬ ಭರವಸೆದಾಯಕ ಕಲಾವಿದನನ್ನು ಕಳೆದುಕೊಂಡಿದೆ.

‍ಲೇಖಕರು G

September 27, 2012

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಕಾಲಾ.. ರವಿಕಿರಣ

ಕಾಲಾ.. ರವಿಕಿರಣ

ಕಲಾವಿದ ರವಿ ಕೋಟೆಗದ್ದೆ ಅವರ ಸುಂದರ ಪೇಂಟಿಂಗ್ ನ ಒಂದು ಝಲಕ್...

ಸತೀಶ್ ಆಚಾರ್ಯ ಹೇಳ್ತಾರೆ: ‘ಹೆಣಾ ಒಂಚೂರ್ ಹಲ್ಲ್ ಕಿಸಿ ಕಾಂಬ!’

ಸತೀಶ್ ಆಚಾರ್ಯ ಹೇಳ್ತಾರೆ: ‘ಹೆಣಾ ಒಂಚೂರ್ ಹಲ್ಲ್ ಕಿಸಿ ಕಾಂಬ!’

'ವಿಶ್ವ ಕುಂದಾಪ್ರ ಕನ್ನಡ ದಿನ' ಆಗಿ ಹೋಯ್ತು. ಆ ನೆನಪಿಗೆ ಖ್ಯಾತ ವ್ಯಂಗ್ಯಚಿತ್ರಕಾರ ಸತೀಶ್ ಆಚಾರ್ಯ ಅವರು ಬರೆದ ಒಂದಷ್ಟು ವ್ಯಂಗ್ಯಚಿತ್ರಗಳು...

5 ಪ್ರತಿಕ್ರಿಯೆಗಳು

  1. ಪಂಡಿತಾರಾಧ್ಯ ಮೈಸೂರು

    ಡಾ ಸತೀಶ್ ಶೃಂಗೇರಿಯವರ ಅಕಾಲಿಕ ಸಾವಿನ ವಿಷಯ ತಿಳಿದು ದುಃಖವಾಯಿತು.
    ಅವರು ವ್ಯಂಗ್ಯ ಚಿತ್ರಕಾರರಾಗಿ ಭಾವರೋಗ ವೈದ್ಯರೂ ಆಗಿದ್ದವರು.
    ಇನ್ನೂ ಬಹಳ ಕಾಲ ಬಾಳಿ ಬದುಕಬೇಕಿದ್ದವರ ಅನರೀಕ್ಷಿತ ಕಣ್ಮರೆಯಿಂದ
    ಅವರಿಗೇ ಆದ ನಷ್ಟದಂತೆ ಮತ್ತು ಅವರ ಬಂಧುಗಳಿಗೂ ಆಗಿರುವ ದುಃಖದಲ್ಲಿ ನಾನೂ ಭಾಗಿ.

    ಪ್ರತಿಕ್ರಿಯೆ
  2. Mohan V Kollegal

    ‘ಈಗಷ್ಟೇ ಬಂದವ ಆಗಲಿ ಹೊರಡುವಿ ಯಾತಕ್ಕ’ ಎಂಬಂತಾಯಿತು. ಬಳಹ ದುಃಖವಾಗುತ್ತಿದೆ… ಅವರ ಆತ್ಮಕ್ಕೆ ಶಾಂತಿ ಲಭಿಸಲಿ… ಈ ದುಃಖವನ್ನು ತಡೆದುಕೊಳ್ಳುವ ಶಕ್ತಿ ಅವರ ಕುಟುಂಬ ವರ್ಗದವರಿಗೆ ದೊರಕಲಿ… 🙁

    ಪ್ರತಿಕ್ರಿಯೆ
  3. ananthshandreya

    sathish avaradu khanditha saayuvu vayassalla vaidyaragi nanage parichitharu kelavu varshagala hinde bengaloorina srinivasa nagaradallidda avara clinic ge halavusala bheti needidde sneha poorva sarala manushy avara saavu dukha thandide

    ಪ್ರತಿಕ್ರಿಯೆ
  4. ananthshandreya

    d.satheesh avaru kelauv varshagala hinde benagaloorina srinivasanagaradalli clinic nedusuthiddaga naanu allige hoguthidde sarala snehasheela manushya duddige aase paduthiralilla avaradu sayuvu vayassalla avarige nanna shraddanjali

    ಪ್ರತಿಕ್ರಿಯೆ
  5. renuka prakash

    satish avara vyanga chitragalinna monuchu geregalu,nannannu tumba aakakarshiddavu…..nimma vayassina nanu innu ille iddene..nivu matra nira mele bareda gereyadiralla…bhagavanta ninu tuba kruri

    ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: