ಹದವಾಗಿ ಕಾದ ಕೆನೆಹಾಲು

ಸೋ ನಳಿನಾ ಪ್ರಸಾದ್

ಮತ್ತದೇ ಸಂಜೆ ಬರುವುದಿಲ್ಲ..
ಮೌನ ಮೀರಿದ ಮಾತುಗಳು
ಕಣ್ಣುಸುರಿದ
ನಿನ್ನ ಪಿಸುಮಾತು ಇನ್ನೂ
ಝಳಪಿಸುತ್ತಿದೆ..
ಆ ಘಳಿಗೆಗಳಿಗೇಕೆ
ಸರಿ ತಪ್ಪುಗಳ ಸೋಗು..
ಅದನ್ನು ಅಲುಗಿಸಿ.. ನಲುಗಿಸಿ..
ಕಲಕಿ ಕದಡುವುದು ಬೇಡ
ಅದು ಹಾಗೆಯೇ ಇರಲಿ.
ಹದವಾಗಿ ಕಾದ ಕೆನೆಹಾಲಿನ ಹಾಗೆ.
ಕೆನೆ ಕಟ್ಟಲಿ.. ಅದ ಒಪ್ಪಾಗಿಸಿದ ಮೇಲೆ
ಸಿಗುವುದಲ್ಲ ನವನೀತ..!
ನನ್ನ ಶುದ್ಧತೆ, ನಿನ್ನ ಶುಭ್ರತೆ
ಇವೆರಡು ಸಾಕು ಅದ ರಕ್ಷಿಸಲು..


ನಿನ್ನ ಪುಟ್ಟ ಕಣ್ಣಿನ
ಆಳದರಿವುಂಟು ನನಗೀಗ..
ನಿರೀಕ್ಷೆಗಳಿಗೆ ಒರಗಿನಿಲ್ಲುವ
ನಿಶ್ಯಕ್ತಿ ನನದಲ್ಲ..
ನಿನ್ನ ಬಂಧಿಸುವ ಬಯಕೆಯೂ
ನನಗಿಲ್ಲ..
ನೀನೊಂದು ಶಕ್ತಿ ಕಾರಂಜಿ..
ಹಾಗೆಯೇ ಇದ್ದುಬಿಡು
ಮುಗ್ಧ ನಗುವಿನೊಡೆಯ

ಮತ್ತದೇ ಸಂಜೆಯ ನಕಲು ಮಾಡಿ
ತಿಳಿಗೊಳಿಸುವುದು ಬೇಕಿಲ್ಲ..
ನಮಗೇನು ಸಂಜೆಗಳ ಕೊರತೆಯೇ?
ಪ್ರತಿ ಸಂಜೆಗೊಂದು ಹೊಸತು ನಿಲುವು
ಹೊಸತು ಗೆಲುವು
ಆದರೆ ಬಲು ಭಿನ್ನ..
ಭೂಮಿಯೊಳಗೆ ಭಾವದೊಡನೆ
ನಮ್ಮ ಪಯಣ..
ಆದರೆ ಅಂಟಿಲ್ಲ..
ಜಿನುಗಿಲ್ಲ..
ಜೀನಿಲ್ಲ…

‍ಲೇಖಕರು Avadhi

January 14, 2021

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಅರ್ಥವಾಗಲು ಬೆಳಕೇ ಬೇಕು!

ಅರ್ಥವಾಗಲು ಬೆಳಕೇ ಬೇಕು!

ನಾಗರಾಜ್ ಹರಪನಹಳ್ಳಿ ಖಾಲಿ‌ ಕೋಣೆಖಾಲಿ ಖಾಲಿಯಾಗಿಲ್ಲಶೋನುಅಲ್ಲಿ ಪಿಸುಮಾತುಗಳುಜೀವಂತವಾಗಿವೆ ಮುಗಿಲು ನೆಲಈಗ ಒಬ್ಬರನ್ನೊಬ್ಬರು...

ಕೈಗಳೆರಡೂ ಬೆಸೆದು…

ಕೈಗಳೆರಡೂ ಬೆಸೆದು…

ಡಾ. ಪ್ರೀತಿ ಕೆ ಎ ನಿನ್ನ ಒಲವ ದೀಪವೊಂದುಸದಾ ಉರಿದಿದೆಬದುಕು ಪೂರ್ತಿ ನನ್ನನ್ನುಬಿಡದೆ ಪೊರೆದಿದೆ ಪ್ರೀತಿ, ಪ್ರಣಯ, ಪ್ರೇಮ,...

ನೀನೆಂದರೆ ನೀ ಅಷ್ಟೇ

ನೀನೆಂದರೆ ನೀ ಅಷ್ಟೇ

ಶಿಲ್ಪ ಮೋಹನ್ ಛೇ ಎಂತ ರಣ ಬಿಸಿಲೆಂದು ಮೂಗು ಮುರಿಯಬೇಡ ನಿನ್ನ ನೆರಳಿಗೂ ಅಸ್ತಿತ್ವವಿದೆಯೆಂದು ಸಾರಿದ್ದು ಆ ಉರಿ ಬಿಸಿಲೆ ಮರದಿಂದ ಒಣ ಎಲೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This