ಕನ್ನಡಿ ಮಾತಾಡುತಿದೆ..

ಅಕ್ಷತಾ ಕೆರೆಗದ್ದೆ

ಕನ್ನಡಿ ಮಾತಾಡುತಿದೆ
ಮೆಲ್ಲನೆ
ನನ್ನ ನೋಡೆಂದು
 
ಮಳೆಯಲಿ ಮಿಂದು
ಶೃಂಗಾರ ಗೊಂಡು
ವದನವ ನಾಚಿಸುವುದು
ಸುಮ್ಮನೆ
 
ಅವನ ಚೇಷ್ಟೆಯ
ಸರಮಾಲೆ ಬಿಚ್ಚಿಡುವುದು
ನನ್ನ ಮುಂದೆ ಹಿಂದೆ
ನೆಳಲಾಗಿ
 
ಹಿಂದಿನಿಂದ ಬಂದಪ್ಪಿ
ಜೋಡಿ ಹೇಗಿದೆ
ಕೇಳಿದ ಪ್ರಶ್ನೆಗೆ
ಉತ್ತರವಾಗಿ
 
ಎಲ್ಲ ಕನಸುಗಳ ತಾ
ಸೆರೆ ಹಿಡಿದು
ಒಂದೊಂದೆ ಬಿಚ್ಚಿಡುವುದು
ಈ ಭಾವಗನ್ನಡಿ
 
ಕನ್ನಡಿ ಉಸುರುತ್ತಿದೆ
ಚೆಲುವೆ ನೀನೆಂದು
ಅವನ ಪ್ರೀತಿಯ
ರಂಗಿನೊಡತಿ
 
ಮಾತಾಡುತ್ತಿದೆ ಕನ್ನಡಿ
ಹೊತ್ತು ಕಳೆಯದಿರು
ಸುಮ್ಮನೆ ನಲ್ಲ
ಬರುವನು ಮೆಲ್ಲನೆಂದು

ವಿಳಾಸವಿಲ್ಲದವರು


ನೀವು ಬಯಸಿದ ಮನೆ
ಇಲ್ಲಿದೆ ಬನ್ನಿ
ಉಳಿಯಬಹುದು ನೀವು
ಬಯಸಿದಷ್ಟು ದಿನ
ಬಾಡಿಗೆ ಹೆಚ್ಚೇನಿಲ್ಲ
ಎಂದವರು ಬಿಡಿ ಮನೆಯ
ಉಳಿದದ್ದು ಸಾಕು ವಿಳಾಸ
ಬದಲಾಗಿದೆ ಎಂದು ಹೇಳುತ್ತಿದ್ದಾರೆ
ಮೊದಲಿದ್ದ ಮನೆ ಬಿಟ್ಟು
ಹೊಸ ಮನೆಗೆ ಬಂದವರು
ಮತ್ತೆ ಕಳೆದುಕೊಂಡರು
ತಮ್ಮ ವಿಳಾಸ
ಮನೆಗೆ ಮರಳುವಂತಿಲ್ಲ
ತೊರೆದ ಮನೆ ಈಗ
ಮೊದಲಿನಂತಿದೆ ಎಂದು
ನಂಬುವುದಾದರೂ ಹೇಗೆ?
ಜೇಡ ವಾಸದ ಮನೆಯ
ಮತ್ತೆ ಹೊಕ್ಕುವುದು ಕಷ್ಟ
ಹುಡುಕುತ್ತಿದ್ದಾರೆ ಹೊಸ ಮನೆಯ
ನಿರ್ಜನ ಬೀದಿಯಲ್ಲಿ ಹೀಗೆ
ರಾತ್ರಿ ಬಂದಿಳಿಯಲು
ಇರಬಹುದೇ ಯಾವ ಕಾರಣ?

ಇದ್ದಂತಿರಲಿ


ನೀ ಬರುವ ಮೊದಲು ಇದ್ದದ್ದೆಲ್ಲ ಇದ್ದ ಹಾಗೆ ಇತ್ತು
ನಿದ್ದೆ ತುಂಬುವ ರಾತ್ರಿ, ನಡೆದಷ್ಟು ತೀರ,
ಕಣ್ಣು ತುಂಬುವಷ್ಟು ಕಣಿವೆ ರಂಗು
ಎಲ್ಲ ತನ್ನಂತೆ ತಾನು.
 
ಈಗ ಕಣಿವೆ ರಂಗು, ತೀರ, ರಾತ್ರಿ ಎಲ್ಲಕ್ಕೂ ಹೊಸ ಬಣ್ಣ
ಹೃದಯದಿಂದ ಹಾದ ಸಾವಿರ ಹಾಡಿನ ಸಾಲು
ಅರಳಿದ ನೀಲಿ, ಕೆಂಪು, ಹಳದಿ ಹೂ
ರಾತ್ರ್ರಿ ತೊಟ್ಟ ಬಣ್ಣದ ಧೀರಿಸು
 
ನೀ ಇಲ್ಲದ ಮರುಗಳಿಗೆ ಎಲೆ ಉದುರಿದ ಮರ,
ನಿದ್ದೆ ಇಲ್ಲದ ರಾತ್ರಿ, ಮೂಡದ ಜೋಡಿ ಹೆಜ್ಜೆಗಳ ನಡಿಗೆ
ಮಂಜು ಮುಸುಕಿದ ಕಣಿವೆ, ಅಸ್ಪಷ್ಟ ದನಿಗಳು,
ಬೇಟೆಯಾಟದ ರಕ್ತ, ಸದ್ದಿಲ್ಲದ ಗಾಳಿ
 
ಇನ್ನೂ ರಾತ್ರಿ, ತೀರ, ಕಣಿವೆ ರಂಗಿನ ಮಾತು…
ಒಂದು ಕನಸನ್ನು ಸಮೀಪದಿಂದ ನೋಡುವ ಘಳಿಗೆ
ಇನ್ನೊಂದು ಏಕಾಂಗಿ ಮನದ ದಾಹ ಮತ್ತೊಂದು
ಪದೇ ಪದೇ ಇಳೆ ಬದಲಾಯಿಸುವ ಬಣ್ಣದ ಸೀರೆ
 
ಮತ್ತೆ ಬಂದು ನಿಂತಿದ್ದೀಯ
ಇತಿಹಾಸ ಭೂಗೋಳ ಚೆಹರೆ ಹೊತ್ತು
ಇರಲಿ ಬಿಡು ಇಲ್ಲೇ ಇರು
ಬರಲಿ ರಂಗಿನ ರಾತ್ರಿ, ಹತ್ತಿರವಾಗೋ ಕನಸು
ಇರುವುದೆಲ್ಲ ಅದರಂತೆ ಇರಲಿ
ನಿದ್ದೆ ತುಂಬಿದ ರಾತ್ರಿ ನಡೆದಷ್ಟು ತೀರ
ಕಣ್ಣು ತುಂಬುವಷ್ಟೇ ಕಣಿವೆ ರಂಗು

‍ಲೇಖಕರು avadhi

June 13, 2013

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಮಾತು ಮುಗಿದೇ ಇಲ್ಲ ಇನ್ನು

ಮಾತು ಮುಗಿದೇ ಇಲ್ಲ ಇನ್ನು

ಡೋ‌ರ ಮಾತು ಮುಗಿದೇ ಇಲ್ಲ ಇನ್ನುಮರೆತು ಎದ್ದು ಹೋದೆಯಾ...?ಹರಸಿ ನಡೆದೆ ಬಿಟ್ಟೆಯಾಕಾಣದೂರಿನ ದಾರಿ ಹಿಡಿದುನನ್ನ ಹೀಗೆ ಯಾಕೊ ತೊರೆದುಹುಡಕಲೇಗೆ...

ನೆಲದ ಕರುಳು

ನೆಲದ ಕರುಳು

ಪಿ ಆರ್ ವೆಂಕಟೇಶ್ ದುಃಖದ ಕುಲುಮೆಯಲಿಹಾಡಲಾರದು ಹಕ್ಕಿಬೇಲಿಯಾಚೆಯ ಮಾತು ಮೌನ ಬೆಂಕಿ ಬಂಧನದ ಭಾವಬಿತ್ತಿತಾದರು ಏನು?ಪುಟಿದ ಕನಸುಗಳೆಲ್ಲಕಸದ...

ಸತ್ಯವು ಸುಡುತಿರುವಾಗ…

ಸತ್ಯವು ಸುಡುತಿರುವಾಗ…

ಇಮ್ತಿಯಾಜ್ ಶಿರಸಂಗಿ ರಾತ್ರೋರಾತ್ರಿ ಚಿತೆಗಳೂರಿದುಸತ್ಯವು ಸುಡುತಿರುವಾಗ... ಸತ್ತವರ ನೋವನ್ನುಪ್ರಜೆಗಳು ನೆನಪಿಟ್ಟುಕೊಳ್ಳಬೇಕು…...

೧ ಪ್ರತಿಕ್ರಿಯೆ

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This
%d bloggers like this: