ಹೊರಟು ನಿಂತಿದ್ದೇನೆ..

ಅನಿತಾ ಪಿ. ಪೂಜಾರಿ

ಕತ್ತಲ ಪರದೆಯ ಸರಿಸಿ
ಬೆಳಕಿನ ಹೊಸಿಲಲಿ ಬಂದು ನಿಂತಿದ್ದೇನೆ

ಹಾಗೆಯೇ ನಿಲ್ಲುವ ಹಾಗಿಲ್ಲವಲ್ಲಾ
ಒಳ್ಳೆತನದ ಮನಸುಗಳನೇ ಮೆಚ್ಚಿ
ಜೊತೆಗಾನಿಸಿಕೊಂಡು ಮುನ್ನಡೆಯುತ್ತಿರುವಲ್ಲಿ
ಹಿಂದೆಂದೂ ಅರಿವಿಗೆ ಬಂದಿರದ ಕೆಲವೊಂದು
ವೇಷ ಕಳಚಿ ಬಣ್ಣ ಅಳಿಸಿದ ಮುಖಗಳು
ಸರಿದು ಹೋಗುತಿವೆ ಎದುರಿನ ಬೀದಿಯಲಿ
ಬೆಳಕಿನ ಬಾಗಿಲಲಿ ಅಡ್ಡ ನಿಂತೂ ನಿಲ್ಲದ ಹಾಗೆ
ನಟಿಸಿ ನಟಿಸಿ ಕಾಯವಾಗಿರುವವರ
ಕಂಡೂ ಕಾಣದ ಹಾಗೆ ಹೊರಟು ನಿಂತಿದ್ದೇನೆ

ಸುತ್ತ ಮುತ್ತಲಿನ ನೆಲದ ಗುಣವನು
ಅರಿತು ಮುಂದಡಿಯಿಡುತಿದ್ದೇನೆ
ತಿರುವು ಮುರುವುಗಳ ನಡುವಿನ ದಾರಿಯಲಿ
ಅದೆಷ್ಟೊ ತಿರುಚಿದ ಕಥೆಗಳು ಕಣ್ಣಿಗೆ ರಾಚಿಕೊಳ್ಳುತಿವೆ
ಕೇಳಿಯೂ ಕೇಳದ ಹಾಗೆ ಹೊರಟು ನಿಂತಿದ್ದೇನೆ

ಬಿದ್ದ ಗೀರಿನ ಸೆಳೆತ ಕರುಳ ಕಿವುಚಿದಾಗ
ಅರೆಬರೆ ಗಾಯಗಳಿಗೆ ಮುಲಾಮು ಹಚ್ಚಿ
ಮನಸು ಚೂರಾಗಲು ಬಿಡದೆ ನಗುತಲೇ
ನ್ಯಾಯಕ್ಕಾಗಿ ಚಾಚಿದ ಕೈಯನು ಇಳಿಬಿಟ್ಟು
ನನ್ನದೇ ದಾರಿಯಲಿ ಹೊರಟು ನಿಂತಿದ್ದೇನೆ

ಎದೆ ಬಾಗಿಲಲಿ ಹಚ್ಚಿಟ್ಟ ಶುದ್ಧ ದೀಪದ ನಿರಂತರತೆಗೆ
ತಮವು ಮೆಲ್ಲನೆ ತೆರೆಮರೆಗೆ ಸರಿದು
ಬೆಳಕಿನರಿವಿನೊಳು ಹೊಂದಿಕೊಳ್ಳುತಲಿದೆ
ಹಿಂದಿನದೇ ಹುಮ್ಮಸ್ಸಿನಲಿ ಹೊರಟು ನಿಂತಿದ್ದೇನೆ
ಇರುವಷ್ಟು ದಿನ ಬಾಳು ನಿರಂತರವಾಗಿರಲು

ಅನಿತಾ ಪಿ ಪೂಜಾರಿ ತಾಕೊಡೆ ಮುಂಬಯಿಯ ಪ್ರತಿಭಾವಂತ ಕವಯಿತ್ರಿ. ದಸರಾ ಕವಿ ಸಮ್ಮೇಳನದಲ್ಲಿ( ಮೈಸೂರು) ಕವಿತಾ ವಾಚನ ಮಾಡಿದ್ದಾರೆ. ಮುಂಬಯಿ ವಿವಿ ಕನ್ನಡ ಎಂಎ ಯಲ್ಲಿ ಪ್ರಥಮ ರಾಂಕ್ ಚಿನ್ನದ ಪದಕ ಪಡೆದಿರುವರು. ನಾಲ್ಕು ಕೃತಿಗಳನ್ನು ಪ್ರಕಟಿಸಿದ್ದಾರೆ.ಕೃತಿಗೆ ಅಲ್ಲಮ ಸಾಹಿತ್ಯ ಪ್ರಶಸ್ತಿ ದೊರೆತಿದೆ. ಹಲವು ಬಹುಮಾನ ಪಡೆದಿರುವರು.

‍ಲೇಖಕರು Avadhi

October 11, 2020

ಹದಿನಾಲ್ಕರ ಸಂಭ್ರಮದಲ್ಲಿ ‘ಅವಧಿ’

ಅವಧಿಗೆ ಇಮೇಲ್ ಮೂಲಕ ಚಂದಾದಾರರಾಗಿ

ಅವಧಿ‌ಯ ಹೊಸ ಲೇಖನಗಳನ್ನು ಇಮೇಲ್ ಮೂಲಕ ಪಡೆಯಲು ಇದು ಸುಲಭ ಮಾರ್ಗ

ಈ ಪೋಸ್ಟರ್ ಮೇಲೆ ಕ್ಲಿಕ್ ಮಾಡಿ.. ‘ಬಹುರೂಪಿ’ ಶಾಪ್ ಗೆ ಬನ್ನಿ..

ನಿಮಗೆ ಇವೂ ಇಷ್ಟವಾಗಬಹುದು…

ಸಾವೆಂದರೆ ಹೀಗೆಯೇ..

ಸಾವೆಂದರೆ ಹೀಗೆಯೇ..

ಚಂದ್ರಶೇಖರ ಹೆಗಡೆ ಎಲ್ಲ ಇದ್ದೂ ಇಲ್ಲವಾಗುವುದೆ ? ಇಲ್ಲದಿರುವುದಕ್ಕೆ ಬೆನ್ನುಬಿದ್ದು  ಖಾಲಿಯಾಗುವುದೆ ? ಹಸಿರು ತುಂಬಿದ್ದರೂ...

ಆನಾ ಆಹ್ಮತೋವಾ ನೆನೆದು

ಆನಾ ಆಹ್ಮತೋವಾ ನೆನೆದು

    ಜಿ.ಪಿ.ಬಸವರಾಜು ನಡುಗುವ ಕೈಗಳಿಂದ ನಿನ್ನ ಎದೆಯ ಪದಗಳನು ಎತ್ತಿಕೊಂಡೆ: ಸೆರೆಮನೆಯ ಮಹಾ ಗೋಡೆಯ ಈಚೆ ನೀನೊಂದು...

ಪಟದ ಪಾಡು

ಪಟದ ಪಾಡು

ಡಾ ಪಿ ಬಿ ಪ್ರಸನ್ನ ಮೊನ್ನೆ ಎಲ್ಲರಂತೆ ನನಗೂ ಪಟ ಹೊಡೆಸಿಕೊಳ್ಳುವ ಉಮೇದು ಬಂದದ್ದೇ ನಡೆದೆ ಹುಬ್ಬನ್ನೇ ಪ್ರಶ್ನಾರ್ಥಕಗೊಳಿಸಿದಾತನ ಬಳಿ ನುಡಿದೆ...

0 ಪ್ರತಿಕ್ರಿಯೆಗಳು

ಪ್ರತಿಕ್ರಿಯೆ ಒಂದನ್ನು ಸೇರಿಸಿ

Your email address will not be published. Required fields are marked *

ಅವಧಿ‌ ಮ್ಯಾಗ್‌ಗೆ ಡಿಜಿಟಲ್ ಚಂದಾದಾರರಾಗಿ‍

ನಮ್ಮ ಮೇಲಿಂಗ್‌ ಲಿಸ್ಟ್‌ಗೆ ಚಂದಾದಾರರಾಗುವುದರಿಂದ ಅವಧಿಯ ಹೊಸ ಲೇಖನಗಳನ್ನು ಇಮೇಲ್‌ನಲ್ಲಿ ಪಡೆಯಬಹುದು. 

 

ಧನ್ಯವಾದಗಳು, ನೀವೀಗ ಅವಧಿಯ ಚಂದಾದಾರರಾಗಿದ್ದೀರಿ!

Pin It on Pinterest

Share This